بعد فقدان الذاكرة

قتلنا العشق

❤️ لازم نرجع للبصرة و نشرح الهم كل شي

* منو راح يصدك كلامنه هم متهميني بالخطف نحتاج ادلة حتة نثبت برائتنة من هاي التهمة

❤️ اصدقائك هم راح يشهدون و الاطباء الي عالجوني
بس احنه ما يصير نبقى هنا لازم نواجه كل شي

ايه - لا تتسرعون انتو هسه بخطر فكرو عدل

* لازم اعرف منو الي كللهم انت عدنة

❤️ رحت صليت و ندعيت انو تنحل هاي المشكله

طلعنه الفجر  من النجف بطريقنة للبصرة

وصلنه للبصرة

* رحت لريام احجي انت ورة هاي المشكله

ريام - ليش كلشي يصير تجيلي و تخلي براسي انه مالي غرض بكلشي

* احسلج تحجين الحقيقة شنو غايتج من كل هذا حته احبج و ابقه وياج بس انت راح تخسريني للابد هذول راح يكتلونة انه و ارادة سوة و انت راح تخسريني

ريام - انت مو اختاريتها عيش وياها و موت وياها

* اوك بس راح اطلكج قبل ما اموت حته حتة ما يصير الج الشرف تكونين ارملتي

ابو محمد -  باجر كعدة الشيوخ و لازم تحجيلهم الحقيقه و لازم يكون عندك ادلة

* رحت للدكاترة و طلبت منهم يجون يشهدون و كان عندي تقارير العلاج و بعد اصدقائي اجو حته يشهدون

❤️ يا ربي من اول ما فتحت عيني و انه من مشكله للثانيه
حته من عرفت اهلي و الي كانت امنيتي الكاهم همة يردون يكتلوني  ،،،

شلون راح يقبلون ارجع الهم و انه عشت كل هذا الوقت بعيدة عنهم اكيد هم ما يردوني بعد و ما راح يصدكون كل شي نكولة الهم

صار موعد كعده الشيوخ و گلبي ع نار انه خلي اموت ميخالف بس ما اكدر اشوف محمد صاير وياه شي

* رجعنه من المضيف و كان كلشي تمام بس اهل ارادة طلبو تروح وياهم

رحت حجيت ويه ارادة
شفتها الحزن تارس عيونهة
ارادة خليج قوية انت راح ترجعين لاهلج الي يحبونج و اكيد راح تكونين سعيده وياهم
و اكيد احنه راح نبقى نزوركم و انه راح اجي اطلب ايدج من اهلج و راح نبقه سوة

❤️ اذا رحت بعد ما ارجع بعد ما راح اشوفك محمد
انه جاي احس هذا اخر حديث بينه
احس انو ما راح اعيش هواي بعد هاليوم

* لا تحجين هيج احنه راح نعيش سوة و بحضور اهلج
بس راح اشتاقلج هواي هواي

باجر راح يجون اهلج ياخذونج بس خليج مستعده و قويه
باجر ترجعين لاهلج الي تتمنين تلتقين بيهم من زمان

❤️ خايفة كلش

* ما اكو داعي لاي خوف هذول اهلج

ماجد - بتك سودة وجهونه كدام العالم و هاي القصه حبيبها الفها بس حته يتبرة من الموضوع و احنه ما نقبل تجي تعيش هنا بعد كل الي صار