بعد فقدان الذاكرة

محكمة

❤️ اليوم موعد جلسه بابا بالمحكمة
لبست حجابي و عباتي و رحنه للمحكمة انه و اخوي و عمامي

دخلنه للمحكمة شفت محمد گبالي
گلبي فز من مكانة اتمنى لو باقية فاقدة الذاكرة اقلها ما صار الي صار و كان هسه انه ويه محمد

*  جنت انتضرها تجي حتة اشوفها شكد حلوة بالعباية شوف النزاكة و الرتابه و الهيبه وهي تمشي العبايه مبينه شخصيتها كلش قويه اول مرة اشوف وحدة لابسة عباية بس بهذا الترتيب و الجمال

انه اعرف محامي شاطر خليته يحقق بالقضية

ما كدرت احجي وياها لان عمامها موجودين

رحت حجيت وياهم

السلام عليكم

- وعليكم السلام

*  بس اريد اطمنكم انو المحامي الي متولي القضيه كلش شاطر و راح يكشف كل الحقائق

- ان شاء الله خير

بدت جلسه المحكمة

المحامي -  حضرة القاضي موكلي حيدر شهاب المتهم بقتل كل من بنتة حنين حيدر و منقذها محمد حسن ايهاب 
قام موكلي باطلاق النار عليهما بعد وصول بنته الى البيت
والسبب كان اعتقاد الاب بوجود علاقه غير شرعيه بين محمد وحنين ...
و الا ما كان يقتل منقذ بنته من الحادث الي صار ع طريق الجامعه و الي ادى الى موت كل من كان بالسيارة و لكن حنين انقذت بطريقه عجيبه

سيدي القاضي اي شخص ما يقتل اذا ما كان عندة دليل ضد الشخص الاخر و موكلي كان يملك الدليل على هذه العلاقه موثقه ب صور و مقاطع فيديو مصورة و هذا الي خلاه يرتكب هذه الجريمة

سيدي القاضي السؤال المطروح من اين حصل موكلي على هذه الادله؟ 
الجواب هو انو شخص مجهول الهويه رسلهن اله و هذا الشي موثق عندي

وهذا يدل على انو شخص معين كان هدفه الوصول لهذه النتيجه و هي قتل حنين و محمد و التخلص منهم
وهو من خطط لحصول هذه الجريمة

تسمحلي سيادة القاضي استدعي لمنصة الشهود انسام

انسام جاوبي بنعم او لا انت الي رسلتي الصور لحيدر

انسام - نعم

المحامي - منين كدرتي تحصلين ع الصور

انسام -  من زوجه محمد هي كلتلي ادور ع اهل ارادة و بعد ما دورت عليهم كدرت اعرفهم بعدها نطيت خبر لريام و رسلتلي صور ل ارادة و محمد سوة  و انه رسلتهن لابو حسين الي هو حيدر
و كلتلي انو افهمة انو بنته عدها علاقه ويه محمد و هم هربو سوة و انو قصه الحادث كانت مفبركة و مو حقيقيه

سيدي القاضي بعد اعتراف انسام توضح امام حضرتكم ان جريمة القتل كانت مخططة مسبقا من قبل  ريام و موكلي كان ضحيه لهذة الخطة

سيادة القاضي ساستعدي شاهد اخر و هي ايه اخت محمد
تفضلي لمنصه الشهود

ما الاساليب التي كانت تستخدمها ريام مع ارادة

ايه - كان واضح انو هي ما تحبها و كانت تسوي وياها مشاكل دائما 
القاضي انتهت جلسه اليوم

❤️ خلصت الجلسه و طلعت
محمد منو ريام و ليش هيج سوت بيه

*  قصة طويله انت ما جاي تذكرينها هية تكرهج كلش

❤️ طيب ليش تكهرني هالكد

* لانو ....  يعني هي تكرهج لانو انت من كنتي عدنه كنت اهتم بيج هواي لهذا السبب هي كانت تغار و ضلت تكرهج

❤️ انت شوكت تزوجت

* هاي جريمة ثانيه لريام كان انه ضحيتها

❤️ انه ما فاهمة شي

* هنيالج نسيتي كلشي
المهم راح احجيلج كل شي بعدين

رجعت البيت دمي فاير
صحت ع ريام
رياااام

ريام - خير شبيك

*  ضربتها يا حقيرة انت ورة كل الي صار توقعت هذا الشي مو جديدة عليج الحقاره

مبروك عليج السجن اليوم انسام اعترفت عليج كلشي و هسة الشرطة جايين يعتقلونج

واخيرا راح تخلصين باقي عمرج بالسجن

ندك الباب اجت الشرطة اعتقلت ريام

❤️ رجعت للبيت حسين سولف كلشي صار لماما و ماما شبكتني و ضلت تبجي

لا ماما لا تبجين خلص كلشي صار تمام

ماما - شكد تعذبتي بحياتج و حته اتهموج ظلم انه بسبب چذبتهم ردت افقدج للابد بعد ما الله رجعج الي

❤️ الله ما يخلي احد ماما الله موجود و هو شاهد و حاكم ع كل شي ما دام الله هو الحاكم ما يضيع حق احد

ماما - و النعم بالله الحمد لله من رجعج لحضني يعمري

❤️
خابرت محمد  السلام عليكم

* وعليكم السلام

❤️ بس ردت اعرف شلون كدر المحامي يخلي انسام تعترف

*  لان انسام طلبت من ريام فلوس و ما نطتها ف حته تنتقم منها اتصلت عليه و كلتلي كل شي مقابل انطيها فلوس

❤️ ليش ما كتلي من قبل

* لان ردت اكشف هذا الشي كدام المحكمة بالاول

❤️ انت تذكر وعدك

* اي اكيد ابوج راح يطلع بس علما تنكشف الحقيقة كاملة بعدها اتنازل عن القضيه

❤️ اوك شكرا

* عفوا تدللين

موعد الجلسه الثانيه بعد يوم
يتبع .....