بعد فقدان الذاكرة

ضياع 💔

مرحبا

مر اليوم محمد باقي بغرفته بس نزل تغده و صعد

* ساعه 9 باليل وكفت ع السطح طلعت اشم هوه، ، شفت ولد خله ضرف يم الباب وراح نزلت بسرعه حته اخذ الضرف
شفت الضرف بايد ابوي
بابا هذا الضرف الي نطيني اياه

اخذته من ابويه و صعدت لغرفتي

ايه كنت بالصاله شفت محمد نزل يركض و رجع بايده ضرف
اراده جانت بالغرفه، ،

* فتحت الظرف بي رسالة و فلاش
مكتوب بالرساله
سامحيني، ، هاي كل ذكرياتنه خليها يمج اتمنى ما تنسيني

شغلت الفلاش بي محادثات واتساب بينهم و صور اراده راسلتهن اله، ،،

عقلي وكف    ،، مستحيل اراده تسوي هيج شي "
بس هاي المحادثات شنو، ،، شلون منو رسل صور اراده
المحادثه من رقم اراده، ، يارب

❤️ اتصل علية محمد ساعه 10 گلي تعالي بسرعه بعصبيه

ايه-   شبيج

❤️ محمد عصبي و يريدني بسرعة
دكيت الباب و فتت، ، محمد وجهة ما يتفسر

* ارادة للمره الثانيه اسالج عندج علاقه باحد لو لا

❤️ محمد والله ما عندي ليش مجاي تصدك بيه

*  شوفي بعينج، ،، رويتها المحادثات و الرساله

❤️ شفت المراسلات و صوري جمدت بمكاني
يعني شما احجي محد راح يصدكني الادله كلها ضدي
شلون صارت هاي المراسلات ما اعرف
ضليت بس صافنه ع محمد و الدموع تارسه عيوني

* اباوعلهة نصدمت و تباوعلي ب برائه  وحزن، ، احس صدك ما مسويه شي بس گلبي يكلي شي و عيني تكول شي ثاني

❤️ انت ما مصدكني محمد مو😭

* ما ادري شكلها بقيت بس اباوعلهة وهي تبجي
داخت و طاحت، ،،، ارادة، ، ارادة ،، كعدي

ايه، ، جنت واكفة يم باب غرفه محمد سمعته و هو يصيح ارادة، ، فتحت الباب دخلت شفت اراده طايحه شلناها خليناها ع الجربايه ذبيت عليهة ماي بلكت تصحة

محمد شصاير شبيك انت وياها، ،، شفت المراسلات، ، نصدمت، ، بس انه متاكده اكو شي غلط
هذا نفس الرقم الي راسلج ذاك اليوم و حضرتي، ،

❤️ اي نفسه

ايه - محمد هذا الرقم ذاك اليوم  راسلهة ساعه 12 باليل وهي حضرته وانه جنت يمهة هي ما تعرفه

* انطيني الرقم  اخابر عليه حته اعرف منين جاب هاي المحادثات و الصور
اتصلت عليه مغلق

ارادة تعالي حلفي انو ما عندج علاقه ويه هذا الولد

❤️ جابلي القران و حلفت عليه
تمنيت لو ميتة بالحادث ولا شفت هذا اليوم الي يكون شرفي و اخلاقي ع المحك و اضطر احلف و ابرر ع شي  انه اصلا ما مسويته ،،،