تحيه حلوه لعيونكم الحلوه 😘
بالبدايه احب اشكركم ع التفاعل الجميل 😇
وهسه يلا نكمل القصه 👇
تعالو 👇
احمد - الو حمودي شلونك
محمد -هلو حبيبي الغالي شخبارك
احمد - انه حبيبك لووووو ....
محمد - ولك منو؟
احمد - الي مساع صافن بيها ههههه
م- هههه وداعتك محد
أ - ولك شنو جاي تسوي تعال يمي
م - ما اكدر اعذرني اراده وحدها بالبيت "
أ - اراده منو؟
م- البنت الي صار وياها حادث وبقت عدنه
أ- اها انت مو ما تعرف عنهة اي معلومات
م- اي ايه سمتها اراده لانها صار عدهة اراده حته تعيش
أ - الله الله ولك حميد حلوه البنيه؟
م - ولك اسكت،، بعدين البنيه مريضه وما اكدر اتركها وحدها، ، قبل شوي جنت وياها بالمستشفى
أ- يااااا خطيه شلون وضعها
م- والله يا خويه تعبانه جسمها مكسر و حالتها النفسيه تعبانه أ - لعد منو يگوم بواجبها بس لا انت؟
م - شكد سخيف، ،، اختي هي الي گايمه بواجبها بس اذا اختي بالدوام اروح اسولف وياها حته لا تضوج
أ - ها دير بالك عليها
م- اممم اوك باي حبيبي
احس روحي جوعان، ، اكيد اراده هم جوعانه لان ما اكلت، ،، نزلت يم ماما كتلها تصبلي غده انا و اراده
ام محمد - اوك حبيبي دقايق بس انتضرني
محمد - اخذت الاكل ورحت لغرفه اراده دكيت الباب گلتلي تفضل، ، ،
هلو اكيد جوعانه وانه هم جوعان كلت خلي نتغده سوه
اراده - شكرا، ، اسفه جاي اتعبك وياي
حط صينيه الاكل و اجه سندني وكعدني، ، ما اعرف اوصف احساسي من يتقرب عليه، ، احس گلبي يدك سريع وارتبك، ،، لزمني من ايدي وايد ع ضهري وگعدني، ،
محمد - من اتقرب منهة مدري شيصير بيه مشاعر غريبه، ،، احس روحي ترتاح من اكون يمها، ، رغم اني ما اعرفها، ،،
يلا بسم الله، ،، ردت اوكلها ما قبلت
اراده - اممم اني اكدر اكل، ، اكدر احرك ايدي، ،
استحي من يوكلني اتخربط مدري شيصير بيه
ع فكره وحده من ايديه مكسوره والثانيه بيها تمزق ورضوض، ، حاولت احركها بصعوبه، ،،
محمد - ادري بيها ما تسيطر بايد وحده " انه اقطع الهة الاكل وهي تاخذه وتاكله، ، تحبين الدجاج؟
اراده - عادي اكله يعني مو فد شي مميز
محمد - اها اكو مطعم دائما اروحله طبخه يجنن يسوي دجاج شوي فد شي " 👌
من تصيرين زينه اخذج اله انت وايه، ، بعدها يوميه تكليلي خلي نروح، ،
اراده - ههههه هيج اكله حلو
محمد - اي طبعا " ساعدتها حته تغسل ورجعنا ،،،
اراده بصراحه اريد اكلج شغله، ، ،
محمد - تفضل
محمد - تصيرين صديقتي؟
اراده - تفاجئت! !!!!! - اي -
محمد - يعني توعديني نصير اصدقاء وما تستحين مني و تسولفيلي كلشي وتحجيلي كلشي بخاطرج
اراده - انت اقرب شخص الي، ،، انت تعرف انو انه ما اذكر شي ولا اعرف احد، ،، فتحت عيني شفتك گبالي، ،، احس روحي ضايعه انه كلشي ما اعرف عن حياتي، ، ساعدني محمد، ،، ....
محمد - اهدئي ارادة، ، ما يصير تفكرين هواي، ، انه حجيتلج كلشي اعرفه، ، واكيد راح تتذكرين بس يحتاج وقت، ، ولازم تتعافين حته تكدرين تسترجعين ذاكرتج، ، لازم تشدين حيلج " وتصيرين زينة وتصير عندج قوه ارادة حته تعيشين و تتأقلمين ويه الوضع، ، وانه عرفت من قوة ارادتج انت انسانه قوية وتكدرين تتخطين كل هاي الصعوبات """
راح تگدرين اوك 👍
اراده - اوك 👍
محمد - اتفقنا ...
اراده - اتفقنا 👍
مد الي اصبعه حته نتصاحب 😇 مثل عاداتنا قبل من كنه اصغار ( نشابك اصابعنا الزغار علامه ع الصداقه)
اجت ايه، ، صرنا انه ومحمد و ايه اصدقاء، ، حسيتهم مثل عائلتي كانو يهتمون بيه لابعد الحدود، ،
مثل كل يوم ايه تروح للدوام بدايه الاسبوع يومين صباحي، ، و 3 ايام عصري، ،، محمد كل يوم يروح للجامعه بالوقت الي ايه يكون دوامها صباحي هو يتاخر بالبيت حته يساعدني، ،، هو وماما، ، واذا ايه عصري يرجع من وقت حته لا ابقه وحدي، ،، ماما تجي تسولف وياي اذا محد موجود ما تخليني وحدي، ،، نشوف تلفزيون سوه، ،، عمو هم يجي يسال عني وبشوفني شنو محتاجه، ،، حسسوني انو هم اهلي و ما اكو فرق بيني وبين ايه. ....
محمد - كالعادة يوميه دوام، ، احاول اساعد اراده بالي اگدر عليه، ، دائما افكر بيها حته من اكون ويه اصدقائي وحته اسولف الهم عنها "
اما بالدوام ف البنات الثنين دائما اشوفهن يباوعلي، ، ولحد الان ما اعرف شنو الي يردنه؟
كاعدين باكافتريا ،، لاحضت البنات واكفات يباوعن عليه، ، بقيت اباوع عليهن، ،،
امجد - غمزت لاحمد حته يشوف محمد وين صافن
احمد - احم احم محمد وين خويه
محمد - اكللكم شباب انا حاير بشغله ،،، تشوفون ذكن البنات الثنين ،، بس يباوعن عليه صار فتره ما ادري شيردن ،،،
احمد - لك خاف معجبات ههههه
محمد - لا لان نضراتهن مو مال اعجاب حته مرات اشوفهن يبجن من يشوفني ما ادري شبيهن ،،،
امجد - لك شنو صاير لازم نعرف السالفه "
اسراء - چنت اباوع عله محمد والله احس روح حنين بي من اشوفه اذكرها واذكر كل سوالفنه
فاطمه - ولج اسراء ضلو يباوعون علينه والله انتبهو
احمد - كل يوم بالجامعه ينعاد نفس الموقف ،، لفتت انتباهي وحده من البنات ،،، مبينه كلش حزينه دائما اشوفها تبجي ،،
حنطاويه ،، وعيون كبار ،، طولها حلو و نازكه وتلبس كاب ،، بس ما اعرف شنو سبب حزنها ،،،
قررت اصنع صدفه حته احجي وياها ،،، بقيت اراقبهن وعرفت قسمهم وكليتهم ،، عرفت يمته تجي ويمته تطلع ،، من اي باب تدخل ،، و ويامن تمشي ويامن تجي للجامعه ،،،
بقيت اسبوع كامل اراقبها ،،، بدون ما تعرف" وكل يوم اكتشف بيها شي جديد ،،، ضحكتها تخبل ،،، دائما اشوفها حزينه ،، ما عدها صديقات بس وحده تمشي وياها ،،،
كالعاده اجيت الصبح شفتها كاعده جوا المضله ،، بعدين راحت لقسمها ،، جاي تمشي و .........
باجر اكمل الكم لان كلش تعبت من الكتابه 😇
شنو تتوقعون راح يسوي احمد ؟ 🙀😇
وشلون راح يحجي وياها ؟ 😇
صوتولي يورد 🌸💐🌹
احبكم احبكم احبكم
من قلبي 💚
أنت تقرأ
بعد فقدان الذاكرة
Romanceعشقته بكل قواها العقلية والفكريه والقلبيه ♥️ ولكنها فقدت ذاكرتها """" ف هل سينتهي هذا العشق؟ ام سيبدأ من جديد؟ تابعوا الاحداث 👈
