بعد فقدان الذاكرة

قلبي على المحك 💔

شلونكم يعيوني 🌸

مشتاقتلكم، ،

متشوقين للبارت لو لا؟ 

تردون اكتب لو اعوفها نخلي بارت تعارف اليوم 😇

خلي بارت تعارف احسن، ،، مو لو مو مو 😉

تعالو احجيلكم شغله، ،، سر من الاسرار 💚
تدرون احمد شسوه ع مود يحجي ويه اسراء؟  اممممم اكيد ما تدرون، ،، يلا تعالو اقرو شصار، ،،، 👇

احمد - شفتها جاي تمشي و فتحت نقالها تريد تخابر، ،، انه هم سويت نفسي اخابر اجيت امشي كدامها وضربتها ع اساس انه ما ادري، ،، طاح نقالها
اسف ما انتبهت
اسراء - انه اسفه ما انتبهت
اح -خو ما انكسر نقالج
اس - ما ادري، ،،
اح - والله انه اجيبلج غيره اذا نكسر
اس - لا خويه يولي مع السلامه
انه ارتبكت بس اريد اشرد، ، استحيت منه بعدين تذكرت هذا الولد شايفته، ،، اي والله شايفته ويه محمد بس لا محمد دازه عليه " بس لا شاكين بينه شلون يربي، ،، والله فشله

فاطمه - ها شبيج مرتبكه ولونج اصفر، ، وين رايحة
اس - ولج فطوم صار وياي موقف يموت، ، خلي احجيلج، ،، سولفت الها كلشي صار، ،
فاطمه - بعد ما ترحين تشوفين محمد، ، هذول حسو علينه وحسبالهم نريد نزحف "

محمد - رجعت للبيت اليوم من وقت لان ايه ما موجودة اول ما دخلت للبيت شفت ريام بت خالتي عدنه
السلام عليكم
ريام - وعليكم السلام هلو محمد شلونك
محمد - تمام انت شلونج
ريام - تمام
محمد - ماما وين ارادة
ريام - هاي البنيه الغريبة انت منين جبتها
محمد - اسمها ارادة و مو غريبة، ، صديقتي وصارت من عائلتنة، ،
ام محمد - بغرفتها ماما ما بيهة شي توني چنت يمهة
محمد - گبل رحت لارادة ، ،، هلو شلونج
ارادة - هلة هاي شبيك مبين تعبان
محمد - لا ما بيه شي بس من الدوام تردين نتغده هنا لو يمهم، ،
اراده - سكتت ما ادري شاحجي المشكله ريام موجوده واذا بقينه وحدنا راح تحجي واذا رحت وياهم هم راح تحجي
بكيفك انت عادي اي شي
محمد - شفتها مدري شلونها
ارادة سلمت عليج ريام

اراده - اي مساع اجت سلمت عليه
محمد - شنو حجت وياج
اراده - ما اكو شي سلام وبس

محمد - رحت غسلت وبدلت ونزلت لارادة، ، سندتها وكعدتها ع الكرسي صار وجههة ع گلبي ️💚 حسيت اتمنه لو ابقى عمري كله حاضنها

ارادة - لزم ايدي، ، وايده الثانيه ع ضهري، ، بس حسيتة حاضني حضن، ،، صرت كلي بين ايديه، ، احس كل حنان الدنيا بيه، ،  اخذني للصالة، ،

ريام - شفته اجه هو واراده، ،، اراده انت شلون تاكلين صدك سمعت انو كسورج قوية وحته لو طبتي ما ترجعين طبيعية "

محمد - تكدر تاكل و راح تطيب و ترجع احسن من قبل ريحي بالج لا تفكرين، ،، ماما صبت الغده كالعادة گعدت بصف ارادة، ، انا اقطع الها وهي تاكل بايدها