بعد فقدان الذاكرة

حلم يتحقق

❤️ يلا ايو راح نتاخر

ايه - يلا خلصت

* بدلت و رحت احجي وية البنات شفتهن طالعات من الغرفه

اويلي ارادة تجنن مكياج خفيف و تسريحة تجنن صفنت عليهة

و هي ستحت و دنكت

ها جاهزين

ايه - اي

* لعد يلا

❤️ اممم بس لحضه

* شنو

❤️ رجعت حطيت شال ع راسي مجاي اعرف اطلع بدون ما احط شي ع راسي

ايه -  ليش هيج مساع احلة راح مديل التسريحة

* بكل الاحوال حلوة يلا نمشي

ريام -  روحو هاي اخر مرة تطلعون سوة

* صعدنا بالسيارة و رحنا بس انه خايف يصير شي ،، خاف تشوف الجامعه و تتخربط بس الله اليستر من الجاي

وصلنا للجامعه

❤️ گلبي ضل يدگ بسرعة اول ما دخلت للجامعه
ضلينة نمشي اباوع ع المكان احس انو انه شايفته و عايشه بي

* ارادة خلي اراويج  كليتي

الو هلو احمد

احمد - روح للحديقه الي مقابيل القانون راح اخذ اسراء هناك

* حبيبي تدلل

احمد - هلو بنات

اسراء - هلو  بيك

احمد - اريد  احجي وياكم بشغله ممكن تجون لحديقه القانون هناك هدوء

فاطمة - شنو صاير اكو شي

احمد - لا تخافين ما اكو شي

ايه - هاي الحديقه تجنن مو ارادة

❤️ حسيت راسي راح ينفجر ضلت تجي ابالي صور ما مفهومة  

* ارادة شبيج    ،،، شفتها لزمت راسها و مبينه كلش تعبت

❤️ راسي كلش

* شربي شوي ماي

اسراء -  رحنه للحديقه القانون

بقيت مصدومة يا ربي هاي تشبه حنين

فطوم شوفي هاي حنين

فاطمة -  يا ربي ولج كلش تشبهة معقوله هيج

اسراء - لا مو تشبهة هاي هية والله هي

فاطمة - ولج اوكفي حنين ماتت هاي مو حنين

اسراء - ولج خيه شوفيها  و الله هيه

فاطمة - لا هي تلبس عبايه و حجاب و بعدين هاي البنية ويه محمد يمكن قرايبهم او اخته  شوفي شلون كاعد يمهة و يسولف وياها

اسراء - لا لازم احجي وياها

احمد - ردت فعلهن و صدمت كلها تكول انو هي صديقتهن يعني شكوكنا طلعت صدك