رسائل لقلبك ⁦❤️⁩

السبب

الشيخ الشعراوي الله يرحمه كان عنده صديق رجل اعمال ..وفي ليله وهما مسافرين سوا في الطريق ..الشيخ الشعراوي شاف شاب عنده متلازمه داون.(الناس اللي بيبقي عندهم ضعف القدرة الذهنيه وبيكونوا شبه بعض في الشكل)
المهم الشيخ الشعراوي نزل من العربيه وقعد علي الارض مع الشاب ده وفضل بهزر ويلعب معاه..الناس لما عرفوا أن الشيخ الشعراوي موجود في قريتهم جريوا عليه...عشان يشوفوه..ومن ضمنهم أهل الشاب ده..فالشيخ الشعراوي اعطي الشاب ده مبلغ من المال ورفع ايده للسما وقال :"يارب ارزق أهل هذا الشاب معرفه سبب بلاء ابنهم ..
استغرب جدا صاحب الشيخ الشعراوي من الدعاء ده ومعرفش ينام طول الليل وقام في عز التلج لاهل الشاب ده .. وسأل أبوه فسأله : كنت عايز ابنك يطلع ايه؟!
جاوب ابو الشاب بحزن : كان نفسي ابني يبقي سليم ويشتغل ويجيب مية جنيه في اليوم..وخرجت ام الشاب لما سمعت صوت ..فسألها صاحب الشيخ: كان نفسك ابنك يطلع ايه؟!
قالتله بحزن  : كان نفسي يبقي سليم ويساعدنا في المصاريف ويشتغل ويجيب ٥٠ جنيه في اليوم
ضحك صاحب الشيخ وقال: ولاتزعلوا من انهاردة اعتبروا ابنكم موظف في شركه من شركاتي وبيقبض ١٠٠٠ جنيه في الشهر..عشان تعرفوا أن بلائه فيه خير ليكم ..عشان لو كان سليم ..ماكناش جاب غير ١٠٠ جنيه بس..لكن بسبب مرضه هيدخلكم الف جنيه شهريا ..ففرح أهل الشاب كثيرا وحمدوا ربنا وعرفوا أن ربنا لما بياخد شي بيدي بدل له حاجات كتير ..فالشاب المريض ده كان سبب في تعليم بقيه اخواته..وان أبوه وأمه يبقوا أغنياء بين الناس لحد وفاتهم...⁦♥️⁩

علي رأي الشيخ الشعراوي : يمكن ربنا ياخد منك الي انت عايزه ..عشان يديك اللي انت محتاجه
وعلي رأي انيس منصور : مافيش شي بيحعل الإنسان عظيم غير امل عظيم🧡

كتبتها بالعاميه عشان تبقي قريبه لقلوبكم🌺🌺