( و انا بسحب الكرسي بي يدي و داير اقعد ) !
لقيت صوت منهك طالع منها ، بتقول لي : أمل منو ؟ انا اسمي #أمنيات !!
رجعت بالكرسي لي ورا او دفرتو بمعني اصح و بقيت منطط عيوني فيها !! عاينت ليها لقيتها مغمضة !!
قلت اكيد دا عقلي الباطن صور لي اني سمعتها ! اتخلعتا لقيت نفسي جمب باب الغرفه ! بعاين فيها و بعاين برا ! ما عارف انا داير شنو ولا اعمل شنو ، بقيت اقول بسم الله في شنو ي يوسف روووق .. روووق !! رجعت و بقيت بعاين ليها !!
(بي صوت بيرجف ) قلته ليها : انتي اتكلمتي ؟؟
ما ردت علي ! رجعت على الكرسي بي شرود و انا لسه بعاين ليها ! و انا ماسك الكرسي !
سمعتها بتقول ( اااخ يا رقبتي ) ! فكيت الكرسي و جريت ، في الممرات ! مشيت لي ملاذ لقيتها مافي ، لقيت في حالة جايبنها من حادث و المستشفى جايطه شديد و مافي زول مركز معاي !
نزلت المكتب حق الدكتور .. خبطت لقيت الباب مقفول .. بقيت لافي زي النحلة !! اقول يا منو ما عرفته !!
رجعت و بقيت واقف جمب الباب و عيوني مرقرقه ما قادر ادخل ولا قادر اعاين ليها ، ما قدرت افسر احساسي الوقت داك ! افرح ولا ابكي و لا اقعد اقوليها اسف و لا اسوي شنو !
استجمعت شجاعتي .. و مشيت وقفته جمبها ، قلت ليها : رقبتك واجعاكي ؟
قالت لي : امممم ااخ
طيب بتقدري تفتحي عيونك ؟
__ ما ردت ...
امنيات ...( الاسم بقى لي غريب شديد ) امنيات ..امنيات ردي ! طيب اسوي شنو اعلي ليك السرير و لا انزلو عشان رقبتك !! هييي نمتي ! يا الله ياخي ، و جريت تاني براااا ! اثناء نزولي في السلم ، اتخابطنا انا وملاذ !! قالت لي ! في شنو ؟؟؟
قلت ليها : وين دكتور معاذ ! اتكلمت معاي و سكتت !
قالت لي : بجد !! طيب طيب امشي انت بشوف دكتور خدر لانه دكتور معاذ الليله في عيادتو الخاصه !
قلت ليها : يا الله ! خدر دا الشاب داك ؟
قالت لي : ياهو برضو متابع حالتها ، خليك جمبها انا ح امشي المبنى التاني اجيبو واجي !
قلت ليها : طيب ! ( و مشيت وقفت حمب باب الغرفه ) تاني اترددت و دخلت ! قلت اتكلم معاها لمن يجي الدكتور !
قلت ليها : سامعاني ؟ امنيات .. سامعاني انتي ! لو سامعاني حاولي تتكلمي معاي !
فجأة قالت لي : آمنة قتلوها ؟؟
اتخلعته بالجد ... قلت ليها امنه منو ؟ (رغم اني كنت مستوعب بس داير اعرف في فكرها في شنو )!
وسكتت ما ردت علي تاني ! بقيت مشحتف لمن لقيت الدكتور جاي داخل زحيت ليهو ! و بقى يكشف عليها و يتكلم معاها !
أنت تقرأ
قناع العروس
Randomيعني شنو عروس تهرب قبل زواجها بي يوم ؟ سؤال حتلقو اجابتو جوا روايتنا #قناع_العروس عموماً كدا .. الحياة ما ساهلة ، ولا مُرضية ، ولا عادلة لي حد رغباتنا ! لكن ياهاا حربنا الوحيدة .. الحرب البنخوض فيها كمية من المعارك والتحديات على امل يجي يوم و...