ركبنا الامجاد ... كنت بتلفت و بعاين لي الشوارع و لي كل ركن ، كنت بحاول انعش ذاكرتي ، بس الموضوع كان صعب و صعب شديد كمان !
كنت شايفه الهم في ملامح يوسف و عوض ، همي اللي هما داسنو ! هم المسؤولية اللي فجأة لقوها في رقبتهم !! لمن نزلنا من الامجاد و وصلنا محل مكتوب "السوق الشعبي"
فكرتا في اني اهرب منهم من غير ما ينتبهو علي ! ما عارفه كيف و بي ياتو منطق بس بالجد دا كل الكنت بفكر فيهو وقتها !
بس يوسف و عوض ما ادوني اي مجال ، كانوا منتبهين علي زي الشافع ! لمن لقيت انه مافي مجال للتفكير في حاجة .. جابو سندوتشات و مويه !
قعدوني جمب بنت قدامهم و هم قعدو وراي مباشرةً !
ما كان عندي حل غير النوم !
تكيت راسي على الشباك ! لقيت يوسف بيقول لي انتبهي على راسك و الشباك ما تتقلي علي راسك ! لو ما نعسانه شديد ما تنومي حاولي تركزي مع الشارع !
رجعت قعدت واستعدلت !
البت اللي جمبي قالت لي : شكلو راجلك بيحبك شديد لمن خايف عليك يا بختك !
قلت ليها : دا اخوي ما راجلي !
اتلفتت عاينت ليهو ! وقالت لي امممم بس ما بتتشابهو يعني دمكم ما بقول انكم اخوان !
قلت ليها : حكمة ربك !
قالت لي : هو وجيه و وسيم و انتي يعني اممم عاديه !
قلت ليها : بس انا حابة نفسي و حابه شكلي و ما بقارن نفسي بي زول حتى بعد الكدمات الفي وشي دي انا راضيه بي نفسي شديد ! وازيدك من الشعر بيت ! هو ما حلو من برا بس !! هو حلو حتى من جواهووو !! حلو !!
قالت لي : اممممم ! والكدمات دي من شنو ؟
عاينت ليها و ما رديت ، ربعت يدي و بقيت متابعه الشارع ...
كنت متخيلة المسافة اكتر من كدا ! لمن لقيت الناس بتنزل ، و يوسف بينزل في شنطتي و عوض بشيل الحاجات ! قلت ليهم ! وصلنا ؟؟
عوض قالي : وحاة الله انحن لسه فيها لو حاسه بي حاجة ، و حابة نرجعك المستشفى قولي طوالي اصلو ما تترددي ! هدا ليو الزول زولنا و برجعنا من دربنا دا ! ها قلتي شنووو ؟
قالت لي : بتتمنى لي الشر ! ارقد اكتر من الايام الرقدتها ديك يعني ، شكراً ( كرفست وشها )
عوض عاين ليها قاليها : هوووي هااا يا الطيرة ! حتبكي انتي ! يا بت ! شوف البت دي بالله ! بهظر انا ياخ !! طب احكي ليك نُكتة !
فجاة فكت الضحكة قالت ليهو : ههيه غشيتك هههه ! نظام اتحسست و كدا !! و مشت نزلت !
دقيقه يا بت امنية !! دقايق ! عوض امشي عليها خلي لي الشنطه دي !
أنت تقرأ
قناع العروس
Randomيعني شنو عروس تهرب قبل زواجها بي يوم ؟ سؤال حتلقو اجابتو جوا روايتنا #قناع_العروس عموماً كدا .. الحياة ما ساهلة ، ولا مُرضية ، ولا عادلة لي حد رغباتنا ! لكن ياهاا حربنا الوحيدة .. الحرب البنخوض فيها كمية من المعارك والتحديات على امل يجي يوم و...