قناع العروس

٢٤

شكراً لي كل اللي هنوني ( بتتكتب كيف دي 😂😂 جاية من تهنئه ياخ ) المهم شكراًليكم كتير و قلوب من هنا لحد بيتكم ❤️❤️❤️❤️❤️

.

.

.

.

! و في الختام كانت الزغاريت هي مسك الختام حق العقد !!! 

آخر جملة سمعتها : " مبروووك يا عروووسة " !

من امي و صحبتها و خالتي و مرة عمي و زوبا و اختها ! البكى البكيتو كان مُحير الناس دي كلها ! لمن امي بقت تهدي فيني ! لمن ما عرفت تسكتني ، ساقتني البيت جوااا !! هي و خالتي ! 

امي بقت تسأل فيني ، مالك يا بتي حاصل شنو ؟؟ 

بقيت ببكي بس !! لمن تعبت عديل مني ! خالتي جابت ليها التلفون ! قالت ليها دي هنادي بتتصل !! 

امي : ردي ليها انتي انا اعصابي بايظه مع امنيه ، قبل شوية كانت كويسه ! تاني ما عارفه حصل شنو !

خالتي : حا تروق يا فاطمة دي رهبة العقد بس ، قومي غسلي وشك دا ، اهل راجلك ديل ما يجو يشوفوك كدا قوممي !!?

فاطمة : كدي اديني التلفون دا ولا فصلت ! 

خالتي : فصلت ... قومي يا امنية و صلحي مكياجك دا ، و خليكي نايرة كدا زي قبيل ! 

قمته دخلت غرفتي ! و بقيت بضرب راسك في الحيطة لمن ما حاسه بي نفسي محتاجة اتذكر عايزة اجن !! ياربي !!! 

بعدها روقتا ، و صلحت مكياجي و نفسي ! و بقيت بذكر الله و بستغفر ! بعدها براااي طلعته ما انتظرت زول يجيني و قويت نفسي !! 

مع طلعتي كدا ، لقيت عاطف بيفتش لي ! قلت ليهو : بتفتش على منو ؟

بي فرحة اتلفت علي : بفتش لي عروسي عشان ابارك ليها ..(قرب علي ،و مسك يدي و باسها ) ربنا يخليك لي و يهنيني بيك حبيبتي انا !?

خالتي : ايوووووي يووي يوووووي !! 

عاطف : ههههه اها نمشي ؟؟ 

امي : حتسافرو طوالي ؟

عاطف : لالا بس في برنامج مرتبو حنمشي عليهو ! السفر كمان يومين كدا بأذن الله ! 

امي : ما اوصيك عليها ! و جيبها لي قبل تسافرو ! 

عاطف : اكيد ... يلااا نخليكم .. 

امي : جات باستني هي و خالتي و صحبتها ، و قالت ليهو الشنط يا عاطف ! 

عاطف : اي تمام .. يلا يا عروس ..

مشيت معاهو ، ما عندي اي احساس في الوقت الحالي ، متوكلة عليك يالله ، رغم اني م كنت حابه احساس المغلوب على امرها ، بس الايام بتعلم ! رغم ذلك م كنت خايفة من حاجة ! و مشينا !!