ثم يُقال أننا أقوياء حين نجتاز ويبدو على ظاهِرنا السَلامة ، لكن الضرر كلَّ الضرر في داخلنا..
**(بي صوت مهزوز و مكسور ) لا ! #راجلك !!!
عبير : (صرخت ) لاااا !!! امنيه انتي متزوجة !!
من الصدمة قعدت مرة وحدة ! و بقيت بعاين ليهم و بقول ليهم : انا متزوجة ؟ معقول !!! اطلع متزوجة ! ( عاينت لي يوسف اللي كان مديني ضهرو )
و لي عوض ( اللي كان بعاين لي يوسف و عبير اللي م كان قادر يستحمل دموعها و هي بتبكي )
عبير اكتر وحدة كانت ليها حرية التعبير عن مشاعرها في اللحظه ديك ، م كانت زينا ! داسه حاجة !
رغم بكاها المستمر الا اني شايفاها ارتاحت لانو طلعت الصدمة دي و عبرت عن الالم اللي جواها !و اظهرت ردت فعلها ، عكسنا انا و يوسف ! ( و اذا حتقولو لي انتي جايبة الثقه دي من وين ان يوسف حاسي بي نفس كسرتي ، انا قلت ليكم قبل كدا الاحساس ما بيكذب و النظرة ما بتكذب ، و واثقه ان في حاجة بينا مشتركة انا و يوسف عايشنها جوانا ، و هسي مفروض تموت جوانا ، و نكمل في الصراع النفسي ! و احتمالات كلها مبنية على يمكن ! )
يوسف و هو مقبل وشو مننا قال : عبير ! ساعدي اختك تجهز نفسها .. (و طلع فات بي هروله ، و عوض جدع الهبابه التانيه و فات و راهو ) !
جات خالتي عاشه من جوا على صوت بكى عبير ! بي خلعه : عبيرررر !! يابت حاصل شنو سامعة اصواتكم دي من قبيل جوا لمن قطعت كلامي في التلفون بي سببكم ! !!
ماف زول فينا رد و انا الصدمة الدخلت فيني ما مرقت ! ( قمت جريت دخلته جوا الغرفه و لقيت نفسي غرقانه في البكى ) !
عبير لي امها : خلاص .. امنيه حاتمشي و تخلينا يا امي ، خلاص اهلها اتصلو او بمعنى اصح زوجها ( زادت في البكى) يعني هي زاتها مرة راجل والموضوع م كان حدو عند اهلها زي م كنت متخيله اني اقنعهم يخلوها عندنا فترة العلاج حقتها دي ...
خاله عاشه : شنووووو ! يا بتي انتي جايبه الكلام دا من وين ؟ و بتقولي في شنو انتي !!؟
عبير : من عوض و ويوسف يا امي .. بعد ما اتعودت عليها يا امي حيجو يشيلوها مني ما صدقت بقت لي اخت يا امي .. والله العظيم صعبه اقعد من غيرها صعبه .. ليه بيحصل كدا.. استغفر الله العظيم !
خاله عاشه : ( بي دموع ) حارة علي زي ما حارة عليكِ، بس كمان يا بتي دي بت ناس و ليها اهل حيموتو عليها و كمان عندها راجل و دي عمري ما اتخيلتها ! بدل نقعد نبكي ليها كدا مفروض نفرح ليها و نفرح معاها و ما نكسر فرحتها دي !
عبير : غصب عني يا امي ! ( انا ماشه عليها ) !
#في جانب_عاطف #الخرطوم !
أنت تقرأ
قناع العروس
Randomيعني شنو عروس تهرب قبل زواجها بي يوم ؟ سؤال حتلقو اجابتو جوا روايتنا #قناع_العروس عموماً كدا .. الحياة ما ساهلة ، ولا مُرضية ، ولا عادلة لي حد رغباتنا ! لكن ياهاا حربنا الوحيدة .. الحرب البنخوض فيها كمية من المعارك والتحديات على امل يجي يوم و...
