و اثناء محاولتي في قطع الزلط ... *صرررررررررخة*
كانت فاصل بين واقع مُر ، و ذاكرة هشة !!
#فلاش_باك للحلقة (3)
#بعد_الحادث_بي_3ساعات
(__انا ما قعد اضحك يا سمر ! اقسم بالله انا واصلة اخري منها لانو بالجد قلة ادبها فاتت الحد !
يعني يا سمر انحن تعبانين عشان منو ؟ ما عشانها هي .. رغم كل حاجة شينة هي بتسويها لينا لكن بنفضل اهلها !؟ يعني انا سبت كل شي في يدي حتى فستاني ما استلمتو و جريت ليها و تخليني اطق المشوار دا في الشمس و اقيف ساعتين في الشوارع )
دا جزء من الحوار اللي حصل من زوبا مع سمر !! في نفس يوم الحادث !
#تكملة_الاحداث_الحالية :
اكتفيتي كدا ما دايرة اتم ليك القصة ؟
__ (....) ابت ترد علي !
طيب اسألي ، حأجاوبك !!
__ ما دايرة اعرف حاجة خليتو !
امنيات ! ما تبقى حرادة و ركابة رأس !
__ ماهو كلامك صح حأستفيد شنو انا اذا عرفت او لا ، انا كان وقفت ف الشارع ما حعرف الشرق من الغرب ، انا ضايعه ما عارفه انا منو و ما متأكده زاتو من صحة اسمي و طبيعي افكر الحاجة دي ما بيدي ! وغصب عني بتوقع اسوأ التوقعات ! لو طلعت ما عندي اهل مثلاً و انا كُلي امل القى اهلي ، بس القاهم و بعدها كان ما اتذكرت ما حتفرق معاي لكن ما ممكن تفضل انت شايل همي و سايب كل حياتك و قاعد هنا ! ما قادرة ما افكر انتو بتطلبو مني حاجات مستحيله و ما عندي فيها اي كنترول !!
رووووقي ، اسي انتي انفعلتي كدا مالك ، الانفعال عمرو ما حل ليهو مشكله ! انا اسف !! ااااسف اسف اعفي لي ! انا كمان ما قاصد و ما بيدي و ما تشيلي هم حاجة انا بتحمل الكاتبو لي الله ! وانتِ ما غلطتي في حاجة !
__ احساس اني مفروضه عليك احساس شين شديد ! و كل الحصل قضاء والحمدلله و ما معناتو انك تشيلو نقطه سوداء فترة من حياتك !!
حأطلع برا شوية ، اذا احتجتي لي حاجة ناديني !!
__ يوسف !
دقايق و برجع يا امنيات !
اتخنقت ما قدرت استحمل الكلام رغم انها ما محسساني بي اي ذنب كل ما اتذكر انفعالي بخجل من نفسي شديد ! والغريبة بتلوم نفسها هي ! قدر شنو الانسانة دي غريبة !! كنت متوقع تشتمني و تدعيني و تحسبن علي و تسمعني كلام كعب ! دي اقل حاجة كان ممكن تسويها ! بس ما حصل ليه !
جات ملاذ - شايله حاجات .. دخلت عنبر مشترك جمبنا ، و بعداك جات على الغرفة ! قالت لي :
__ ما تكون نامت بس !
أنت تقرأ
قناع العروس
Randomيعني شنو عروس تهرب قبل زواجها بي يوم ؟ سؤال حتلقو اجابتو جوا روايتنا #قناع_العروس عموماً كدا .. الحياة ما ساهلة ، ولا مُرضية ، ولا عادلة لي حد رغباتنا ! لكن ياهاا حربنا الوحيدة .. الحرب البنخوض فيها كمية من المعارك والتحديات على امل يجي يوم و...