الصغيرة والصعيدي

أطفالي

........مااامااا
حملت رغد الطفلان واخذت تقبلهم :- وحشتوني يا قلوبي جبتلكم شكولاته معايا ثم نظرت إلى الجميع وقالت بفرحة :- ماما أنا نجح......
صمتت رغد فور رؤيتها للجميع ووقعت عينيها في عيني فارس فدار بينهما حوار صامت يحمل عتابا من رغد و اعتذارا من فارس قاطع هذا العتاب صوت ياسين قائلاً :- أخيرا شفنا اللي جابت النسل الملون دا اوعي تقوليلي انك متجوزه والله ازعل .
ثم اقترب منها قليلا وهو يقول :- يلاهوي يا ناس على العيون هو فيه كدا فجذبه فارس من قميصه من الخلف وقال بهمس :- اتلم يا زفت ايه اللي بتهببه دا .

ياسين بهمس مماثل ومازال نظره علي رغد :- ايه اللي بهببه انت مش شايف الحلاوه .

فارس :- شيل عينك عنها لخلعهملك .

هنا لم تتحمل أروى :- مين دي يا فارس.

فارس بتلعثم :- دي... دي..

قاطعته أمه قائلة :- دي بنت اخويا .

مدت أروى يديها لرغد لتسلم عليها وقالت ببعض من الفخر :- هاي انا أروى خطيبة فارس .

صدمت رغد من الخبر ولكنها حاولت على قدر الإمكان ألا يظهر عليها ومدت يدها قائلة :- أهلاً انا رغد .

أروي :- وانتي جايه تزوري عمتك هنا بقا .

الحاجة نعمات :- لا رغد عايشه معايا هنا .

عقدت اروي حاجبيها :- اي دا عايشه هنا ازاي طب وجوزك مش دول برده ولادك يعني انتي متجوزة .

تلألأت الدموع في عيني رغد وضمت اولادها الي صدرها اكثر :- ايوه ولادي وانا منفصلة عن والدهم وعايشه مع ماما نعمات هنا.

أروي :- ايه دا عايشه هنا ازاي طب وأهلك وبعدين غريبة يعني بتقولي لعمتك يا ماما .

كادت رغد ان تبكي :- ماما ميتة وأنا صغيرة وبابا اتوفي السنة اللي فاتت عن اذنكو هروح اكل الاولاد . ثم غادرت المكان .

أروي :- ايه دا هي اضايقت ولا اي .

الحاجة نعمات بانزعاج :- ايوه طبعا اضايجت من الحديت الماسخ دا وبعدين ايه المشكلة انها تجولي يا ماما .

عقدت أروي حاجبيها :- انا مقصدش حاجة يا طنط .

كادت الحاجة نعمات أن ترد عندنا تدخل فارس منهياً الجدال في هدوء :- خلاص يا ماما اروي متقصدش هي فضولها غلبها بس ثم استدار إلي والده :- بابا لو سمحت عايزك شوية ف المكتب.
---------"---------"---------"---------"---------

داخل المكتب جلس الحاج عبد الرحيم وفارس على الاريكه .

فارس بهمس :- دول ولادي صح .

الحاج عبد الرحيم :- ايوه .

تلألات الدموع في عيني فارس وقال ببعض الحدة :- وانت ازاي ما تقوليش على حاجه زي دي ازاي تخبي ان عندي اولاد عندهم ثلاث سنين ازاي تحرمني منهم كل ده ازاي تخلي اولادي يكبروا ولا انا اعرفهم ولا هما يعرفوني .