الصغيرة والصعيدي

خطة

وصل فارس عندهم وقال في غلظة لرغد :- انتي ايه اللي موقفك هنا .

رغد بحدة :-اولا انا كنت بصحيه لاني شوفته نايم في السقعة دي بسبب حد مفتري 😒ثانيا متعليش صوتك عليا انت مالك وذهبت من امامه وهي تغمغم ايه يا اختي الناس اللي بتدخل في اللي ميخصهاش دي .

فارس بدهشة بعد ذهابها وهو يرفع حاجبيه:- ميخصنيش ثم نظر الي ياسين بغضب  عايز حد يسندك طب تعالي وانا اسندك ثم ذهب ناحيته ولكنه لم يستطع ان يمسكه فياسين قد فر نحو السلم وهو يقول :- لا والله ما انت تاعب نفسك انا بقيت زي الفل ثم صعد جرياً فاصطدم بالحاجة نعمات علي السلم :- مالك يا ابني متسربع علي ايه  .

ياسين وهو يكمل صعوده :- معلش يا نعناعة فيه تور متسيب في الصالة لو قفشني مش هيسبني .

فارس بصوت مرتفع وقد سمعه :- مفيش غيرك اللي تور يا بهيمة البس وانزل عشان نمشي .

الحاجه نعمات :- رايحين على فين كده بدري يا ابني .

فارس :- ابدا يا أمي اكبر شركة هنا ف الصعيد صاحبها كبر ومبقاش قادر علي حملها والشركة بتفلس تقريبا وهو عايز يصفيها ويسافر لبنته متجوزة برا يعيش معاها ومحدش راضي يشتري الشركة لانها تقريبا مفلسة قلنا ناخدها انا وياسين بدل ما نبدا من الاول صحيح هنتعب شوية بس هنكبر اسرع .

الحاجه نعمات :- خلاص يا ابني اللي تشوفه اعمله ربنا يكرمكم.

قبل فارس يد والدته ورأسها وهو يقول :-  تسلمي يا امي ربنا يخليكي لنا وما يحرمناش من الدعوتين الحلوين دول .

نزلت اروى بعد قليل وهي تقول :-  يلا يا فارس انا جهزت.

فارس :-  استنى اما الزفت ينزل ثم صاح بصوت عالي ما تخلص يا زفت انت هو انت رايح تخطب .

نزل ياسين فورا وهو يقول :-  ايه يا عم مستعجل على ايه ثم نظر إلى الحاجه نعمات  وهو يقول :- ايه يا نعناعه فين الفطار .

فارس :- هو انت لسه هتاكل هنفضل طول اليوم هنا ولا اي احنا متأخرين .

ياسين :- متاخرين على ايه الساعه لسه ثمانيه وبعدين انا مش بعرف اشتغل وانا جعان ( دا انا مش ياسين😅😂).

فارس بحدة :- ياسين احنا متأخرين هطفحك برا .

ياسين :- لا احنا بقالنا اربع سنين بناكل من برا انا عايز بقا اكل بيتي .

اتت رغد من المطبخ وهي تحمل في يدها صينية بها بعض الشطائر وهي تقول :- ولا تزعلوا نفسكوا خناقة ع الصبح كدا ادي سندوتشات في البيت يا استاذ ياسين تاكلها في السريع ومحدش يزعل .

اخذ منها ياسين الشطائر في لهفة :- تسلم ايدك يا قمر والله انتي اللي ف البيت دا بعد نعناعه .

نظر لهما فارس في حدة :- طب اطفح خلص وانت ساكت .

الحاجة نعمات :- ما تاكلك سندويتش يا ابني انت كمان .