الصغيرة والصعيدي

اعتذار

اقترب أكثر وكاد أن يقبل جبينها عندما فتحت رغد عينيها ووجدت أحد بجانبها لم تتبين ملامحه ف الظلام فأطلقت صرخة عاليه .

كتم فارس صرختها بيديه وقال بهمس :- هشش انا فارس هتلمي الناااس علينا اهدي.
ثم وقف ورجع للوراء.

اعتدلت رغد في نومتها ورفعت الغطاء لأنفها وقالت بخوف :- ما يتلموا انت ايه دخلك هنا عاايز ايه . وضمت اولادها اليها.

فارس بحزن:- انا اسف مكنتش اعرف انك هنا ومقدرتش مسلمش علي الاولاد خصوصا ان مالك مقربش مني ولا سلم عليا .

احست رغد بحزنه فتركت الغطاء وحملت مالك وهو نائم ومدت له يدها به فحمله منها في لهفه واخذ يضمه ويقبله في اشتياق.

رغد :- متزعلش من مالك هو طبعه كدا مش بيحب يتكلم مع حد غريب عليه .

فارس بحدة وعتاب :- انا مش غريب انا مفروض اقرب حد ليه بعدك مفروض كنتي تعرفيه عليا وتعرفيني بيهم مش تحرميني منهم طول الفترة دي .

رغد بحدة مماثلة :- والله انا كنت بوريهم صورتك كل يوم واعرفهم بيك وانت شوفت جاد عارفك ازاي بس اما كبرو بدأوا يسألوا انت فين وخصوصاً لما بدأوا يروحوا الحضانة شافو كل طفل معاه باباه أول يوم جاد كلمته وتقبل الموضوع انك مسافر وفترة وهترجع مالك عقله تحسه اكبر من سنه متقبلش اي عذر وهو مش من النوع اللي ممكن يتعود علي حد من مجرد صورة وبعدين كنت عايزني اعرفك بيهم كنت هتعمل ايه يعني مكنتش حاجة هتتغير كنت هتسيب دراستك ومستقبلك ثم ابتلعت غصتها واكملت :- ولا هتسيب خطبتك .

نظر فارس الي طفله الموجود بين يديه وتجمعت الدموع في عينيه وقال بحزن دفين وهو يقبله من وجنتيه :- كنت هسيب الدنيا كلها عشانهم ثم نظر اليها مرة اخري :- علي الاقل مكنتش طلقت امهم .

رغد :- يبقي انا عملت الصح مكانش ينفع تسيب مستقبلك واحنا نصيبنا مش مع بعض .

فارس :- انا طلقتك عشان تشوفي مستقبلك انتي مكنتيش هترضي تكملي معايا هتفضلي فاكراني بعملتي العمر كله مكنتيش هتسامحيني .

رغد بحدة :- والله انت متعرفش قدرتي علي المسامحة وقتها كانت ازاي مكنتش تحكم من غير ما تعرف انا هسامحك ولا لا انت حتي سفرت من غير كلمة من غير ما تعتذر لو كنت قلت كلمة واحدة....لم تتحمل هنا وبكت ... كنت قلت اسف بس وطبطبت عليا وفضلت معايا يومين وبعدين سفرت كنت هسامحك وهسيبك تشوف مستقبلك .ثم وضعت كفيها علي وجهها وأجهشت في البكاء .

وضع فارس يده علي شعرها :- اسف والله العظيم ما قدرت انا مكنتش مسامح نفسي علي اللي عملته واتصرفت بسرعة من غير ما افكر وسافرت ومقدرتش ارجع اواجهك لدرجة اني كنت ناوي مرجعش مصر تاني بس رجعت عشان بابا مش موافق يجوز اسماء غير ف وجودي قلت مادام مش راجع اسيبك تشوفي حياتك مش هربطك بيا طول العمر وانا مش هنا والله لو كنت اعرف اني هرجع مكنتش طلقتك ابدا .