الصغيرة والصعيدي

ندم

في الصباح كان الجميع في الاسفل
اسماء بهمس لرغد :- ايه اللي حصل امبارح .

رغد وهي تبعد عنها :- هيكون ايه اللي حصل يعني .

اسماء :- يعني ......ثم شهقت بشدة عند رؤيتها لأخيها يدخل من المنزل وخلفه الغفير يحمل ياسين .
دخل فارس الي غرفة المعيشة والغفير مغاوري يسير خلفه فأشار فارس إلي الأريكة قائلاً :- ارزعو يا مغاوري علي الكنبة دي .

وضعه مغاوري علي الأريكة وغادر فدخلت ورائه الفتيات وشهقت اسماء مجددا وذهبت بجانبه :- يا ساتر يارب دا من بعيد ارحم من قريب ايه اللي عمل فيك كدا .

نظر ياسين إلي فارس وقال بغيظ :- اتكفيت علي وشي .

كتمت اسماء ضحكتها :- وهي الواقعه بردو تكسر ايدك و تخرشمك كدا دا عيونك مش باينه من الورم انت شايفني .

ياسين :- طشاش .

ضحكت أسماء بشدة ومالت عليه :- معلش يا سينو انت نيلت ايه عشان يعمل فيك كدا .

ياسين بهمس :- والله مخدتش بالي ومسكت ايدها مكملتش تلات ثواني مسكها وعينك ما تشوف الا النور قالي تعالي عايزك ف موضوع برا وشدني من قفايا ودخلني الاوضة اللي بيتمرن فيها وعملها چيم في الجنينة وقفل الباب بالمفتاح لسه هقول هتتمرن دلوقت قام هبدني ف وشي مضيع عيني زي ما انتي شايفة كدا ولسه هقول ايه الغباء دا لقيته مناولني ف العين التانية ونزل فيا زي الحمار اللي من غير صاحب انا قلت اسيبه براحته بقي واتكتم يمكن يبطل ويسبني وفيييييين بعد ساعة قام لوالي ايدي كسرها وقالي انا هسيبك المرادي عشان انت صحبي واخويا ههههههه تخيلي طلعت صحبه واخوه امال كان عايز يعمل ايه اكتر من كدا .

ضحكت اسماء وقالت :- معلش يا سينو علقة تفوت ولا حد يموت وانت اتغبيت بردو مش كدا يعني .

ياسين :- والله يا اختي مخدتش بالي انا بمسكها بحسن نية كانت تتشل قبل اما تيجي عليها  .

دخلت الحاجة نعمات واروي فشهقت الحاجة نعمات عند رؤيتها له بهذا المنظر :- ايه دا يا ابني دخلت ف عربية نقل ولا ايه .

ياسين :- عربية ايه دا قطر اااه يااني ياا اماا ابنك باااظ معدتش ناافع في حاجة يا نعناعه .

الحاجة :- يا حبيبي يا ابني .

فارس :- متقلقيش يا امي حادثة بسيطة هو اللي اتغابي فيها .

أروي بشك :- ما احنا جايين بالليل مع بعض وكنت كويس .

فارس :- لا يا ريري هو خرج تاني بعد ما رجعنا وعمل حادثة وهو راجع .

الحاجة نعمات :- ليه بس كده يا ابني مش تاخذ بالك عموما حمد لله على السلامه انا هاروح اعملك اكل عشان تتغذي تعالى يا رغد ساعديني .

رغد :- حاضر يا ماما حمد لله على السلامه يا سينو .

نظر إليها فارس بغضب وقال في غلظة :- قومي انتي يا أسماء ساعدي امك وانتي يا رغد تعالي معايا عايزك .
ثم سحبها من يدها وخرج بها للخارج حاولت أوري إيقافه بيدها وهي تقول :- إيه يا فارس رايح فين .