بنات المخابرات

الفصل الرابع عشر

لم تجيب أي منهم ولم يعطي الحارس أي رد بل وقف في الخارج ينتظرهم ودخلت الفتيات وايان إلي المشفي ليتم فحص جاسمين وعلامات القلق ظاهرة علي وجوههم وفور خروج الطبيب سألت آيات ببعض القلق قائلة
"خير يا دكتور جاسمين كويسة "

انتوا إزاي ساكتين عليها بالشكل دا الأنسة محتاجة تكشف مخ وأعصاب يبدو أنها اتصابت أو اتخبطت في دماغها ودا سبب ليها ضرر بس مش قادر أحدد فين بالظبط عشان كدا هتحتاج تتعرض علي دكتور مخ وأعصاب "

أجابت آيات بهدوء قائلة

"طيب ممكن ندخل نشوفها يا دكتور هي فاقت ؟! "

"أيوة يا آنسة تقدري تطمني عليها هي فاقت بس لازم ضروري تروحي لدكتور مخ وأعصاب "

هزت آيات رأسها علامة علي الموافقة ودلفت للغرفة بلهفة تنظر إلي جاسمين المتسطحة فوق الفراش وتمسك رأسها وتلك الكدمات ما زالت ظاهرة علي وجهها اقتربت منها علياء بندم متحدثة

"متزعليش مني يا جاسمين أنا كنت غبية في ضربي صح ؟! "

نظرت لها جاسمين وهي تبتسم بسخرية مجيبة

"كنتِ غبية في ضربك بس دا أنا لولا إبن المبقعة اللي كان واقف جمبي كنت شردتك وقولت كل حاجة بقي أنا يا علياء تعملي فيا كدا اومال لو كنت حرامية بجد كنتي هتموتيني ؟! "

كادت علياء تجيب ولكن أيان قطع حديثهم متسائلاً بعدم فهم

"هو أنا ممكن أفهم هو في أي وجاسمين مالها عاملة زي اللي معدي عليها قطر وكان مغمي عليها ليه ؟! "

نظرت جاسمين لعلياء بسخط مجيبة علي سؤال أيان بسخرية
"ياريته كان قطر يا بني والله دي كانت دبابة عدت عليا أنا بحمد ربنا أن الموضوع وصل للأغماء بس "

تحدثت آيات بملل مجيبة

"خلاص يا حلوة منك ليها كان لازم تحصل إصابات إحنا في مهمة مش داخلين ملاهي إحنا ،ودلوقتي ركز معايا يا أيان "

نظر لها أيان بتركيز ينتظر ما ستقوله

"الموضوع دا هيخلص في أسبوع هنخلي طارق يدمن لحد ما يعترف بنفسه بكل الجرائم اللي عملها قول لي ليث أن الورق اللي طلبه مني هياخده لما طارق يدخل السجن بالسلامة ! "

"طيب يا آيات خدي بالك لأنه مش سهل ومصطفي معانا زي ما حازم قال بس هيمثل قدام طارق والحرس أنه ملهوش علاقة بيكم "

بادرت جاسمين بسؤالها قائلة
"طيب وهو عارف أن إحنا من ضمن فريق حازم ولا لسه معندهوش خبر أصله من ساعة ما وصلنا الفيلا وهو بيتصرف بطريقه أكننا أعداء مش بيساعدنا ؟! "

"لاء ميعرفش أن أنتم في فريق حازم لكن متقلقيش لما تتقابلوا تاني طريقته هتتغير لأني عرفت حازم أنه بيشدد الحراسة علي الفيلا وخصوصاً عليكم عشان شاكك فيكم وهو قال هيتصرف ويكلمه "