Mga Tula

Henerasyon

Tanong ng marami, anong nangyayari?
Simpleng sagot wala namang mangyayari
Ang mga tao ay sumasabay sa uso
Unahin kaya nila ang pag-asenso

Ang mga kabataang uhaw sa pag-ibig
Ang edad nila ay nakakapanindig
Ano kaya ang kanilang nasa isip?
O malamang hindi sila nag-iisip

Nasan si Maria Clara na mahinhin?
Na pino ang kilos sa bawat gawain
Nasaan na si Pepe na maginoo?
Na laging handang makipagkapwa-tao

Itinuro sa atin ay kabutihan
Mukhang ito yata ay nakalimutan
Tayo'y matuto sa tamang panahon
Huwag sanang huli para makaahon