صدفه غيرت حياتي

الفصل الاول

-في صباح يوم جديد تستيقظ كلا من فرح وهاجر علي صوت خالتهم امل
_يلا يا بنات اصحوا بقي ورانا حاجات كتير  قوموا يلا بلاش كسل
بت يا هاجر قومي عشان تعجني يلا
وانتي يا فرح شغلي الغساله الله يكرمك
  يلا يا بنات هتنامو طول النهار ولا ايه
كشرت فرح وصحت هاجر قومي يلا مش ناقصين دوشه انتي عارفه جوز خالتك  صوته عالي وبيتلكك،
هاجر بصتلها وعنيها كلها نوم هو احنا ايه اللي جابنا عند خالتك مكنا قاعدين في بيتنا متهنين وفحلنا وحطت المخده علي دمغها
تنهدت فرح يابنتي  انتي عارفه أن احنا في الأرياف وبعد موت ابوكي وامك مكنش ينفع نقعد لوحدنا والكل هيقول يا حرام قاعدين لوحدهم وكنا هتبقي مطمع لاي حد
معلش يا هاجر قومي بقي  انتي عارفه خالتك بتحبنا ازاي
هاجر بصتلها وضحكت اه عارفه بس مرات ابنها محمد حاطه نقرها من نقري تقوليش قتلالها قتيل
ابتسمت فرح ربنا يهديها
طب يلا بقي ورانا حاجات كتير قومي بلاش دلع واستني متصليش من غيري فاهمه،
،،،،،،،،
يعني ايه يا امل مكلمتهوش لسه؟ علي العموم خلاص كده الموضوع بقي عندي انا، اطلعي انتي منها
غضبت امل:
يعني ايه اطلع منها دول بنات اختي😠
قام زوجها مسكها من زراعها جامد بنات اختك علي عيني وعلي راسي  بس انتي  ناسيه ان عندك ولادك رجاله في البيت والبنات حلوين والحريم غيرانه منهم وكل يوم وش ومشاكل ولا انتي مش هتسكوتي لما يحصل مصيبه 
وبصوت عالي ارعابها قومي يلا من وشي
مشيت امل وهيا بتبكي علي حال بنات اختها ومفيش في ايديها حاجه تساعد هم بيها
،،،،،،،،،،،

فرح بتنادي على خالتها تعالي ياخالتي شوفي غسيلي حلو ازاي.
امل مردتش وبتخبز هيا وهاجر ،
هاجر بصت لفرح يعني ايه طبعا غسيلي انا أحلي صح يا خالتي😜
امل كانت في حاله تانيه خالص ومنتبهتش الا علي صوت مني مرات محمد وهي بتتتريق على هاجر أن الرغيف اتحرق في الفرن امل بصوت عالي بس يا بت انتي وهيا وانتي يا مني عايزه ايه منتي يا ما حرقتي
مني بغيظ انا يا حماتي طب داانا مفيش اشطر مني ولا انتي معندكيش غير هاجر وفرح😠
امل بتنهيده والله ما فايقه لشغل العيال ده قومي شوفي وراكي ايه خلصي
وانتي يا هاجر ركزي وسمي الله  خلينا نخلص يا بنتي
هاجر
حاضر يا خالتي بس انتي مالك انهارده في حاجه مزعلاكي يا قمر انتي،⁦♥️⁩
امل مردتش عليها وسرحانه
،،،،،،،،،
فرح بنت جميله ملامحها هادئه جمالها بسيط خريجه تجاره بقالها سنتين
هاجر
جميله محترمه خمريه البشره خريجه اداب طموحه اصغر من فرح بسنه
،،،،،،،،،،

في المساء
انتي لسه زعلانه يا ام محمد 
امل بصتله بلوم وسكتت
جوزها بصلها واتكلم
طب فكري معايا كده بالعقل انتي عندك ابنك محمد بيحب هاجر بس هو دبلوم عشان كده هيا رفضته ومراته مبطقهاش وكل يوم مشاكل  وابنك التاني اصغر منهم والبنات حلوين واي حد يطمع فيهم ودي مسؤلية دا غير اللي طمعان فيهم  ومستضعفهم واحنا غلابه 
ثم همابقالهم سنه عندنا من يوم اختك الله يرحمهاو انتي شايفه  أن يدوب الأرض مكفيانا ودي بنات  عايزه جهاز وعزال  طب قوليلي هنجيب منين؟
امل بصتله وسرحت في اختها اللي كانت روحها فيها بصتله بحزن
بس دول بنات ياابو محمد انا مقدرة اللي انت بتقوله وعارفه أن مرات محمد بتغيير من هاجر بس هنرميهم 🥺🥺
،،،،،،،،،،،،،،،،
فرح بضحك
بت يا هاجر انتي بتعملي ايه لمني دا انتو لازم تتخنقوا  كل يوم
هاجر ضحكت
والله ما اعرف بحس انها عايزه تاخد جرعه نكد كل يوم شكلها بتيجي على النكد بيقوي مناعتها وبعدين عنيها دمعت علي حالهم
اعمل ايه يا فرح هيا الله يسامحها لو متخنقتش  يحصلها حاجه
انا عارفه ايه اللي جابنا هنا مكنا قاعدين في بيتنا متهنين عيطتت جامد
جريت فرح عليها حضنتها جامد في ايه انتي هتخليني اعيط انا كمان وقعدوا يعيطوا هما الاتنين
معلش يا هاجر ربنا رايد كده وليه حكمه قولي يارب واكيد ربنا هيفرح قلوبنا خلي عندك امل متبقيش نكديه
ضحكت هاجر
امل دي خالتك يا اختي ماشي يا فرح طب هنعمل ايه هنفضل كل يوم في الوضع ده
تنهدت فرح بصي يا هاجر صلي وادعي ربنا يرزقنا من حيث لا ندري ولا نحتسب وربك كريم متخفيش وقومي بقي زمان مني بتدور عليكي عشان نتخانق 😜😜😜😜😜😜😀.
،،،،،،،،،،
مر اسبوع والحال زي ما هو
مني
تعالي يا خالتي عمي الحج معاه ضيوف في الصالون وبيقولي انادي عليكي
امل استغربت مين معاه يا بت يا مني حد نعرفه
مني بتفكير
لا يا حماتي اول مره اشوفه بس ايه! شكله بيه كده مش من البلد
امل قلقت طب روحي انتي يابت هاتي حاجه قدميها متقفيش  كده اتحركي يا أخره صبري
مني بنرفزه حاضر اهو .
امل
استر يارب يتري مين اللي جاي عندنا
دخلت الصالون واتفجأت اول ما شافت الضيف
انت؟

ابو محمد
تعالي يا امل دا الحج صبري المنياوي ما انتي عارفاه
امل بصتله وقلبها وجعها عرفت أن جوزها عمل  اللي عايزه وردت
طبعا عارفاه دا عم البنات بس عاش من شافك ايه اللي فكرك بينا.
جوزها رد بسرعه انا اللي بعتله يا امل ونظره واحده منه كانت كفيله أنها تسكت
صبري بصلها بصي يا حاجه ولا نقول امل .
ضحك جوزها وقاله لا قولها ام محمد
صبري المنياوي بيلطف الجو بصي يا ام محمد انا فعلا مقصر معاكم بس اهو الوقت جه عشان نرجع اللي فات
امل بنرفزه وانت مفضتش في العشر سنين تبص علي بنات اخوك
طب تعرف اساميهم ايه  معتقدش
جوزها بصوت عالي 😠😠
امل خلاص هو انا مليش لازمه ولا ايه
انا كلمت الحج صبري وهو أولي ببنات اخوه مش هيفرط فيهم  خلاص ياامل
امل بدموع البنات ميعرفوهوش  يا حج وبعدين البنات هيقولوا عليا ايه
صبري وقد فهم ما تشعر بيه بصي يا ام محمد البنات فعلا انا أولي بيهم ومتخفيش عليهم
امل بحيره بس احنا هنا قاعدين في الأرياف واسكندريه. دي مش زينا البنات مش هتعرف تعيش هناك🥺🥺🥺
صبري
متخفيش عليهم انا معنديش بنات ودول هيكونو بناتي انا كان نفسي في بنات
لكن الحمدلله معايا أربع ولاد
امل كانت في دنيا تانيه خالص ومش عارفه هتقول للبنات ازاي
😰😰
خرجت فرح تنادي بصوت عالي. يا خالتي تعالي شوفي اللحمه طابت ولا لسه يا خالتي ؟
رد عليها ابو محمد تعالي يا فرح وهاتي هاجر معاكي
فرح بتنادي على هاجر تعالي يا هاجر 
عمك الحج بينادي علينا هو انتي اتخنقتي مع مني
ضحكت هاجر لا لسه والله بس ناويه 😀😀😀😀
طب يلا يا سكر نشوف عايز ايه
دخلت البنات. الصالون واتفجأوا بالضيف
صبري وقف اهلا اهلا ما شاء الله زي القمر تعالوا يا بنات
فرح بصت لخالتها مين دا يا خالتي
امل بحزن دا عمك صبري يا فرح و بدون مقدمات جوز خالتها اتكلم
اه يا بنات دا عمكم وجاي يخدكم عشان تعيشو معا
💔💔💔💔💔
بصت فرح لهاجر عنيهم متعلقه ببعض
يتري ايه اللي هيحصل

يتبع
⁦♥️⁩⁦♥️⁩