اللهم صلي وسلم وبارك على سيدنا محمد وعلى اله وصحبه وسلم تسليما كثيرا
اللهم اجزي عنا سيدنا محمد صلى الله عليه وسلم ما هو اهله حبيبك
،،،،،،،،،،،،،،،،،،
قررت فرح أن تترك المنزل وفعلا اخذت جودي ولسه هتخرج من البيت لقت البوليس بيسأل
فين فرح المنياوي
فرح انا يا فندم
انتي مطلوب القبض عليكي
-فرح بصدمه
نعم ليه؟
الضابط
يلا يا مدام قدامي
في القسم هتعرفي
فرح مشيت معاهم وهيا مش عارفه ايه اللي بيحصل
فرح معاها بنتها وبتتصل علي جاسم اللي مش راضي يرد عليها
دخلت مكتب الضابط
فرح وهيا خايفه من الموقف كله
وبصوت مهزوز
ممكن اعرف انا هنا ليه؟
الضابط
يعني مش عارفه يا بت
انت متهمه بقضيه سرقه
فرح بصدمه
ايه سرقة لا طبعا اكيد في غلط انا عمري ما اعمل كده
الضابط
يا امين
خد البت دي وديها الحجز لحد ما صاحب الحاجه يجي ويتعرف عليها
،،،،،،،،،،،،
هاجر
يا محمد انا جعانه
محمد بزهق يا بنتي ارحميني ما انتي لسه واكله
هاجر بصتله
بس جعانه يا محمد الله
-محمد
تكلي وبعدين ترجعي وتقرفيني انا بقول خليكي كده احسن
هاجر شدته من هدومه
ومسكت فيه بايديها الاتنين
محمد بيمثل الخوف
ايه يا حبيبتي مكنتي حلوه
هاجر بضيق عنيها وبتتكلم بهمس
هتجيبلي اكل ولا لأ
-محمد
يا حبيبتي انتي تؤمري
هاجر بضحك ما دا كله عشان ولادك ما انت عارف اني حامل في توأم
وبعدين اتكلمت بدموع انت عارف يا محمد اني محملتش بالساهل ولولا عملية الحقن المجهري
دا احنا دفعنا كل اللي معانا فيها
ادعي بس ربنا يكملي علي خير انت فاكر أن انا نايمه علي ظهري دي سهله
وبعد تنهيده
يا محمد ربنا وحده عالم انا بتعذب قد ايه؟
محمد حضنها جامد طب ما انا عارف يا حبيبتي ايه اللي حصل لدا كله ربنا يخليكي ليا وتقومي بالسلامة ونفرح انا وانتي بأولادنا
وخلاص يا ستي هعملك اكل بس هاكل معاكي عشان خاطري مترجعيش بحس انك مستقصداني ههههههههه
هاجر بصتله بحب والله ابدا يا حبيبي بس ولادك مديقين منك انا مالي بقي مش ذنبي😋😂😂😂
،،،،،،،،،،،،،،
في مكتب الضابط
دخل راجل له هيبته الضابط اول مشافه اهلا اهلا سعادة الباشا
شريف الشرقاوي اخو يارا وهو راجل أعمال كبير له مكانته
اهلا بيك كله تمام ولا ايه؟
الضابط
كله تمام يا باشا بس البنت شكلها غلبان مش بتاعه سرقة
-شريف بغضب
يعني ايه ؟لو الموضوع انت مش قده قول
الضابط بسرعه
ابدا يا باشا انت زعلت ولا ايه كل اللي أمرت بيه اتنفذ
-شريف
طب تمام هاتها هتكلم معاها لوحدي
،،،،،،،،،،،
فرح قعدت في الحجز حوالي 4ساعات ومش عارفه ايه اللي بيحصل شافت ناس كان عمرها متتخيل أنها هتقابلهم اللي سارقه واللي قتلت واللي بتاجر في المخدرات فرح بتعد الدقايق
لحد ما احضروها لتتحدث مع الضابط
،،،،،،،،،،،،،،،
في مكتب الضابط
شريف الشرقاوي قاعد بكبرياء دخلت فرح ومعها بنتها وحضناها جامد
اول ما شافت شريف جريت عليه
استاذ شريف الحقني 😢 انا معملتش حاجه
شريف بهدوء
عارف
-فرح
طيب الحمدلله قولهم بقي عشان امشي
-شريف
تمشي ليه ؟وانا اللي جايبك هنا
عايزه تخرجي من هنا يبقي تنفذي اللي هقولك عليه
فرح بصدمه ودموع 😥🥺
ايه!
طب انا عملت ايه ليك انا مش فاكره أن حصل بينا كلام اصلا
-شريف
طب خدي شوفي الصور دي دي دا غير قضية السرقة
فرح بتبص للصور ومش مصدقه وبصوت عالي
كدب كدب دي مش انا دي صور متفبركه انا متربيه كويس يا استاذ شريف
-شريف
بصي انا بالصور دي ممكن أثبت انك متصلحيش لحضانة بنتك دي فاعقلي كده
فرح بصريخ
حرام عليكم حرام عليكم
-شريف من الآخر انا مش فضيلك انتي تبعدي عن جاسم نهائي ومش عايز اشوف وشك ده خالص وإلا انتي اللي مش هتشوفي بنتك وممكن تتدخلي السجن واديك شوفتي عينه من اللي في السجن
فاهمه اختفي مش عايز اسمع اسمك والا تنسي بنتك ومش هتشوفيها
فرح بدموع لا كله الا بنتي
الله يخليك
شريف قام مشي خطوتين ورجع بصلها وهيا مكسوره
اه واوعي تتصلي بأهلك في البلد عشان وصلت لهم نسخه من الصور
فرح بصتله بقهر ودعت عليه من كل قلبها
💔💔💔💔💔💔💔
شريف اتصل بيارا وحكلها اللي حصل
بصي الموضوع خلص والبت دي خلاص مش هتشوفيها تاني يارب اخلص من زنك
يارا بسعادة
شكرا يا حبيبي انت كدا خلصتني منها خالص
،،،،،،،،
خرجت فرح من القسم وهيا تايها مش قادره تصدق اللي حصل
جريت بسرعه علي شقتها اخدت هدومه هيا وبنتها وخدت الدهب اللي كان مراد جيبه ليها
وخدت جودي ونزلت بسرعه
جودي
يا ماما انا تعبت وكمان جعانه احنا بقينا بليل انا عايزه أنام بقي.
فرح
حاضر يا حبيبتي استحملي شويه
فرح ماشيه بسرعه مش واخده بالها من الطريق
فجأة وقعت قدام العربية
من حسن الحظ أن السواق انتبه ليها وفرمل بسرعه
لكن فرح أغمي عليها تحت العربيه،
علي الجانب الآخر من الطريق
ياست الحجه العربية اللي هناك دي خبطت حد في ناس كتير واقفين
-الحجه فوزيه
طب روح يا واد بسرعه شوف فيه ايه
بعد دقائق رجع ليها يا حجه دا شابه صغيره ومعاها بنتها بس السواق مش غلطان هيا اللي وقعت قدام العربية
-الحجه فوزيه
طب انا رايحه ابص عليها برده هيا حريم والدنيا ليل ،
-حسن السواق
بس يا ست الحجه ادهم بيه لو نزل ملقناش هيسود بختي
الحجه فوزيه
بس ويلا قدامي
وصلت الحجه فوزيه لقت فرح واقعه علي الارض ومش قادرة تقوم ومسكه ايد جودي اللي بتعيط علي آخرها
الحجه فوزيه
خلاص يا جماعه البنيه فاقت صح يا بتي
فرح هزت دماغها بمعني اه
الحجه فوزيه
الحمدلله قومي بقي اتسندي عليا لحد العربية دي بدل ما انتي واقعه في الشارع كده قومي يا حبيبتي يلا بنتك خايفه
ذهبت معاها فرح وجيداء وجلسوا في العربيه
-الحجه فوزيه
مالك يا بتي انتي صغيره علي الهم اللي باين في عنيكي ده
بصت لها فرح وسكتت
-الحجه فوزيه
واد يا حسن روح هات عصير وبسكوت للقمر الصغيرة دي
بعد ما حسن مشي
بصت لفرح مالك يا بتي احكيلي يمكن اساعدك وضمتها
فرح وكان دي اشاره انهيارها عيطتت من قلبها وكل ما تحكي اللي حصلها دموعها تسبقها وجودي بتعيط علي عياط مامتها 💔.
الحجه فوزيه
يا حبيبتي يا بنتي معلش الدنيا فيها الحلو والوحش ربنا يقويكي يا بنتي
بصي يا حبيبتي ابني عند المحامي فوق وزمانه جاي وانا كنت بكشف عند الدكتور وخلصت كلها ثواني ونروح وهنوصلك في طريقنا متخفيش
وصل ادهم عند العربية ولقي أمه بتكلم حد غريب
دخل العربية وتكلم بجديه
السلام عليكم
وبص لامه نظره استفهام
مين دي يا امي ،
فرح من احراجها طب عن اذنك يا حجه انا والله سعيده اني شفتك
ولسه هتنزل الحجه فوزيه مسكت اديها انا قولت هنوصلك في طريقنا متقلقيش يا بتي
وقالت لادهم أنا عايزاك
نزل ادهم وكلم امه اللي حكتله حكايتها وهو وافق يوصلها
حسن سائق العربيه وادهم عنيه علي فرح من المرايه وكل واحد سرحان في همومه
لحد ما انتبه ادهم لصوت جودي
ماما انا جعانه ومتقوليش كدا عيب العصفوره اللي في بطني بتصوصو
ضحك ادهم
وبص عليها لقاها بنت جميله وزي القمر
واتكلم
طب ممكن يا قمر تسمحيلي أوكل العصفورة وبعدين وجه كلامه لحسن اقف في أول استراحه
فرح بحزم
عيب يا جودي
جودي بعياط
اسفه يا ماما
ادهم زعل قوي لما لقي جودي بتعيط
خلاص يا مدام دي طفله ووجه كلامه لجودي تعالي جنبي يا قمر جودي بصت لفرح الاول وبعدين راحت عنده
ادهم بأس خدها
قوليلي بقي العصفوره فين
جودي شاورت علي بطنها وهو ضحك علي برأتها 😂😂😍
،،،،،
يتبع
يتري ايه اللي هيحصل مع ابطالنا
أنت تقرأ
صدفه غيرت حياتي
Romanceالحياه ما هي الي مجموعة من الصدف لكن هل فعلا تكون صدفه بل إن الله هو من يقدر لنا الخير وما تظنه محنه لك يكون بفضل الله نعمه لك لكن كن علي يقين بالله♥️
