صدفه غيرت حياتي

الفصل الثاني

اللهم صلي وسلم وبارك على سيدنا محمد وعلى اله وصحبه وسلم
،،،،،،،،،،،،
نظرت هاجر لفرح بصدمه واتكلمت والدموع في عينيها
فرح اللي سمعناه ده بجد
فرح بصوت مخنوق خالتي الكلام ده بجد ردي علينا الله يخليكي
امل بدموع
معلش يا بنات غصب عني
ردت فرح بقوه معلش يا خالتي واحنا مش شوالين بطاطس بتنقلو فيهم احنا هنرجع بيتنا
لا هنقعد عندك وبصت لعمها ولا عند غيرك😢😢😢😢
امل برجاء يا حبيبتي انا خايفه عليكم
رد جوزها بصي انتي وهيا يا اما تروحوا عند عمكم يا اما هاجر تتجوز ابني محمد
وكانت الصدمه التانيه علي البنات
قعدت هاجر من صدمتها ضمتها فرح وبصتلها متخفيش ربنا معانا اهدي بس
دخلت مني زوجه محمد وقد سمعت الحوار فهذه عادتها القديمة
اخذت تصرخ والله يا ابا الحج لو عملت كده لا انا سيبه البيت وهفرج عليكم البلد وهلم عليكم الناس قال يتجوز عليا قال ليه. مليش أهل يخدو حقي
بصي يا حماتي انا مش زي عيال اختك ملهمش حد  مقطوعين لأ داانا اهلي  يسدوا عين الشمس
ويا انا يا هما انتو فاهمين 😠
صبري بص لمني وعنيه كلها شرار بت انتي مين سمحلك تتكلمي  ومين دول اللي ملهمش أهل  انا لولا الموقف ده كنت عرفتك مقامك
وبص لفرح وهاجر
يلا يا بنات هاتوا حجتكم يلا
فرح بدموع
بس احنا يا عمي لينا شرط
_عمها
خير يا فرح ،
_احنا لو مرتحناش عندك هنرجع بيتنا ومحدش هيجبرنا علي حاجه.
صبري وقد فهم ما تشعر به وأنها تحاول أن تحفظ كرامتها،
ابتسم بهدوء خلاص ماشي يا فرح
طب ممكن تجهزوا قبل الليل لسنا قدمنا سفر ،

،،،،،
خرجت فرح وهاجر ودموعهم تنزل في صمت
هاجر وقد تعالت شهقاتها  يعني احنا هنروح فين دلوقتي خلاص بقينا عاله علي الناس
فرح بصوت عالي
هاجر بقولك ايه اجمدي احنا لسه مش عارفين احنا رايحين فين وايه اللي هيحصل. ومتخفيش أن مرتحناش بيتنا موجود انتي فاهمه محدش هيقدر ساعتها يمنعنا
دخلت امل علي البنات
بصولها نظره طويلة وأخذوا يرتبوا الشنط
امل قعدت على السرير واديها مداريه عينيها سامحوني يا ولاد الغاليه غصب عني. والله وبكت بصوت عالي
التفت كلا من فرح وهاجر بسرعه الي خالتهم وحضنوها جامد
متعيطيش يا خالتي عشان خاطري انتي غاليه علينا
فرح وقد أرادت التخفيف عن خالتها خلاص بقي يا خالتي هيا طالبه معاكي عياط يمكن نرتاح هناك  اهو مش هنخبز تاني ولا هنروح الغيط
سبحان الله كان نفسي انزل الترعة اديني هروح اسكندريه
وهنصيف كمان ،😄😄
ضحكت امل وحضنت البنات
خدو ا. بالكم من نفسكم
بت يا هاجر متتخنقيش مع حد
ضحكت هاجر
حاضر يا خالتي بس ادعيلنا،
،،،،،،،،،،،،،،،،،،
اخذت البنات تطالع الطريق وكلا منهم في دنيا
نظر لهم صبري تحبو يا حلوين نرتاح في استراحه ولا حاجه .
هزت راسها بمعني لأ
حاول صبري أن يتحدث معهم لكن كان جوابهم مختصر علي قد السؤال
فهم صبري ما تشعر به كلا منهما لكنه لاحظ أنظارهم التي تعلقت بمنظر البحر والإبتسامة التي ظهرت عليهم
طب تحبو يا قمرات تقعدا  علي البحر شويه
فرح بسرعه ياريت يا عمي
ابتسم صبري انتي تؤمري حاضر
ذهب بهم صبري علي مطعم يطل على البحر مباشره يلا بقي ناكل لقمه خفيفه
هاجر ماشي ياعمي بس عايزه اتمشي علي الشط والمس الميه

صبري
حاضر بس بعد ما ناكل عشان انا جعان 🤭
وفعلا بعد الاكل وراهم الطريق فرح هاجر انا هستناكم هنا ماشي براحتكم يلا وانا هعمل تليفون مهم
،،،،،،،،،،،،،،
صبري في التليفون
ايوه يا مراد سيب اللي في ايدك وتعالي عايزك في حاجه مهمه.
مرادباستغراب
بس يا بابا انت عارف ان في اجتماع مهم جدا دا غير أن انتي سافرت من غير ما تقول لحد.
صبري
مراد اسمعني في مشكله كده ومحتاجك معايا مش هيساعدني غيرك وانت عارف أمك 😄
مرادبضحك
بدام فيها ماما متقلقش يا كبير ثواني واكون عندك  اديني بس العنوان،😜
،،،،،،،،،،،،،،،،،
فرح وهاجر قاعدين على الشط
فرح بتنهيده
الله يا هاجر المنظر جميل قوي والبحر شكله يجنن
والله انت اللي تجنن يا. قمر ودا كان صوت شباب من وراهم
هاجر
احترم نفسك يلا انت وهو بدل ما افتح دماغك
ضحك أحدهم عليها وانتي هتفتحي دماغي ازاي
بدون مقدمات قلعت هاجر جزمتها وهتضربه بيها
فرح كمان مسكت شنطتها وبتضرب فيهم
شافهم شاب من بعيد. خاف علي البنات دي لأن الشباب كان شكلهم مش طبيعي ولم سمع صراخ البنات جري عليهم
جري الشباب بسرعه عندما اخذ هذا الشاب  أن يضرب فيهم بقوة
الشاب بيكلم البنات،
انتو كويسين ولا حد ازاكم
فرح
وانت مالك ايه دخلك
الشاب
هي دي شكرا ؟
هاجر
بت يا فرح تلاقيه متفق معاهم احنا مش عبط
الشاب
تصدقو انا غلطان طب يلا انتي وهيا من هنا
فرح وانت مالك يارخم
الشاب مسك ايديها طب متغلطيش بدل معلقك .
فرح بت يا هاجر دا شكلوا حرامي اضربي يا بت بسرعه  ضربوا فيه بسرعه وجريوا من قدامه
،،،،،،،،،،
صبري
ايه يا بنات اتأخرتم كده ليه انا قلقت عليكم
فرح بغرور
لا يا عمي تقلق ليه احنا بميه راجل وأخذت تقص عليه ما حدث.
صبري
برافو عليكم بس يا بنات احنا مش في البلد اهدو كده😆
هاجر
مش يلا يا عمي بقي نروح انا عايزه ارتاح.
صبري
حاضر انا بس مستني ابني مراد هو علي وصول انا هكلمه تاني
ايوه يا مراد انت فين؟

خلص معاه هو ثواني ويكون هنا لحد ما يجي تشربواعصير معايا
هزو راسهم بمعني ماشي

جه مراد عليهم ونادي علي أبوه
صبري شورله  بمعنى تعالي
صبري بخضه
ايه يا بني اللي عمل فيك كده؟
البنات كانو بيشربو العصير واول ما عمهم عرفهم علي مراد شرقوا والعصير جه علي مراد
مراد بغضب
الله يقرفكم
مين دول يا بابا
البنات في نفس واحد بابا؟
دا الحرامي يا عمي
ضحك صبري علي الصدفة الغريبه اللي اتعرف بيها مراد علي بنات عمه
خلاص يا مراد قلبك ابيض ووطي عليه وبصوت واطي بس دول بهدلوك يا بني
مراد بغيظ
دول بنات دول  ترلات منهم لله،😄😄😄
بص يا بابا انا مش معاك في الحوار ده
فرح وهاجر بخجل
ازيك يا ابن عمي
مراد بصلهم وسكت
يتري ايه اللي هيحصل معاهم
يتبع
،،،،،