اللهم اجزي عنا سيدنا محمد صلى الله عليه وسلم ما هو اهله
اللهم صلي صلاه جلال وسلم سلام جمال على حضرة حبيبك سيدنا محمد وعلى اله وصحبه وسلم تسليما كثيرا
،،،،،،،،,,,,,
في الصباح الباكر اعتذرت فرح من الدكتور مؤمن بأن تتأخر ساعه واحده عن العمل وذلك حتي تذهب الى الحجه فوزيه
مؤمن: بس متتأخريش يا فرح عشان في حالات كتير
فرح: حاضر يا دكتور هطمن عليها واديها الدواء وهاجي علطول
ذهبت فرح الي الحجه فوزيه وجدتها تقرأ في كتاب الله
فرح بابتسامة متنسيش تدعيلنا يا ست الكل
فوزيه: ربنا يصلحلك حالك يا بنتي ويوقفلك ولاد الحلال
في الوقت ده دخل ادهم عشان يطمن علي أمه قبل ما يروح الأرض ويشوف مشاكل الفلاحين
ادهم عنيه جات على فرح ابتسم تلقائياً ليها ازيك يا فرح عامله ايه النهارده
فرح بابتسامة بسيطة: الحمدلله كويسه وسسكتت ومحاولتش تفتح اي مجال للكلام وفضلت يكون بينهم مساحه
ادهم :انا همشي بقي يا ست الكل ولو احتجتي اي حاجه كلميني على التليفون ثواني وهتلقيني عندك
وبص لفرح امال فين جودي؟
فرح:بتلعب تحت في الجنينه
ادهم:طب يلا اوصلك في طريقي
فرح: شكرا لحضرتك لسه هدي الدوا للحجه
ادهم. طيب ممكن استناكي
فرح مش عارفه تتصرف ازاي في الاخر ملقتيش غير أنها تقوله لأ بس بطريقه لطيفه
طب حضرتك اسبقني مش عايزه أأخرك
ادهم فهم أنها بتعتزر بالزوق
طيب خلاص اسبقكم انا عايزه حاجه ياست الكل
الحجه فوزيه:لا يا بني ربنا يخليك ليا ومنحرمش منك.
فرح أدت الحجه فوزيه الدوا وعملتلها الفطار
فوزيه: منحرمش منك يا بنتي انا. لو عندي بنت مش هتعمل معايا كده
فرح: متقوليش كده انتي مش عارفه غلاوتك عندي قد ايه ويلا بقي سيبي الاوضه دي فوقي كده وانزلي معايا الجنينه مبحبش اشوفك تعبانه وزمان جودي بتتنطط تحت
يلا بقي
فعلا نزلوا تحت واول جودي ما شافت فوزيه جريت عليها
تيته حبيبتي وحشتيني قد البحر
فوزيه :يا بكاشه وانتي وحشتيني اكتر
فرح:شوفتي بقي يا حجه وشك نور ازاي لما نزلتي ربنا يخليكي ليا يا رب 💝
فرح بتتكلم باحراج معلش بقي يا حجه كنت عايزه أقعد معاكي اكتر بس انا اتأخرت علي الدكتور مؤمن وهو أكد عليا متأخرش
وانتي عارفه الشغل بقي معلش بس اول ما اخلص هجي علطول عليكي حتي قبل ما اروح البيت
فوزيه: روحي يا بنتي كتر خيرك
فرح مدت اديها لجودي يلا يا جودي
جودي: لا يا ماما انا هقعد هنا مع تيته مش هروح معاكي انا بزهق من القعده لوحدي انا عايزه افضل مع تيته عشان متزعلش لوحدها
فرح:عيب يا جودي يلا بينا تيته تعبانه
فوزيه : خلاص يا فرح سيبيها معايا تسليني
فرح:بس انا خايفه تغلبك دي شقيه وانا عارفها
جودي بضحكه تجنن خلاص بقي يا ماما انا هقعد مؤدبه خالص خالص خالص صح يا نيته
فوزيه بضحك صح يا حبيبتي
فرح ضحكت ماشي يا غلباويه
رجعت فرح للشغل واعتذرت علي التأخير وفعلا بدأت تشوف الحالات المستعجلة والتعبانه عشان تدخلهم للدكتور
فرح الوقت خدها ومعرفتش تروح تجيب جودي
ومش عارفه تستأذن
فرح لقت الحاجه حمديه دخله عليها ومعاها ابنها عوض
فرح ازيك يا حجه عامله إيه معلش يا حاجه الحجز خلص النهارده خليكي في يوم تاني
حمديه:
انا جيالك إنتي
فرح باستغراب جايه ليا انا ليه؟
ادهم في الوقت ده دخل ومعاه جودي اللي جريت علي مامتها
فرح :حبيبه ماما ازيك يا قمرجيتي مع مين
جودي شاورت بايديها
فرح بتبص لقت ادهم : ابتسمت اهلا ادهم بيه معلش تعبنا حضرتك انا كنت هجيبها بس الشغل كان كتير معلش
ادهم مش معاها وعنيه علي عوض اللي مبحلق لفرح وعمال يبص جامد
فرح :ادهم بيه الحجه عمله ايه
ادهم مكشر كويسه
فرح :جودي غلبتكم
ادهم :لا ابدا
فرح استغربت من طريقة ادهم بس معلقتش
جودي راحت مسكت ايد ادهم انا غلبتك مش انت قولت أن انا أحلي بنوته صح وقولت كمان أن انا سكر وعسل زي ماما
ادهم شالها بسرعه وبصوت هامس اسكتي دا انتي مشكله هتوديني في داهيه
عوض بيبص علي فرح جامد وبيكلم أمه
هيا حلوه الصراحه وشكلها جميل بس مقولتليش يا أما أن عندها بت
ادهم سمع كلامه وهيولع فيه بصوت عالي:
عوض انت سايب الارض ليه انت مش المفروض في الارض دلوقتي ولا هو مال سايب ملوش صحاب
عوض : لأ ابدا يا بيه بس انا جاي اشوف العروسه
ادهم بصدمه عروسه ايه
ادهم بص لفرح وعنيه بتطلع شرار ورجع بصله تاني
عروسه مين ؟
حمديه اتكلمت بسرعه
يشوف الست فرح اصل بعيد عنك يا بني مراته بومه ومطلعه روحه وانا جولتله هجوزك ست ستها واهي ست فرح حلوه حتي شوف عودها دا كفايه لسانها اللي بينقط عسل
ادهم كان جاب أخره وبص لفرح
ردي يا عروسه
فرح بصتلهم وخايفه جدا من نظره ادهم ومش عارفه طب هو مدايق ليه بصت للحاجه حمديه واتكلمت بحده
لو سمحتوا انا مبفكرش في الموضوع ده خالص انا مش عايزه اتجوز انا هربي بنتي ولو سمحتم دا مكان شغل
ادهم : سمعت يا عوض ولا لسه يلا ارجع بقي الشغل
وبص لفرح وكأنه هيقتلها
وسبها ودخل عند مؤمن من غير ميتكلم ولا كلمه
فرح بتكلم نفسها هو انا عملت ايه غلط دا كان ناقص يولع فيا
،،،،،
عند مؤمن ايه يا بني حد يدخل كده
ادهم بصله وسكت
مؤمن حس أن فيه كارثه رجع بص للمريض
معلش يا حج محمد بص انت بقيت احسن الحمدلله بس لازم تمشي علي العلاج اسبوع كمان
بعد الحج محمد ما خرج
ادهم بص لمؤمن انا مش قايلك خد بالك منها ومتزودش الشغل عليها حصل
مؤمن
حصل يا عم في ايه لدا كله
ادهم :الهانم جايلها عريس بره لولا انا جيت
ثانيا انت بتخليها تروح متأخر ليه
مؤمن بحيره
يا بني مش انت قولتلي تشتغل عادي بس مزودش عليها لكن الصراحه هيا شاطره في الشغل
ثم تعال هنا انت مدايق ليه أن يجيلها عريس طب مدا شئ طبيعي
ادهم بصله بغيظ
ايه اللي طبيعي يا بني ادم
مؤمن بيهزر
انت وقعت ولا ايه
ادهم بضيق : ولا وقعت ولا زفت انا بس حاسس ان انا مسؤول عنها
مؤمن لم يقتنع بكلامه لكنه لم يطيل عليه لأنه يعرف ما مر به صديقه
خلاص يا عم بهزر
ادهم :بقولك ايه خفف الشغل عليها وهيا هتمشي العصر وهات حد مكانها يكمل الشغل وانا هدفع مرتب الاثنين
مؤمن بصله ومعلقش لانه حس أن صحبه حب بس بيحارب نفسه عشان مبيعترفش بالحب ده
أنت تقرأ
صدفه غيرت حياتي
Romantizmالحياه ما هي الي مجموعة من الصدف لكن هل فعلا تكون صدفه بل إن الله هو من يقدر لنا الخير وما تظنه محنه لك يكون بفضل الله نعمه لك لكن كن علي يقين بالله♥️
