صدفه غيرت حياتي

الفصل السادس والعشرين

اللهم صلي على سيدنا محمد وعلى ال سيدنا محمد كما صليت على سيدنا ابراهيم وعلى ال سيدنا ابراهيم في العالمين انك حميد مجيد
اللهم اجزي عنا سيدنا محمد صلى الله عليه وسلم ما هو اهله حبيبك
،،،،،،،،،،،،،
فرح حسيت أن في حاجه ضيقت الكل بس هيا مركزتش بنتها قالت ايه
فرح بحزم جودي تعالي هنا يلا عشان تغسيلي ايديك
جودي بزعل لا انا عايزه عمو
هو عايزاني استني صح وبصه في عنيه وابتسمت
وكأن ابتسامتها معديه ابتسم تلقائياً ليها وهز رأسه بمعني ايوه فرحت جودي جدا وبصوت عالي هيه هيه
فرح مستغربه بنتها لأنها مبتخدش علي حد بسهولة وبتخاف اشمعنا مع ادهم والحجه فوزيه

الكل خرج الارض بجوار المنزل وهيا عباره عن حديقه جميله واستطبل خيل
انبهرت فرح بالمنظر فلم تتوقع شكل المنزل من الخارج ذهبت جودي مع ادهم ومؤمن وجلست فرح مع الحجه فوزيه
فرح:انا عايزه من حضرتك خدمه صغيره بس انا مش هعرف من غير مسعدتك
فوزيه عقدت حاجبيها وبحيره خدمه ايه يا بنتي خير
فرح:كنت عايزه بيت صغير ليا انا وبنتي وميكنش غالي انا هبيع الدهب اللي معايا بس بردوا مش عارفه هيكفيني لحد امتي لحد بس ما افكر هشوف هقدر اجيب حقي ازاي
فوزيه: يا بت خليكي معايا البيت كبير
فرح: معلش عشان خاطري وعشان الكل يكون براحته أن انا مش عارفه هفضل هنا لحد امتي انا لسه الدنيا تايهه معايا أن أهم حاجه جودي
فوزيه بتفهم اللي تشوفيه يا بنتي
،،،،،،
مؤمن بس غريبه أن الحجه فوزيه ترضي أنها تجيب حد غريب البيت انا عارف مش اي حد بتدخله بيتها
أدهم،: لا فرح ظروفها مختلفة والصراحه انا مصدق اللي حصلها مره واحده كده الدنيا ادتها ظهرها ولازم تتعامل
سيبك منها وقولي عملت ايه مع مراتك
مؤمن بتنهيده يعني هعمل ايه نفس الوش انا زهقت
ادهم:انا قولتلك من الاول انك لازم تاخذ موقف
مؤمن بزهق مهو برده امي عايزاها تخبز وتقعد قدام الفرن وهيا عمرها ما عملت كده وسكت وبعدين قعد يضحك
ادهم باستغراب بتضحك ليه يا ابني انت اتجننت ولا ايه
مؤمن:اصل امي صممت أن سهيله تخبز وقعدتها قدام الفرن والعيش كله اتحرق واللي متحرقش طلعته ني وشكله غريييب من ساعتها سهيله اللي بتقول لامي أنها تخبز وامي مش راضيه
ادهم ضحك ربنا يهديهم
ويلا عشان امي بتشاور
ادهم ومؤمن راح عند أمه خير يا ست الكل
ابدا يا حبيبي فرح كانت عايزه بيت ايجار قريب من هنا ماشي
ادهم باستغراب ليه
فرح :عشان مينفعش أقعد اكتر من كده كتر خيرك جميلكم مقدرش أنساه وكفايه أن الدكتور مؤمن هيخليني اشتغل
وبعد تنهيده طويلة وعنيها امتلأت بالدموع لحد بس اما اشوف هرجع حقي انا واختي ولا حقي انا وبنتي انا مش عارفه اعمل ايه حسبي الله ونعم الوكيل وغلبتها عنيها
الحجه فوزيه: معلش يا حبيبتي الدنيا مليانه وان شاء الله ربنا هيرد حقك
فرح بدموع يارب
جودي جريت علي فرح وبتتكلم بشهقه يا ماما متعيطيش تاني عشان خاطري
فرح حضنتها جامد حاضر يا حبيبتي
يلا بقي عشان تغيري هدومك
جودي:لا انا هروح مع عمو ادهم
ادهم بحيره
هتروحي فين يا جودي
جودي : معرفش انا مش عايزه اروح مع ماما مش هتخليني انزل تاني
فرح بلهجه تحزريه
جيداء وبعدين
جودي بحزن
اسفه يا ماما
ادهم نزل واقف قصادي جودي الله اسمك جميل انتي اسمك جيداء

جودي هزت راسها بمعني اه
فرح قامت واخدت جودي معها
جودي بصت وراها وعملت بايباي لادهم وبعتتله بوسه في الهوا
ادهم ابتسم جدا وحس بإحساس غريب وجميل وقد ايه البت دي شقيه وجميله وبعدين كشر
واتمني أن يكون له طفله
أمه ملاحظه تعبيرات وشه دعت في سرها أن ربنا يفرح ابنها
وبصوت عالي
يلا بقي يا ولاد شوفو موضوع البيت ده وان يكون في حته كويسه وامان
،،،،،،،،،،،،
فرح بتكلم هاجر
يا بنتي دا كل اللي حصل
هاجر بضيق
طب وحقي يا فرح انتي مش عارفه انا عايزه الفلوس دي قد ايه انتي مش عارفه أن احنا في غربه
مليش دعوه اتصرفي
فرح بصريخ
حرام عليكي انتي مشوفتيش البهدله اللي انا شوفتها
والا الحجز اللي دخلوني فيه والأشكال اللي فيه والا أنهم يهددوني أنهم ياخدوا بنتي ولا خالتك اللي مش عايزه تشوفني ولا آن واحد يحاول يعتدي عليا ولا أن انا معيش حد يقف جنبي حراااام عليكم انا بشر ودا مش حقك لوحدك ما انا معاكي فكري فيا شويه انا قعدت عند ناس طيبين في الصعيد الله اعلم لولاهم كان حصلي ايه
روحي يا هاجر انا اللي فيا مكفيني ومتقلقيش أن عرفت اوصل لحاجه هبلغك
وقفلت السكه بسرعه وقعدت تعيط
وقعدت تكلم نفسها
وبعدين يا فرح انتي هتقعدي تعيطي، العياط مبيحلش حاجه فوضي امرك لله كده واجمدي
قامت تتوضي وتصلي ربنا يخرجها من المحنه دي وفضلت تصلي كتير لحد ما نامت علي المصلياه وهيا بتصلي وجودي نايمه علي السرير
فضلت كتير لحد وقت العشاء
ادهم جه من بره سلم علي أمه وبلغها أن لقي بيت بس صحبه مش راضي يأجره لولا معرفتي بيه
قولي لها تأخذ بالها في التعامل مع الناس احنا مش في اسكندريه
فوزيه بتفهم حاضر يا بني وهيا شكلها هادئه مش بتاعت مشاكل
ادهم ابتسم امال هما فين
فوزيه: من ساعه ما طلعت الاوضه منزلتش انا هطلع اطمن عليها
ادهم:ماشي يا امي وانا هدخل المكتب مستني الحج عبد الحميد عشان عقود الأرض

فوزيه ماشي يا بني
فوزيه خبطت محدش فتح قلقت دخلت علطول لقت فرح علي الارض قلقت عليها جريت علي طول عليها بت يا فرح
فرح فاقت مش فاكره هيا فين بصوت نعسان انا فين
فوزيه بخضه الله يسامحك يا شيخه قومي ايه اللي نيمك علي الارض كده
فرح
مرضتش لان عينيها كان باين عليها العياط
فوزيه بهزار طب قومي يا عسل بقي اقعدي معايا شويه وحشتوني الشويه دول وصحي البت القمر دي
فرح بابتسامة خفيفه حاضر
وفعلا فرح غيرت هدومها هيا وجودي ونزلت تحت
جودي بحب
ازيك يا تيته
فوزيه بحب الله تيته
طالعه منك زي العسل
فرح بتسأل عملتو ايه يا حجه في موضوع البيت ربنا سهل ولا ايه
فوزيه:كل خير بس تعالي انتي جانبي وانا احكيلك عشان بردوا افهمك شويه حاجات كده
جودي:
يا تيته عمو فين انا عايزاه
فوزيه بسرعه هو في المكتب ده يا حبيبتي بس عنده
فوزيه منهضتش تكمل كلامها لأن جودي جريت علي المكتب وكان الباب موارب فدخلت علطول
ازيك يا عمو
ايه رايك في فستاني؟ جميل صح شوف بعمل ورده كمان وقعدت تلف بيه حلو صح انا كده قمر
ادهم اللي اتفاجأ بدخولها بس مقدرش يداري فرحته بيها وهيا بتوريه الفستان وابتسامته اللي كانت بتنور وشه ورد عليها قمر يا جودي
عبد الحميد،:مين دي يا ادهم
ادهم
دي بنت ضيفه عندنا واجروا بيت في البلد يا حج
وقام من مكتبه شالها
ادهم لقي جودي بتقوله أنا زعلانه من ماما
ادهم بحيره ليه يا جودي
انا قولتلها عايزه احط روج وهيا مش راضيه
ادهم اتصدم الاول وبعدين ضحك بصوته كله
لا انتي حكايه وباسها في خدها لا تعالي نشوف الحج عبد الحميد وبعدين نشوف موضوع الروج ده 😄😄😄
،،،،،،،
يتري ايه اللي هيحصل مع فرح وهاجر وجودي .
يتبع