اللهم صل وسلم وبارك على سيدنا محمد وعلى اله وصحبه وسلم تسليما كثيرا كما صليت على سيدنا ابراهيم وعلى اله وصحبه وسلم تسليما كثيرا انك حميد مجيد
،،،،،،
في صباح يوم جديد استيقظت فرح أدت فرضها وبدأت تقرا وردها من القران الكريم
وبعد ذلك اخدت تصلي ركعتين لله تدعو ربها أن يفرج همها ويذهب عنها الهم والحزن
🤲🤲
يلا يا ماما بقي انا جعانه
ودا كان صوت جودي
فرح بابتسامة حضنت جودي يلا يا حبيبتي انا هعملك أحلي فطار بس هاتي بوسه الاول
جودي باست فرح بوسه كبيره
فرح قعدت تهزر معاها وتبوس فيها وجودي بتضحك وفرحانه
-فرح
يلا بقي ننزل عشان بطن جودي اللي بتصوصو من الجوع ولا ايه 😄
جودي
ايه دا يا ماما هيا بتصوصو ؟
فرح
ههههههههه عسل حبيبة ماما انتي
،،،،،
نزلت فرح
حضرت الفطار وفطرت هيا وجودي
لقت جاسم نازل من علي السلم
-فرح
لو سمحت يا جاسم كنت عايزه اكلمك في موضوع مهم
-جاسم ابتسم بهدوء
ماشي خليها بليل بعد الشغل ولا دلوقتي لو ميستحملش التأخير جاسم لسه
هيكمل كلامه لقي جودي بتجري عليه
عمو حبيبي وحشتني قوي خالص
جاسم شالها وباسها من خدها انتي حبيبتي يا جودي .
نزلت يارا مع ابنها احمد بس اديقت لما لقت جاسم بيلعب مع جودي وشايلها واديقت من الابتسامة اللي علي وش فرح
قالت في سرها
امتي بقي اخلص منك
-فرح
مش هعطلك يا جاسم
جاسم بص ليارا اللي رفعت حاجبها وربعت ايديها حب يدايقها اكتر طب يلا يا فرح علي المكتب.
،،،،،،،،
-فرح
لو سمحت يا جاسم انا عايزه حقي انا واختي احنا بعنا أرضنا وبيتنا وحطينا راس المال في الشركه وبيطلع لنا أرباح كل شهر وان كان علي حق جودي انا عارفه انك هتحافظ عليه
-جاسم
طب انتي عايزه تخدي حقك ليه انتي بتفكري تتجوزي
-فرح بغضب
ايه اللي بتقوله ده انا عمري ما راجل تاني يدخل حياتي مراد دا كان كل دنيتي
ثم انا عايزه ارجع شقتي اعيش فيها انا وبنتي
جاسم ادايق من رفضها للجواز مش عارف ليه يمكن فعلا فكر فيها كزوجه تحبه وتعامله زي ماكانت بتعامل اخوه
لكن غروره كان مفكر أن هيتحايلو عليه هو عشان يوافق ويرضى بيها مش العكس
فاق من أفكاره
بصي يا فرح انا معرفش حاجه عن فلوسك دي.
وبنت اخويا لو وافقتي أن انا أكون الوصي عليها اوعدك أن اشوف موضوع فلوسك ده
لكن غير كده ملكيش حاجه عندي
😡💔💔
فرح بصوت عالي
يعني ايه الكلام دا هتاخد حقي انا واختي وكمان حق بنتي دا الافترا ده
بس يا جاسم انا مش هسيب حقي انت فاهم
خرجت فرح من المكتب هيا في حال غير الحال يتري تعمل ايه طب فعلا مش هيديها حقها طب هتعيش منين طب هتقول ايه لأختها طب حق بنتها هيا سمعت ان في ناس مش بتدي الورث للبنات لكن متخيلتش انها تكون منهم
قابلت سماح وهيا رايحه اوضتها
بتسألها ببرود
بتعيطي ليه مالك علي الصبح
فرح بقهره
بعيط علي مراد اللي سابني انا وبنتي لوحدي في الدنيا كل واحد يتحكم فينا شويه
سماح اول مسمعت اسم مراد قلبها وجعها بردوا مراد ابنها وفراقه مش سهل
سماح طب تعالي عايزاكي في موضوع
دخلت فرح مع سماح ودموعها علي خدها😥😭
،،،
-سماح بعد تنهيده
بصي يا فرح من غير مقدمات
انتي لازم تتجوزي جاسم
انا مش هسيبك تخدي فلوس ابني وتتجوزي راجل تاني
وفقتي خير وبركه ماوافقتيش انتي حره بقي
فرح بصدمه
جواز ايه حرام عليكم
انا عايزه اربي بنتي
وانا لا يمكن اتجوز بعد مراد
سماح بغضب
خلاص ملكيش حاجه عندنا حتي فلوسك انتي واختك لأن مفيش ورق معاكي يثبت الورق كله عندي
فكري يا يا ماما كويس
ثم انتي تطولي انتي نسيتي نفسك ولا ايه،😡
فرح بدموع حسبي الله ونعم الوكيل على فكره الدنيا مش سايبه
،،،،،،،،
يارا سمعت الحوار كله
وبعدين بقي دا انا لازم اتصرف بسرعه
جريت علي اوضتها
،،،،،،
فرح لقت جودي بتلعب
فرح بصوت عالي اقرب للصريخ
يلا يا جودي عشان تغيري هدومك دي
جودي لما سمعت صوت فرح كده
جسمها كله اتخشب ونفسها بقي عالي وشفيفها بتزرق
فرح نسيت أن جودي كانت حاضرة موت ابوها ودا سببلها ازمه نفسيه بقت تخاف من اي صوت عالي
فرح جريت علي جودي حضنتها وقعدت تبوس فيها
انا اسفه يا حبيبتي انا غلطانه خلاص بقي فوقي
جودي كانت بترتعش لحد ما هديت خالص كل دا وهيا في حضن امها
فرح بابتسامة بها دموع
اعملك عصير فراولة يا جودي
جودي هزت راسها بمعني اه عشان هيا بتحبه جدا
وفعلا خدتها علي المطبخ
وعملت العصير لكن اتفجأت ب احمد عايز عصير زي جودي
راحت فرح قعدت مع الولاد لحد ما خلصوا العصير
في الوقت ده كانت يارا بتتكلم بعصبيه في التليفون
امال لو مكنش اخويا يقف جنبي انا مش حكتلك اللي سمعته أنهم هيجوزهاله انا مش هستني لحد ده ميحصل وحد ياخد جوزي مني
اتصرف
بص انا هبعتلك صورتها وانت اتصرف بطريقتك وانا هنا هتصرف بطريقتي
.
خرجت يارا مصممه على التخلص من فرح
ذهبت الي غرفة فرح وقامت بوضع عقد من الالماس في ملابس فرح
وبضحكه شيطانية
محدش يقدر ياخذ مني حاجه
مش علي الاخر فلاحه تشاركني جوزي
،،،،،،،،،،،،
اتجمع الكل علي صريخ فرح اللي مش عارفه ايه اللي بيحصل احمد مش عارف ياخد نفسه وشه احمر كانه ببتخنق وبعض الحبوب ملت جسمه
يارا شافت ابنها
ايه اللي حصل
فرح بخضه انا كنت بشرب جودي عصير فراولة وهو شرب هو كمان
يارا
انتي غبيه الولد عنده حساسيه شديدة يلا لازم نروح المستشفى حالا
فرح لسه هتركب عشان تروح معاهم
يارا بغضب انتي رايحه فين مش كفايه كنتي هتموتيه عشان ولد حرام عليكي يا شيخه هو ماله باللي بينكم
سماح بصت لفرح بنظره كادت أن تقتلها
حسابك معايا بعدين
،،،،،،
قررت فرح أن تترك المنزل وفعلا اخذت جودي ولسه هتخرج من البيت لقت البوليس بيسأل
فين فرح المنياوي
فرح انا يا فندم
انتي مطلوب القبض عليكي
-فرح
نعم ليه؟
الضابط
يلا يا مدام قدامي في القسم هتعرفي
،،،،،،،،،
يتري ايه اللي هيحصل مع فرح؟
وايه هيا المنحه اللي هتيجي بعد المحنه الشديدة دي
،،،،،،،،،،
يتبع
أنت تقرأ
صدفه غيرت حياتي
Romanceالحياه ما هي الي مجموعة من الصدف لكن هل فعلا تكون صدفه بل إن الله هو من يقدر لنا الخير وما تظنه محنه لك يكون بفضل الله نعمه لك لكن كن علي يقين بالله♥️
