اللهم صلي وسلم وبارك على سيدنا محمد وعلى اله وصحبه وسلم تسليما كثيرا
اللهم صلي على سيدنا محمد علي قدر حبك فيه
،،،،،،،،
مرت الايام وفرح راحت البيت الجديد هو صغير بس كانت مرتاحه فيه جدا والميز ه أنه قريب من العياده اللي هتشتغل فيها
فرح كانت بتروح العياده من الصبح للمغرب بس العياده كانت بسيطة جدا جدا
فرح بتتضحك في سرها كويس أن الدكتور مؤمن عنده سماعه يكشف بيها
فرح بتخلص يومها وبعدين تروح عند الحجه فوزيه تتطمن عليها
وفي الفترة دي مشفتش ادهم غير مره واحده
فرح لسه دخله الجنينه لقت جودي بتسيب اديها وبتجري بسرعه
فرح مش عارفه هيا بتجري علي ايه لكن انتبهت لادهم اللي واقف وشكله كان خارج ومعاه رجاله
ادهم انتبه بسرعه لصوت جودي و هيا بتنادي
عمو حبيبي ادهم نزل لمستواها وهيا حضنته جامد
ادهم:ازيك يا قمر عامله ايه
جودي: انا كويسه بس زعلت منك انت مش بتسأل عليا
ادهم ابتسم طب بصي يا قمر انا هروح مشوار صغير ومش هتأخر
ماشي
جودي بزعل لأ انت بتضحك عليا انا مش بشوفك
واحد من الرجاله مش يلا بقي يا بني كده هنتأخر علي الناس
ادهم: حاضر يا حج وبص لجودي روحي انتي عند تيته وانا هجبلكم معايا حاجه حلوه
جودي بفرحه اتفقنا
وبعد ما مشي جودي نادت عليه عمو استني وقف واستغرب خير يا جودي
جودي طب انت كبير قوي انزل عشان اقولك
ادهم نزل عندها خير يا ستي
راحت جودي بايسه في خده انا بحبك يا عمو
ادهم مشي مش عارف البنت دي ليه بتلخبطه كده طب ما هو اتعامل مع اطفال كتير
وصل تفسيره أنه بيعامل جودي كده عشان يتيمه ويمكن دمها خفيف
،،،،
فرح دخلت عند الحجه فوزيه
بس المرادي لقت معاها ضيوف
وكانت محاسن مرات العمده جايه معاها بنتها ساره اللي نفسها تتجوزها لادهم وبالذات لما طلق مراته هيا شايفاه فرصة ومش لازم تضيعها من اديها وخصوصا أن ادهم ليه كلمه في البلد والكل بيحبه
فرح بهدوء
السلام عليكم ورحمه الله وبركاته
ازيك يا حجه عامله ايه النهارده
فوزيه: وعليكم السلام تعالي يا فرح محدش غريب
فوزيه: امال فين البت جودي
فرح بتلقائية بتسلم علي ادهم وشكلها ناوياله
فوزيه ضحكت دي زي العسل ربنا يباركلك فيها يارب
محاسن عماله تبص لفرح من فوق لتحت
مين دي يا حجه انا اول مره اشوفها عندكم
فوزيه:دي فرح قابلتها واني بكشف في اسكندريه بس حسها بنتي اللي مخلفتهاش
محاسن لوت شفايفها اه بتك ماشي
دخلت جودي بهيصه. تيته حبيبتي عمو ادهم قالي أنه هيجبلي حاجه حلوه وهيجي علطول
فوزيه بزعل مصطنع ومش هيجبلي يا جودي
جودي بحيره
مش عارفه بس هبقي اديكي حته انتي حبيبتي اصلا
فوزيه بضحك
اصلا انتي اللي حبيبتي
فرح بتبتسم لفرحه بنتها لكن محاسن قعده هتفرقع
محاسن : وجهت الكلام لفرح معلش يا بنتي هاتي ميه عطشانه يا بنتي
واول فرح ما مشيت وجهت محاسن الكلام لفوزيه انا مش عجبني يا حجه انتم تدخلي بت غريبه عليكم الله اعلم المصيبه اللي وراها ويمكن بترسم علي ابنك ادهم
فوزيه بسرعه
لا يا شيخه دي بت غلبانه وظروفها صعبه وهيا مش ممكن تبص لادهم ابني هيا اكيد شافت ابني كبير البلد وهيا غلبانه لا يا شيخه لا هيا فين وابني فين
محاسن،: انا بس بوعيك يا حجه ابنك لازم واحده تشرفه وبصت لبنتها ساره مش واحده عرفتوها بالصدفة
من سوء حظ فرح أنها سمعت الحوار كله وصعبت عليها نفسها وان حتي الحجه فوزيه تفكر فيها كده واتحسرت اكتر على حقها اللي مش طيلاه مسحت دموعها بكمها حسبي الله ونعم الوكيل فيك يا جاسم انت اللي طمعت في حقي انا وبنتي وخليت الناس تتصعب علينا
وأخرجت تنهيده يارب مليش غيرك خليك معايا وحاولت تظهر متماسكة
علشان تمشي بسرعه
خرجت فرح من المطبخ وأدت محاسن الميه واستأذنت منهم
فوزيه:ليه يا فرح لسه بدري انا مقعدتش معاكي لسه مش هتحكيلي عملتي ايه النهارده
فرح بتحاول تبتسم معلش خليها مره تانيه عشان تعبانه وبصت لجودي يلا بينا يا حبيبتي
جودي:لا يا ماما انا قولت لعمو اني هستناه مليش دعوه
فرح بشدة
بنت قدامي يلا
خرجت جودي ووشها في الارض وعماله تعيط
فرح لسه بتفتح الباب لقت ادهم
ادهم ابتسم ازيك يا مدام فرح
فرح : الحمدلله
ادهم بص لقي جودي بتعيط شالها بسرعه مين اللي زعل القمر ده جودي شاورت علي فرح وبعدين رجعت حضنته تاني وبتعيط وهو عمال يهديها
وبص لفرح خير مزعلاها ليه حد يزعل القمر ده
فرح: هيا زعلت عشان كانت عايزه تستناك وانا اتأخرت
ادهم :طب تعالو يلا انا جيت بسرعه علشان خاطرها هنتعشا سوا وبعدين هوصلكم يا ستي
فرح بترن في ودانها كلمه فوزيه هيا فين واحنا فين
ردت عليه بسرعه معلش يا ادهم بيه شكرا لحضرتك عن اذنك وشالت جودي منه ومشيت
وكأنها كانت مخنوقه مصدقت تتنفس لكن دموعها سابقتها ودموع جودي اللي اتعلقت بادهم
فرح خافت علي بنتها تتعلق بيه اكتر وهيا مش اكتر من حاله انسانيه أو صدقه بالنسبة ليهم
فرح لأ انا لازم اعمل كرامه ليا وابنتي يا عالم هنعيش هنا قد ايه
مش هسمح أن بنتي حد يعاملها بتعالي
اجمدي يا فرح كدا وأخذت تدعي يارب دبر لي فاني لا احسن التدبير
دخل ادهم بهيبته سلم علي الموجودين ودخل اوضه مكتبه وافتكر أن فرح اول مره تقوله بيه وزعل لما شاف الشكولاته اللي جابها لجودي كان نفسه يديهالها لكن ابتسم لما افتكر بوستها ليه وهيا بتقوله بحبك يا عمي وبتلقاءيه حط أيده علي خده
،،،،،،،
يتبع
أنت تقرأ
صدفه غيرت حياتي
Lãng mạnالحياه ما هي الي مجموعة من الصدف لكن هل فعلا تكون صدفه بل إن الله هو من يقدر لنا الخير وما تظنه محنه لك يكون بفضل الله نعمه لك لكن كن علي يقين بالله♥️
