صدفه غيرت حياتي

الفصل الثامن عشر

اللهم صلي وسلم وبارك على سيدنا محمد وعلى اله وصحبه وسلم
صلي عليك الله يا خير الوري قد صار حبك في شراييني دما
،،،،،،
اهلا اهلا بالعريس لسه فاكر انك ليك ام
وبلهجه شديده
ازيك يا مرات ابني
-مراد
اهلا ازيك يا ست الكل بقي اجي من السفر وأسأل عليكي يقولولي في النادي طب ينفع كده
-سماح
بحب طب تعالي في حضني يبكاش انت كنت فين دا كله
وبصت لفرح ولا خلاص نسيت مامتك
مراد ضمها اكتر انا أقدر يا ست الكل
-سماح
وانا اللي كان نفسي افرح بيك واعملك فرح تتحاكي عنه الدنيا كلها وبصت لفرح واجوزك جوازه تشرف
مراد بضيق بص لفرح
لو سمحتي يا فرح اطلعي اوضتي انا هتكلم مع ماما وهحصلك
وبص لامه يلا يا ماما نتكلم في الجنينه شويه
فرح عنيها عليهم لحد ما خرجوا
وزعلانه وقلقانه من أيامها في البيت يتري اللي جاي هيحصل فيه ايه ؟وهيا هتستحمل كتير،
طالعه سرحانه وبتفكر خبططت في جاسم اللي نازل مستعجل
فرح بسرعه
معلش اسفه
-جاسم
اهلا بعروستنا ازيك عامله ايه كنتم فين دا كله
فرح بابتسامة ابدا كنا عند عمتي كان في عريس جاي لهاجر
جاسم ادايق بس سكت ومعلقش
حب يغير الموضوع امال مراد فين
-فرح
مراد في الجنينه مع طنط
،،،،،،،،،،،،،،
مراد ماسك ايد أمه وبيتكلم
بصي يا ماما انتي اغلي حاجه عندي في الدنيا ومقدرش علي زعلك بس بردوا مينفعش تعاملي مراتي كده خلاص يا ماما فرح بقت مراتي ووالله انسانه كويسه لو قربتي منها هتحبيها
لكن أنا مش هستحمل أن يكون فيه مشاكل كل يوم لو مدايقه من وجودنا انا هروح شقتنا اللي علي البحر اعيش فيها
وقام باس راسها
فكري يا ست الكل واللي يريحك انا هعمله
عن اذنك بقي لا انا تعبان جدا
مراد لسه داخل قابل جاسم.
جاسم بحب اذيك يا عريس اخبارك ايه قولي بقي الجواز حلو اتكل على الله واتجوز انا كمان ولا ايه فدني يا كبير
مراد حضن اخوه
يا بني دا اجمل حاجه في الدنيا
واتكل بقي خليني امشي انا سايب فرح من بدري
جاسم
بضحك
هيا بقت كده ماشي يا عم ربنا يسعدك
،،،،،،،،،،،
فرح بابتسامة جميله
كل ده اتأخرت كدا ليه انا كنت هنام
مراد كشر
اخص عليكي تنامي كمان لا وانا اللي قولت انت مستنياني
-فرح
طب ما انا مستنياك اهو
مراد لمح نظره قلق في عنيها بتحاول تداريها مسك ايديها وقعدها جنبه واتكلم بهدوء
بصي يا حبيبتي انا عارف ان العلاقة بينك وبين امي ممكن تبقى صعبة بس عايزك تبقي عاقله ومتخديش كله على. اعصابك ماشي يا فرح وانا جنبك متقلقيش
-فرح
وانا مش قلقانه طول ما انت جنبي ثم انت وعدتني أن عمرك ما هتظلمني صح
-مراد
طبعا صح بس في. حاجه غريبه جدا
فرح باستغراب
ايه دا اللي غريب
مراد
انت حاسس انك احلويتي كده وحلوتك زادت
فرح بغيظ وقته ده و وقعته من جنبها
خضتني يا عم
مراد علي الأرض
ياعم وقلد اللمبي ايه الغباوه دي يا اوشه😂😂😂😂😂😂😂

طب والله لوريكي
،،،،،،،،،،،،،،،،،
في الصباح الكل علي الفطار
وفرح قعدت جنب مراد وعنيهم بتضحك من الفرحه ونظرتهم لبعض كلها حب لكن كان في عيون متابعهم  صبري المنياوي
فرحان بابنه والتغيير اللي حصله ونظره الحب اللي عنيه
لكن في نظره غيره من أمه بتحاول تداريها
واتكلمت بقوة متنساش يا مراد أن اخوك كتب كتابه النهارده واهل يارا عاملين حفله متتأخرش بقي
وانتي يا فرح ابقي شوفيلك حاجه  ولو مش هتعرفي خليكي هنا 💔
فرح لسه هترد لقت مراد مسك ايديها ورد هو لا يا ماما فرح زوقها عالي وتشرف اي مكان تكون فيه
-سماح
انت زعلت يا مراد انا قصدي أنها مرحتش أماكن زي دي قبل كده وهيبان أنها من الفلاحين
💔💔💔😡
فرح ردت بسرعه
انا عارفه يا طنط أن انا من الفلاحين دي مش شتيمه علي فكره، ثانيا انا زي بنتك علميني وانا بتعلم بسرعه ولو معجبتش مراد هيبقي اللوم عليكي انتي
-سماح
لا اعلمك ايه انا مش فضيالك وقامت بسرعه وسابتهم
فرح قامت توصل جوزها وهو ماسك ايديها
اوعي تكوني زعلتي يا فرح
فرح بحب وازعل ليه وانت جنبي بس ممكن أخرج النهارده
واعمل زي اي زوجه مصريه اصيله
اصرف فلوس جوزي ⁦♥️⁩⁦♥️⁩
مراد
يا حبيبتي انتي تعملي اللي انت عايزاه وكأي زوج مصري اصيل معاكي من جنيه لجنيه ونص 😂😂😂😂😂😂😂
،،،،،،،،،،
وبعدين يا مراد مراتك فين احنا كده هنتأخر  انا  قولت متجيش معانا
ويتري لبسه ايه معتقدش هتشرفنا والكل هيقولي بقي دي مرات مراد  الله يسامحك يا شيخ.
مراد بحده
وبعدين يا ماما دي مراتي بردوا ولو انتي مش عايزاهاتيجي انا كمان مش رايح وابقي قوليلهم  سافر
وسابهم وقام وبيتكلم بعصبية في التليفون انتي فين لحد دلوقتي؟
فرح خبطت علي ظهره
انا هنا يا حبيبي اسفه على التاخير
مراد لف بسرعه  ليها  ولسه وشه مكشر
ايه دا ؟
ايه اللي انتي عامله في نفسك ده!
🤔🤔🤔🤔🙊
،،،،،،،،
يتبع