صدفه غيرت حياتي

الفصل السادس

اللهم اجزي عنا سيدنا محمد صلى الله عليه وسلم ما هو اهله
،،،،،،،،،،،
وصلت الفتاتان الي الشركه انبهرت هاجر بالمبنى الرائع وبصوت هامس شوفتي يا فرح كل دي شركه
فرح بإعجاب
جميله جدا يا هاجر ما شاء الله
هاجر:طب واحنا هنشتغل ايه فيها بصي يابنتي انا ممكن أتنازل وابقي مديره علي طول 
وهظبطتك يا بنتي هخليكي تيجي براحتك وتمشي براحتك
وهخلي طنطك سماح تشتغل معانا
بس دي بقي هخليها تشتغل ليل نهار
ضحكت فرح  علي طريقه هاجر وبضحك طب يلا يا اذكي  اخواتك نشوف هنعمل ايه
كان مراد ينظر لهم بود  ويضحك علي اسلوب هاجر فكانت تتحدث بعفويه
أما فرح كانت تشعر أنها محصاره  من نظرات مراد.
مراد بجديه
يلا بينا علي مكتبي عشان كل وحده تشوف شغلها في أي قسم وبص لهاجر وشغل يعني شغل ماشي وعشان حبك للشغل يا هاجر انا عرفت هتشتغلي مع مين؟
،،،،،،،،
انبهرت فرح بشكل المكتب ودا باين في عينيها
هو دا مكتب عمي يا استاذ مراد؟
مراد بتنهيده
هنا انا اسمي بشمهندس مراد ودا يا ستي مكتبي انا مكتب عمك في نهاية الممر هو  رئيس مجلس الإدارة.
هاجر باندفاع طب احنا هنشتغل ايه اكيد  مش رؤساء أقسام 🤭😂
ابتسم مراد
لا يا ستي انتي هتشتغلي مع مدام مني هيا اللي هتعرف تتعامل معاكي
وفرح هتشتغل مع الاستاذ احمد. في الحسابات وانا بعتلهم وزمنهم جاين
وفعلا بعد دقائق دخلت سيده في الاربعين من عمرها يبدو عليها الحزم
مراد بأسلوب جاد
مدام مني معاكي الانسه هاجر يا ريت تعليمها الشغل  عايزها تستفاد من خبرتك عايزها تعرف كل حاجه مش هوصيكي بقي يا مدام مني
انصرفت هاجر مع مدام مني لكن همست لفرح قبل أن تغادر انا خايفه من الوليه دي شكلها مفتريه
انا مش عايزه اشتغل انا عايزه اروح عند خالتي سماح 😂😂😂😂😂
ابتسمت فرح علي اختها لأن هاجر تحب المرح والهزار  ويبدو أن مني شخصية قوية وقياديه.
ابتسم مراد لابتسامة فرح
اكيد بتقولك أنها خايفه بس متقلقيش هتتعامل معاها وهتحبها كمان
في الوقت ده دخل الاستاذ احمد وهو راجل كبير محترم يبدو عليه الوقار
مراد بجديه
استاذ احمد الاستاذه فرح هتشتغل معاكم في الحسابات
احمد بابتسامة
تنور يا فندم .
-مراد بس خد بالك انتي اللي هتعلمها الشغل
ودي متوصي عليها من صبري بيه شخصيا
-احمد
انت تؤمر يا بشمهندس
مراد ووجه كلامه لفرح
روحي يا فرح مع الاستاذ احمد وان احتجتي اي حاجه تعالي علطول
فرح مستغربه طريقه كلامه اول مره يتكلم معاها بالاسلوب ده وتحس أن فعلا خايف عليها
نظرت ليه نظره خاطفة حاضر يا باشمهندس
تنهد مراد بعد خروجها واستغرب من نفسه هو من امتي بيوصي علي حد وليه خايف عليها كده
،،،،،،،،،،،،،،،،،
عند هاجر
مني بجديه
خدي الملفات دي بسرعه يا آنسه
رتبيها عشان تتسجل علي الكمبيوتر
ويلا عشان في اميلات تتبعت علي النت
هاجر بتوهان
حاضر
هاجر بتكلم نفسها وانا اللي قولت الانطباع الاول دا بينله هيبجي مرار طافح🤭🙄
-مني
بتقولي حاجه يا هاجر
هاجر بسرعه
ابدا بشتغل اهو دا انا بقول دا الشغل سهل اهو
،،،،،،،،،،
دخلت فرح المكتب وبدأ الاستاذ احمد يعرفها علي زميلها
بصي يا فرح دي اميره  ودي مها ودا محمد زميلك في الشغل
ودي يا جماعه فرح زميلتكم الجديدة
مها ميلت علي اميره شكلها عادي مش استيل يعني وسلمت علي فرح بفتور
أما اميره سلمت عليها ورحبت بيها تعالى معايا اوريكي مكتبك شكلك طيبه وحاسة أن هنبقي أصحاب
فرح ابتسمت ياريت يا اميره
وبدأت فعلا تندمج في الشغل
،،،،،،،،،،،،،،،
بعد فتره مراد بعتلها تيجي المكتب
دخلت فرح لقيته مشغول ومش مركز معاها سرحت هو فعلا شكله 
راجل يعتمد عليه.
وبسرعة غضت بصرها
مراد انتبه لوجودها وسألها
عامله ايه يا فرح ايه الاخبار حد زعلك ولا حاجه
فرح هزت راسها بمعني لأ
حضرتك عايز مني حاجه تانيه
-مراد بتنهبده
لا وقبل ما فرح تمشي نادي عليها فالتفت ليه
قال بجديه
ياريت متمشيش انتي وهاجر عشان هتروحو معايا نجيب عمتي من المطار ماشي
-فرح
حاضر
حضرتك هتحتاح حاجه تاني
-مراد
شكرا يا فرح
،،،،،،،،،،،،
انتهي اليوم وودعت اميره  فرح بعد ما فرح أخبرتها أنها ستنتظر مراد
اميره بإعجاب
مراد حته واحده دا  البنات في الشركة كلها  هتموت عليه يا بختك يا ستي😜
-فرح
لا يا سكر الموضوع مش كدا مراد بيه قريبنا
حزنت فرح كانت تريد أن تقول أنه ابن عمها لكن هو من وضع هذه المسافه هو من أخبرها أن القرابه التي بينهم ما هيا إلا عطف وستتعامل علي هذا الأساس
فاقت من شرودها علي صوت هاجر
انتي فين يا بنتي دورت عليكي.
فرح
ابدا مستنياكي  عشان هنروح المطار نجيب عمتك
هاجر بصرخه جنونيه هيه هيه
بجد
في اللحظه دي خرج مراد وله هيبته وشكله اللي يلفت الأنظار وبدون مقدمات عنيهم اتعلقت ببعض كأن بينهم كلام وعتاب .
جريت هاجر بسرعه علي مراد
بجد احنا هنروح المطار وهنشوف الطيارات وكده
ضحك مراد بصوته كله ايو يا ستي هنروح المطار ولم مسكتيش هنسيبك هناك صح يا فرح
فرح بدفاع
انا لا يمكن اسيب اختي 😠
-مراد
علي فكره كنت بهزر،
هاجر:حاولت تلطيف الجو علي فكره عادي تسبني في المطار اهو هيكون ارحم من شركتكم يا عم
دا انا كنت مفكره أن انا هشتغل بوسطه وهتدلع
وبصت لمراد بحزن مصطنع ياريتك ما اتوسطت لينا
نظرت لها فرح نظره تحزريه
فكتفت هاجر بالصمت
،،،،،،،،،،
في الطريق كان شكل البحر جميل سرحت فرح وكأنها بتشتكيله وبتحكيله عن حالها
أما هاجر عماله تحكي عن مدام مني
لا يا بشمهندس دي عامله زي مرات ابو سندريلا  انقلني عند حد طيب ربنا يكرمك
😀😀😀🤭

الطريق المطار كان طويل او هو ماشي براحه
نامت هاجر لكن فرح سرحانه وعيون مراد متبعاها وسألها
بتحكي ايه للبحر
ردت فرح بهدوء يمكن بقوله علي همومي يمكن برمي همومي فيه عشان ابدأ حياه جديده يمكن حاسه أنه صديق وفي هحكيله ومش هيخلي بيا 
مراد وقد  مس قلبه ما تقول 
فالبحر هو صديقه لا يرتاح الا عندما يحكي له ما به
نظر لها وشعر أن بينهم شئ مشترك أو أنها جزء منه
قلبه يخبره أنها له
لا يعرف حقيقة هذا الشعور بالرغم من تعامله مع غيرها لكن لاول مره يشعر بهذا الإحساس
تنهد مراد بحب راجيا من الله أن يريح قلبه ولا يحتار في الحب
⁦♥️⁩⁦♥️⁩⁦♥️⁩
.....
وصلت سعاد وأخذت تقبل مراد ومراد يقبل يدها. ورأسها وحشتيني يا عمتي كل دي غيبه .
سعاد بحب
غصب عني يا حبيبي والله انت عامل ايه وأخواتك وابوك وامك
-مراد
الحمدلله كلنا بخير
-سعاد
واد يا مراد مين البنتين الحلوين دول  اوعي تكون خطبت من غير ما تقولي
-مراد
دول بنات اخوكي الله يرحمه
سعاد وقد صدمها الكلام ودموعها تنزل شوقا لأخيها
حضنها مراد بقوه خلاص يا عمتي
هما هنا معانا اهو بتعيطي ليه بقي
-سعاد
فرح كانت شبه فاطمه مين فيكم فرح
فرح ردت بهدوء
انا فرح سعاد خدتها بالحضن ومش عايزه تسيبها  وعماله تبوس فيها
هاجر من وراهم هو يعني عشان انا شبه اخوكي مش هتسلمي عليا 😂😂😂😂😂😂
سعاد بضحك انتي اكيد هاجر صح
هاجر جريت حضنتها
صح يا عمتي
-مراد
كفاية سلامات بقي نكمل لما نروح
،،،،،،،
في العربيه
سعاد فرحانه جدا ببنات اخوها وبتتكلم بحب  ياه بأولاد الغالي اخيرا شوفتكم سامحوني يا بنات الدنيا بتشد كل واحد في حياته لمحت سعاد نظره الحزن في عيونهم فحاولت تغير مجري الحديث
فقالت مبتسمه
وانتي يا فرح مخطوبه
فرح بكسوف
لسه يا عمتي
-سعاد
خلاص يا قمر عريسك عندي انتي والبت الشقيه دي
مراد. بنرفزه
عمتي عريس ايه وبتاع ايه هما لسه صغيرين وعنيه بسرعه جات علي فرح. كأنها ملكية  خاصة ممنوع الكلام عليها
💓💓💓💓
نظرت له سعاد ورفعت حاجبها وتحدثت في سرها اخيرا  يا مراد قلبك هيدق  يمكن يابني ربنا شيلهالك  ربنا يفرح قلبك
،،،،،،،،،،،
يتري ايه هيحصل معاهم وهل مراد هيعترف أن فيه حب ولا هيكابر 😮
،،،،
يتبع