هل سنظل اصدقاء

الجزء الثالث

أخرجت الصور التي تجمعها مع اختها لتشاهدها للمرة المليون وبصوت خافت ودموع تتساقط كالامطار :وحشتيني و وحشني لعبنا مع بعض وكلامنا وجنونا وكل حاجة بتجمعنا بتمني لو اكون فحلم حلم ايه اكيد ده كابوس انتي اكيد مموتيش وسبتيني وبصوت متقطع يملؤه الوجع والاشتياق : ربنا يرحمك ربنا يرحمك يا شمس
وقامت لتصلي ركعتين تدعي الله فيهم ان يرحم اختها وان يصبر قلبها
................................................................................................
شهد وهي تتحدث مع لمي في الهاتف : يعني ايه مرضيش يقولك
لمي: معرفش هو قالي انه عاوز يعرف معاد المقابلة وبس
شهد: طيب بصي لو حصل اي حاجة اوعي تخلي فريدة تحس اننا متفاجئين خليها تحس اننا كنا عارفين ايه ال هيحصل
لمي: يعني عوزاني متفجأش ازاي وانا معرفش حتي الغبي ده هيعمل ايه
شهد بضحك : متشتمهوش بس المهم انا رايحة البس عشان المعاد
لمي : طيب وانا كمان يلا سلام
............................................................................................
فريدة : ازيكم يا بنات
شهد : ازيك يا حبي
لمى: ازيك يا ريدة وحشاني
فريدة: وانتي اكتر والله عاملين ايه
لمي: كويسين والله المهم قوليلي ايه ال شهد قالتهولي ده انتي بجد اتخانقتي مع روعة بسببنا
فريدة : والله انا متضايقة جدا من ساعتها عشان روعة مش راضية تقتنع انكم كويسين
لمي وهي تمثل الحزن : طيب يا فريدة لو روعة مش عوزاكي تكلمينا متخسريهاش واكيد انتي بتحبيها اكتر منا
فريدة بإسرار: مكلمكوش ازاي دي حياتي انا حرة فيها وانا حبيتكو وكمان احنا صحاب مش كدة
شهد: اكيد ده انتي بقيتي واحدة منا خلاص
فريدة: انا هحاول اقنع روعة ولو مقتنعتش هنفضل انا وهي اصحاب وانا وانتو اصحاب عادي مفيش حاجة هتتأثر
ليتدخل شخص اخر : ازيكم يا حلوين
شهد وهي تخفي المفاجأة: اتأخرت ليه يا حاتم
حاتم بإبتسامة : معلش الدنيا زحمة
لمي بغيظ: كنت اتأخرت القعدة كانت حلوة
لم يتحدث حاتم اكتفي بإبتسامة مستفزة تزيد من غيظ لمي
حاتم: معرفتونيش بالقمر
فريدة وشعرت بالاحراج فهي لم تتعود حقا ان تتحدث الي اي شاب : انا هستأذن معلش
لمي : فريدة استني شوية طيب
شهد بدلع : ده حاتم مش حد غريب
فريدة بضيق: معلش المرة الجاية
حاتم : متتكسفيش هتتعودي عليا
فريدة اكتفت بالسكوت
حاتم ليمد يده لفريدة: انا حاتم
فريدة ظلت تنظر الي يداه باستغراب لترد ودون ان تمد يدها : تشرفت
حاتم الذي شعر بالاحراج قليلا : انتي بقي فريدة ال الهبل دول بيحكو عنك
شهد لتمد يدها بدلع لتضرب كتف حاتم برقة : طب متشتمش
فريدة : طيب اتشرفت بمعرفتك استاذ حاتم بس هضطر امشي يا بنات سلام