هل سنظل اصدقاء

الجزء السابع

ياسر : ايه ده فين روعة
فريدة : مشيت
ياسر بعدم فهم : مشيت فين
فريدة بضيق : مشيت يا ياسر روحت
ياسر : ازاي تسيبيها تمشي لوحدها انتي اتجننتي يا فريدة الساعة 10 بالليل
فريدة : هي ال صممت انا مليش دعوة
ياسر : طيب اتصلي بيها وقوليلها تستني انا هروح ليها
فريدة : طيب
......................................................................
روعة تسير بمفردها خائفة من هؤلاء الشباب الواضح من وجوههم ان عقلهم مذهب بالكامل
لينطق احد منهم : ايه ده ايه القمر ال طلع فجئه ده
ليقول الاخر بعدم اتزان : يالهوي يجدعان
ليصفر الاخر : لاء مينفعش كدا يشباب لازم نتعرف
روعة وتكاد ان تموت من هذا الموقف وتدعي ربها ان تجد اي شخص كي يساعدها
وتشعر ان دعائها قد استجاب وجدت هذا الشاب الغريب هي لاتعرفه ولكن طريقته وملابسه واسلوبه في الكلام معها يوحي بانه " ابن ناس "
عمر بسيارته : يا انسه اركبي متخافيش انا زي اخوكي ماينفعش تمشي لوحدك كدا
روعة لم ترد
عمر : طيب حضرتك تقدري تتصلي باي حد وخليه معاكي في التليفون لغاية ماتوصلي
روعة وشعرت بالإطمئنان قليلا : طيب
ركبت روعة مع هذا الغريب وقامت بالإتصال بجدتها
وصفت روعة لعمر البيت ولم تنطق بعدها بحرف واحد ويبدو عليها التوتر
قطع السكون في السيارة رسائل فريدة التي لم تفتحها روعة حتي
عمر: هو ده البيت
روعة : اه هوا متشكرة جدا
عمر بإبتسامة : متشكرينيش اي حد فمكاني هيعمل كده
اكتفت روعة بالأبتسام ثم ذهبت
عمر بعدما تأكد بأن روعة ذهبت : الو يابيه اطمن الخطة ماشية كويس
محسن : تمام .. تمام جدا
.....................................................................................
لمي : الو يا قمر
فريدة : ازيك يا لمي وحشتيني
لمي : والله وانتي بقولك  ايه فيه حفلة بكرة صحابي عاملنها وانا قولت لازم فريدة تكون معايا
فريدة : حفلة بس انا مليش مزاج يا لمي والله
لمي : طيب ما تيجي تروقي صحابي هيعجبوكي خالص
فريدة : مش عارفة حتي مش عارفة البس ايه
لمي : طيب خلاص ايه رئيك بكرة هعدي عليكي اقعد معاكي شوية وننقي مع بعض هدومك وننزل سوا
فريدة بفرحة : بجد يا لمي ياريت انا زهقانه جدا
لمي : طيب ياستي بكرة تحضريلي غدا حلو بقي
فريدة : اكييييد
لمي : تصبحي علي خير يا قلبي
فريدة بإبتسامة : وانتي من اهل الخير
اغلقت فريدة مع لمي الهاتف لتجد رسالة من روعة
" انا بخير اظن ان بعد ال قولتيه من شوية ميهمكيش انك تعرفي بس انا قلت اقولك عشان عارفة ان ياسر هو ال قالك تبعتيلي الرسايل دي كلها قوليله شكرا جدا ع خوفه عليا وانه اعتبرني زي اخته "
ارسلت فريدة لروعة رسالة "مكنتش احب ولا تخيلت ان ممكن نقول لبعض الكلام ده بعد 7 سنين قضيناهم مع بعض وعشناهم سوا ومحدش ساب التاني لا فضيق ولا ففرح انا اسفة ياروعة لو ضايقتك بكلامي بس عنادك وعماكي انك تشوفي الحقيقة هو النهي علاقتنا وانا متاكدة انه لو مكنش حصل كده دلوقتي كان هيحصل بعدين بس عوزاكي تعرفي انه مهما حصل انا بحبك وهتفضلي فقلبي صحبتي واختي وتوأمي واقرب حد ليا فالدنيا بس انا اسفة يا روعة مش هقدر اشوفك بتبعديني عن الدنيا وعن اي حد لمجرد افكار سيئة فدماغك ملهاش علاقة بالواقع واسكت لازم يكون فيه حد لتملكك يا روعة "
ارسلت الرسالة لتغلق هاتفها وتبكي تبكي بصمت تبكي علي صديقتها وصدااقتها تبكي علي تذكر الايام الجميلة مع اختها وامها وصديقتها  مع من اشعرتها بالحنية رغم ان سنهم واحد بكت علي ضياع احلامهم التي بنوها معا بكت علي كل شئ
حتي شعرت بدخول ياسر
ياسر : ممكن اعرف فيه ايه يا فريدة
فريدة من بين شهقاتها : خلاص يا ياسر انا وروعة مبقاش فيه اي علاقة تربطنا ببعض مبقيناش اصحاب
ياسر : ازاي هو ايه الحصل يافريدة احكيلي طيب
فريدة : يا ياسر روعة بقت مفكراني لعبة من العابها عاوزة تتملكني مش عاوزة يبقي ليا اصحاب غيرها انا تعبت بصراحة من ظنها فكل الناس واعتقادها ان كل البنات وحشين 
ياسر : ده مش معناه انكم تتخلو عن بعض يا فريدة التفاهم عمره ما كان غلط
فريدة : والله يا ياسر حاولت اتفاهم معاها وحاولت اني افهمها ان كل ال فدماغها مجرد اعتقادات بس هي مش راضية تفهم
ياسر : طيب اهدي يا فريدة وبكرا هنشوف الموضوع ده ونتكلم مع روعة
اعطت فريدة لياسر هاتفها لتريه اخر رسائلهم
اخذ ياسر من فريدة ليقراء الرسائل
ليصدم مما كتبته روعة هل فعلا روعة تعتقد ان خوفي عليها وكلامي معها فقط لاني اعتبرها مثل اختي هل فعلا هي تعتقد هذا يا الهي وانا من كنت اعتقد انها تعلم جيدا ما بداخلي ليشعر بالحزن واليائس شعر بان كل ما بناه من احلام تهدم الان يا الهي ياروعة انا احبك احبك كثيرا حتي انني لا اتخيل حياتي بدونك كيف لا احب هذه الطفلة الصغيرة ذات الضحكة البريئة والخجل الجميل كيف لا احبك يا روعة
فريدة : انا عارفة يا ياسر
ياسر باستغراب : عارفة ايه
فريدة : عارفة انك بتحب روعة