هل سنظل اصدقاء

الجزء التاسع

...:هو حضرتك مش خايف لو الخطه نجحت ان روعه تقابل اختها
...: هنكون سيطرنا عليها زي ماسيطرنا علي شمس
...: محسن بيه انا بقول نخليها فقسم تاني غير نقل البضاعه
محسن السهمي: متخفش انا عارف هعمل ايه ..فيه حاجه فروعه وفريده مختلفه عن باقي البنات
...:ممكن البراءه ال فوشهم
محسن:بالظبط براءتهم متخليش اي حد يشك فيهم وده المطلوب
...:بس حضرتك معاد التسليم خلاص
محسن :انا مظبط نفسي متخفش انت .. لمي وشهد عارفين هيعملو ايه كويس
...:طب وبالنسبه لروعه
محسن: كل واحد يعادل ليه الاسلوب الهيجيبه يعني الهيحصل مع فريده مش هيقصر مع روعه ..روعه ليها اسلوب تاني وعمر عارف شغله
..............................................................
ياسر في نفسه وهو يتذكر لمي :هو ازاي فريده ممكن تصاحب واحده زي دي يعني لبسها طريقة كلامها وتعاملها معايا وكأنها متعوده علي التعامل مع الشباب
وبعد تفكير:بس ممكن اكون ظالمها استغفر الله" إن بعض الضن إثم"
ليتذكر روعه بحيائها وعفتها وجمالها الطبيعي ورقتها في الحديث
ليأتيه صوت قلبه بين ضلوعه ليقول له "أهناك مثلك يا روعه"
............................................................
....:يااااا ست روعه
روعه:هممممممممم
....:قومي يلا بقينا الضهر
روعه:سيبيني شويه يا نوجه بالله
"نوجه "نجاة" جده روعه"
نجاة: قومي بدل الموت ال انتي فيه ده الناس عايشه وانتي نايمالي هنا
روعه وهي تعتدل : اهو ياست نوجه قمت اهووو
نجاة وهي تبتسم :ها عاوزه تاكلي ايه انهارده
روعه:امممممم عاوزه اي حاجه حلوه من إدك يا حلوه انتي
نجاة: يابت يابكاشه
ليقاطعهم صوت الهاتف
روعه:الووو
...:حضرتك روعه ماجد
روعه:ايوه انا
....:حضرتك كنتي مقدمه في مسابقه الرسم واحنا اخترناكي تشاركي معانا
روعه بفرحه:حقيقي..طيب في فريق مين
...:عمر حبيب
روعه:انا متشكره جدا بجد
...:علي ايه حضرتك للعلم بس لازم حضرتك تكوني موجوده بكرا الساعه٨
روعه:ان شاء الله
نجاة :ها ياروعه فيه ايه
روعه بفرحه وهي ترقص:نوجه يا نوجه انا اتقبلت في المسااابقه
نجاة بفرحه: ياحببتي الف مبروك عقبال ما تفوزي
روعه:يااااه يا نوجه لسه بدري خالص لسه هتدرب وهيختارو عشره بعدين يختارو خمسه وبعدين يختارو اتنين وبعدين واحد بس الهيفوز يعني مش عارفه فرصة الفوز ضعيفه جدااا
نوجه:يعني زي ذا فويس كدا

روعه بضحك وهي تحتضن جدتها: ايوووه بالظبط كداااا يانوجه زي ذا فويس
.................................
فريده: ايه ده يالمي المكان مختلط
لمي:يابنتي متخافيش دول ناس لذيذه اوي هتحبيهم جداااا
فريده : لا انا خايفه
شهد :ازيكم يا بنانيت
لمي:اهو شهد وصلت ياست فريده متخافيش احنا معاكي
فريده بتوتر من هذا المكان:ازيك يا شهد
شهد بابتسامه:الحمد لله ياقلبي يلا اعرفك علي الشله
فريده ومن التوتر تخبط في هذا الكائن الغريب كالجدار
فريده: ااااااا..اااسفه
حاتم بابتسامه لهذا الملاك الواقف امامه :ولا يهمك انتي مش فكراني
فريده :فالحقيقه لاء ..اا..اااه انت الكنت فالكافيه
حاتم :ايوه انا
شهد وبغيره :ازيك يا حاتم
حاتم لم يلق لها بالاً
فريده تركتهم لتبحث عن لمي التي اختفت فجأه
لتجد يد تمسكها من معصمها :مين الحلوه
فريده وبخوف : سبني لو سمممحت
..:مش لما نتعرف الاول
فريده وعلي وشك البكاء :يالمييي
ليراها حاتم فيشعر باحساس غريب يعتلي صدره وكأن البراكين تركت مكانها وشقت طريقها بداخله لتنفجر هناك
حاتم:نعم فيه حاجه
ليفر هذا الرجل من رؤية حاتم
فريده بخوف:ده ..ده كان عاوز يمسكني
وبدأت في البكاء ليشعر حاتم بالغضب من هذه الخطه ولأول مره يشعر هذا الشعور وكأنه يريد ان يذهب فيقضي علي هذا السهمي
شارك فالكثير مثل هذا من قبل ولكن  عندما رآي دموع فريده شعر بانهزام بداخله ورعشه قلبه وكأنه يبكي مع بكائها
كيف لك يا فريدة ان تحركي قلب قد مات منذ زمن
لماذا انت فالفتياة كثيرة لماذا شعرت معك انت هذا الشعور
لاتبكي ..لاتبكي فقلبي يتمزق ببكائك
هذا شعوري فقط وانتي تبكين ماذا سأفعل بعد ذلك يالهي ..يالهي
"في دقيقه تقريبا شعر حاتم بكل هذا شعر بالخوف شعر ولاول مره بالحب شعر بالخساره شعر بالحاجه الي البكاء وكأن فريده جاءت لتيقظ قلبه بعد مده من فقدانه للحياه "
فعلت مثل هذا عشرات المرات لم اشعر بالتراجع ولا مره رأيت الكثير من الاعين الباكيه ولكن لم يلمس قلبي بكاء احد هكذا من قبل
حاتم :ترجعي البيت
فريده:من فضلك من فضلك عاوزه ارجع
شهد في قمة غضبها وهي ترا حاتم مهتم بفريده وكيف يعاملها فلقد كانت تعتقد ان هذا هو اسلوبه حقا مع الجميع ليس معها فقط لتصدم في رقته مع فريده :ماشي ياحاتم والله لحرقلك قلبك انت وهي