هل سنظل اصدقاء

الجزء الخامس

ياسر :هو فيه حاجة بينك وبين روعة
فريدة : زي ايه
ياسر : زعلانين مع بعض مثلا
فريدة : عرفت ازاي
ياسر : حسيت
فريدة : الصراحة اه تاتش بسيط كدا وهيروح لحاله
ياسر : طيب ايه رئيك هعدي عليكو بعد ساعة نروح نتفسح وكأنك بتصلحيها
فريدة : تمام بس مالك مهتم كدا
ياسر بإبتسامة : هو أنا عندي اغلي منكو
فريدة : نعم ؟!
ياسر بضحك : منك اقصد منننك
....................................................................................
في مكان آخر لم نذكره بعد
جالس علي كرسيه يرئس الاجتماع
: أوامر حضرتك بدأت تتنفذ
: بس البنات عاوزين يعرفو الخطة
: هاتوهم
: مينفعش
: انا مسئلتش ينفع ولا لاء انا قولت هاتوهم
: هتقول لهم الحقيقة
: هقول لهم ال ينفع يتقال
: امتي
: الساعة 3 العصر الاقيهم في مكتبي بس متنسوش انهم ماينفعش يعرفو مكانا فين
: متقلقش مش ناسيين نستأذن احنا عشان نلحق
..............................................................................
: عاوز لمى وشهد دلوقتي في كافيه****
حاتم : تمام
ليجري حاتم اتصال ب لمى : اتصلي بشهد دلوقتي تكونو في المكان ال هقولكو عليه في اقل من نص ساعة
..........................................................................
ياسر : فريدة انزلو انا تحت
فريدة : تمام بس عشر دقايق
ياسر : طيب
ياسر ويشعر بأن قلبه سيخرج منه ينتظر هذه اللحظات القليلة التي يراها فيهم إشتاق اليها كثيرا فلم يرها تقريبا منذ ثلاثة ايام
فريدة : اهو احنا جينا
ياسر وهو ينظر ل روعة : طيب اركبو أزيك يا روعة
روعة بصوت يكاد يسمع : بخير
فريدة : ها هتودينا ع فين
ياسر : المكان ال روعة عوزاه
فريدة لتفتح عيناها : نعممم وانا روحت فين
ياسر : هو مش انتي ال مزعلاها يبقي تصالحيها بالهيا عوزاه وبإبتسامة : ها يا انسة روعة عاوزة تروحي فين
روعة بكسوف : المكان ال تحبوه عادي
رغم ان روعة وفريدة اصدقاء منذ زمن الا ان روعة تعرف حدودها تماما مع ياسر فمهما كان هو غريب عنها
...................................................................................
شهد: بقالنا ساعة محدش عبرنا
لمى : شهد احنا مكملناش ربع ساعة
شهد بفرحة : اهو حاتم اجه
حاتم : هااا مش انتو عاوزين تعرفو الخطة
لمى : اكيد عاوزين
حاتم : اشربو العصير فيه مادة مخدرة هتنيمكو لحد ما نوصل للهيعرفكو ال انتو عاوزينه
لمى : وانا ايه ال يضمني
حاتم : مش واثقين فيا يبقي متشربوش ومتسألوش عن حاجة بردو
شهد بدلع وهي تنظر لحاتم: انا واثقة فيك
حاتم بنظرة استحقار : طيب كويس
...................................................................................
وصلو شهد و ولمى الي المكان المحدد
ليستيقظو من الماء التي سكبت عليهم
لمى : احنا فين
: اهلا بيكو انا محسن السهمي " اسم وهمي" طبعا عارف ان عندكو اسئلة كتيير اتفضلو وانا سامعكو
لمي : انا عاوزة اعرف انتو عاوزين ليه فريدة وروعة بالذات
محسن : البراءة الشغل ال محتاجينهم فيه بيعتمد علي البراءة يعني نضاف وبنات ناس عشان بيتعاملو مع ناس مش قليلين لازم يكونو حلوين كمان والمواصفات دي ملقينهاش غير فيهم غير انه سهل توقعيهم بسبب التفكك العائلي بين عائلتهم يعني روعة مثلا باباها ومامتها منفصلين وكل واحد فمكان برا مصر وعايشة ع جدتها ف سهل نوصلها بطريقة غير ال هنوصل بيها لفريدة لأن فريدة بابا ها ومامتها عايشين في اوروبا بحكم شغلهم يعني عايشة لوحدها بردو مع اخوها فسهل نوصلها عن طريقكو
شهد : فريدة سهل نوقعها لكن روعة مش سهل ابدا
محسن : عشان كده انا مش عاوز ليكم اي علاقة بروعة انا عارف هتقع ازاي
لمى : طيب انتو عوزينهم فإيه
محسن : حجات خارج الدولة ومظنش انها تهمكو
لمى : ليه الأوامر ال بتجيلي دايما مش بتبقي مباشرة منك او بمعني ان الأوامر بتيجي لحاتم الاول

شهد : غير ان احنا مش عارفين الخطة ال انتو ماشين عليها عشان نعرف نتصرف لو حصل اي غلط

محسن : انا جايبكو دلوقتي عشان افهمكو
احنا عاوزينكم فإيه
احنا عاوزينكو تجرو فريدة لسكتكم ووقعو مبين فريدة وروعة خلي مابنهم حواجز تمنعهم حتي انهم يحكو لبعض ع البيحصل معاهم غيرو سلوك فريدة يعني حاولو تدوها سجارة خلوها تخرج في اماكن مش متعودة عليها بس خدو بالكو الموضوع مش سهل لانكم هتمحو كل ال فريدة بتتعلمه بقالها 17 سنه يعني هتربوها من جديد انا اخترتكو انتو بالذات عشان عارف انكو مش هتخيبو ظني انا عاوز في اقل من شهر فريدة القديمة تتمحي وتجيلي فريدة الجديدة بمواصفات احنا عاوزينها
شهد بخبث : الموضوع سهل بس المقابل
محسن : شيك ب 2 مليون لكل واحدة فيكو
لمى ولمعت عيناها : نبداء منين
محسن : خليها تغير طريقة لبسها وحجابها