هل سنظل اصدقاء

الجزء السادس

في احد الحدائق
فريدة : لسه زعلانه مني
روعة : يا فريدة انا مش زعلانه منك انا زعلانه عليكي
فريدة : ليه بتقولي كده انا مش بعمل حاجة غلط
روعة : لا بتعملي يا فريدة انتي عارفة اني مش موافقة انك تكلمي البنات دول
فريدة : وانا مش لاقية سبب واحد اني مكلمهمش
روعة : انا بس خايفة اخسرك ده مش سبب كافي عندك
فريدة : انتي لسه بتفكري كده يا روعة خلاص شمس ماتت ده كان قدر ربنا مش بسبب حد ولا بسبب صحابها كل ده من تخيلاتك بس
روعة وصوتها بداء يعلو : انتي بتقولي اي يعني انتي مش مصدقة ان البنات دول مش كويسين يبقي يا فريدة انا مش بتخيل ولا حاجة دي حقيقة والله حقيقة و الدليل ان اخوات نفس البنات كانو هما صحاب شمس كانو بيعملو معاها نفس ال بيعملو ه معاكي هيجروكي زي ما جروها
فريدة ومستوي صوتها يزداد تدريجيا : روعة انتي اتجننتي خلاص كل حاجة شمس شمس انتي مش ولية امري انتي صحبتي بس ومتجيبيش سلوك اختك السئ في البنات محدش بيضرب حد علي ايده عشان يعمل حاجة غلط وده كان بإرادتها وانا مش زيها وشهد ولمى مش زي اخواتهم
روعة : لا زي اخواتهم ونفس القصة بتتعاد وهتعرفي ان كلامي صح لما تفوقي من ال انتي فيه انتي متعرفيش ولا جزء واحد من ال حصل مع شمس انا بس ال عارفة اتحداكي تقوليلي ايه هو الحاجة الغلط الشمس عملتها محدش يعرفها عشان محدش يعرف الحقيقة محدش يعرف ايه الحصل وكلكو شايفين ان شمس هي الغلط ودلوقتي انتي شايفة خوفي عليكي ده غلط خلاص يبقي تختاري دلوقتي يا فريدة يا انا يا هما
فريدة : انا مش قادرة اتحمل تصرفاتك خلاص انتي مبقيتيش روعة بتاعت زمان انتي اتغيرتي عاوزاني امشي وراكي وبس ملكيش دعوة بيا من بعد انهاردة ومتتكلميش معايا غير لما تتغيري وتبقي روعة بتاعت زمان صحبتي واختي
روعة بصدمة جعلت صوتها ينخفض يكاد يسمع : يعني اخترتيهم يعني بعد العمر العشناه مع بعض هتسيبيني
فريدة بنفس الغصة : انا مسبتكيش يا روعة تصرفاتك هي ال اجبرتني
...........................................................................................
حاتم : بس فريدة دي شكلها محترمة
اياد : ياعم تلاقيها بتمثل بس قدامك
حاتم بتفكير : لاء مش تمثيل شكلها محترمة بجد مش عارف ليه حاسس ان البنت دي متنفعش للهما عوزينها تعمله
اياد : بقولك ايه انا مش فاضي للكلام بتاعك ده بعدين مفيش تفكير فالشغل انت تعمل البيطلب منك وبس ولا نسيت ده حتي كلامك
حاتم : منستش خلاص انا قايم امشي عشان بكرا عندي شغل طويل
اياد : امشي انت ياعم انا قاعد شوية
........................................................................................
: روعة في حديقة**** دلوقتي وشكلها ماشية كانت بتتكلم مع فريدة
محسن : طيب روح واعمل ال اتفقنا عليه
عمر : ءوامر حضرتك
...........................................................................................
روعة تركت فريدة لتذهب وهي تبكي علي كلام صديقتها لها
عمر : انسة
روعة نظرتله باستغراب: حضرتك بتناديني انا
عمر : فالحقيقة انا شايف ان حضرتك ماينفعش تمشي لوحدك فالوقت المتأخر ده وكمان وانتي فالحالة دي ممكن تسمحيلي اوصلك
روعة وعلي وجهها علامات استفهام : هو حضرتك بتهزر
عمر : لاء بتكلم بجد حقيقي الوقت متأخر مينفعش تكوني لوحدك
روعة : بعد اذنك ابعد عني انا مش ناقصة وفيا ال مكفيني
اكملت روعة سيرها دون ان ترعي اي انتباه لهذا الغريب
عمر وهو يتحدث في الهاتف بعد ابتعاد روعة : مرضيتش يا بيه
محسن : خد العربية وامشي وراها من غير ما تحس واول ما تشوف الشباب بيضايقوها حاول تقنعها تاني فهمت
عمر : تمام