هل سنظل اصدقاء

الجزء الثامن

ارسلت روعة الرساله ثم اغلقت الهاتف لتبداء دموعها بالهطول غير مباليه بمحاولات روعه لردعها
روعه: كل البحبهم بيبعدو عني شمس بعدين ماما وبابا وبعدين فريده يارب انا عمري ما عملت حاجه غلط ولا اتمنيت حاجه وحشه لحد  بس دايما البيحصل معايا بيكسرني عمر ما اتمنيت حاجه وحصلت..يارب عمري مافرحت يومين علي بعض
ثم تلقت رساله من فريده فتجاهلتها لتجلس وتدعي ربها بقلب يملؤه الحنين لأيامها الماضيه وبعد دقائق نامت روعه من كثرة البكاء
.............................................
فلاش باك/
روعه:هو انتي هتمشي وتسيبيني ليه ياشمس
شمس :لازم يا روعه عشان الجامعه بعيده بس متخافيش ياحبيبتي انا هجيلك كل جمعه وهفسحك ونلعب مع بعض كتير وكمان هكلمك كل يوم
روعه وهي علي وشك البكاء :بس انتي هتوحشيني اوي مش عوزاكي تمشي
وبتفكير: هو ينفع اجي معاكي
شمس :ياحبيبتي انتي لسه صغيره لما تكبري هتروحي انتي كمان
روعه بامتعاض:علي فكره انا مش صغيره انا عندي ٧سنين وحافظه جدول ٢و٣
شمس وبدء يظهر علي وجهها علامات الضحك
روعه : انتي بتضحكي ليه انا كبيره وبعرف اغسل المواعين لوحدي وكمان حافظه الحروف بالعربي وبالانجليزي كلها
شمس ولم تستطع كتم ضحكها لتنفجر ضاحكه علي كلمات اختها الصغيره لتحتضنها ويضحكا معاً
..............................................
فريده :يا ياسر انا عارفه كل حاجه وعارفه قد ايه انت بتحب روعه
ياسر : طب هي عارفه
فريده: مظنش الصراحه
ياسر :طيب يا فريده انا هسيبك واوعدك اني هفكر في حل لمشكلتك
فريده بتنهيده لتذكيرها بهذا الموضوع: متتعبش نفسك يا ياسر مفيش اي حل خلاص
ياسر بحزن علي اخته وما اصابها :طيب يا فريده تصبحي علي خير
.............................................
في الصباح
لمي :الو يا فريده
فريده : ايه يا بنتي اتأخرتي ليه
لمي : انا فالطريق اهو بس زحمه
فريده :طيب يا قلبي تيجي بالسلامه
وبعد قليل سمع ياسر طرقات علي الباب ليذهب ويفتحه
لمي لتفتح فمها من هذا الجميل الواقف امامها
ياسر : حضرتك عاوزه حاجه
لمي لتستوعب الامر : هااااا اااه انا صاحبة فريده
ياسر :اتفضلي
فريده : ايه ده لمي اجت
لمي :ريده ازيك
فريده : الحمد لله يا قلبي اتفضلي  اه نسيت اعرفك ده ياسر اخويا ودي لمي يا ياسر صحبتي
لمي لتمد يدها لياسر بقصد المصافحه : ازيك يا ياسر
ياسر بامتعاض وهو يحاول ان يبتسم : الحمد لله طيب استأذن انا بقي
فريده :ياسر استني هقولك حااجه
ياسر : قوولي
فريده : انا هخرج مع لمي شويه
ياسر باهتمام : علي فين
لمي : هنروح بارتي
فريده: والله ما هتأخر بالله وافق بالله
ياسر : طيب يا فريده بس لو اتأخرتي هتكون اخر مره
لمي : متخفش عليها والله وحتي لو عاوز تيجي معانا وبدلع : تنور
ياسر ولم يلقي لها اهتمام : لاء شكرا
وبعد الغداء ذهبا لمي وفريده ليختارو ما ستلبسه فريده
لمي : وااااااو دي تحفه اوي
فريده : هي حلوه بس قصيره جدااا يا لمي لا بلاش
لمي : ولا قصيره ولا حاجه دي جميله جدا وشوفي البنطلون ده كدا عليها
فريده : لاء طبعا ده ليجن ازاي هلبسه علي دي انتي بتهزري صح
لمي وتمثل الزعل :خلاص براحتك يا فريده البسي ال يعجبك وانا مش هقولك رأي تاني
فريده : اااااوف طيب خلاص يا ستي هقيسهم حاضر
لمي بابتسامه :ايوه كدا دي ريده حببتي
لتردف : ااااه هو انا ممكن اسألك سؤال يعني
فريده : اسئلي
لمي : هو اخوكي مرتبط او كدا
فريده بضحك : لا يستي لا مرتبط ولا فدماغه الحجات دي وشايفها تفاهات
لمي :طب قومي قيسي قومي
فريده بضحك :طيب قومت اهو
وبعد ما انتهت فريده :ها ايه رئيك
لمي :وااااااو يا فريده تحفه بشكل فظيع
فريده : بس حساه قصير اوي مش عارفه
"التيشرت في منتصف الفخذين تقريبا "
لمي : لا بالعكس شوفي عليه الطرحه دي كدا
لن تنكر فريده انها اعجبت بنفسها كثيرا بداخلها ولكن بعض من تأنيب الضمير يجتاحها
لمي : بصي طلعي حبه من شعرك هيبقي احلي
فريده : لاء طبعا يا لمي وده كلام اخير معلش
لمي :خلاص برحتك يلا بينا
فريده : يلاا