مالم يكن في الحسبان''

البارت العشرين

رتال.انتضرنه نص ساعه واني ميت فكره ابالي وكل ميتاخر اكثر كل ما احقد حسيت نار بروحي مشتعله..

رتال.حسين يله ننزل..
حسين.يله ..
نزلنه ورحت للباب دفعته مقفول اتذكرت كالت بلسندانه باوعت منا ومنا ماكو اووف اشلون ادخل شو ماكو سندانه رجلي بقت ترجف وحدهه..
حسين فدوه اعبر وافتحلي الباب..

حسين.شبيج توته صدك تحجين ترديني اعبر على الناس..؟!

رتال.فدوه لا تردني اذا دكينه الباب راح يختل لو يطلعله عذر بلجيه اني اريد ادخل عليهم عفيه..

حسين.لا ما اكدر توته عذريني..
رتال.بجيت وتوسلت بي كوه قبل وطفر واني دكات كلبي تقره الف..
اشويه جان يفتح الباب الي دخلت طارمه جبيره وحديقه..
شكرا حسين ما انسالك فضلك..

رحت لباب الداخلي شفت السندانه دورت بيهه وحسين اتوتر حيل..
حسين.توته والله ناخذلج حقج لا اتدخلين وتسوينله مشاكل خلي نرجع..

رتال.لكيت المفتاح حسيت كولشي انتهه اشلون راح اشوفهم وشنو حالهم
ضعفت ماينطيني كلبي ادخل بعد اكوو مكان بكلبي بي عمر كعدت على الدجه ودموعي تنزل اخااف ادخل
الاخر لحضه قررت انهزم من كلشي
واعوفه على شنو اركض ورا واني اصلا ما اهمه...

حسين.خلي ايولي يله كومي نروح ..
رتال.كمت اروح وبقيت اتذكر من يكول يتبلون عليه..عايشه معززه مكرمه..بقيت بين نارين بين ادخل واشوف زوجي ابو جهالي بحضن الحيه وبين اطلع واخلي هو صاحب حق ومتبلين عليه..

قررت ادخل لازم اكشفه على حقيقته حتى ميبقاله عذر..حسين راح ادخل وشيصير خلي يصير..

حسين.توته تتاذين...
رتال.ميهمني بعد حتى اتاذه اصلا اتعودت على الاذيه منه ..
دخلت المفتاح وفريته بقيت كامشه اليده وايدي ترجف خايفه ومتوتره..

حسين بقه واكف بلطارمه واني دخلت جان مطبخ جبير..
دخلت للصاله شفت كدامي غرفتين رحت الاول غرفه جانت مقفوله من برهفريت المفتاح جانت يده سوده مثل كلب هند وعمر فتحتهه على كيف اباوع شفت جهالهه
نايمين وجوهم بريئه يتامى الزمن مارحمهم وابوهم راح من وره خيانة امهم بدوون متنفضح وضلت معززه مكرمه شنوو من حض لخااطر الله...

واكفه اباوع عليهم ودموعي تنزل..
جنت امطمط بلوقت خايفه اروح للباب الثاني والله احس ريكي نشف
وكلبي مجاي يستراح يركض ركض احسه راح يتعب ويوكف..

سمعته..اي هوو صوته متونس وياهه وصدى صوت ضحكته بلبيت من سمعت صوته وكع المفتاح من ايدي صار صوت فزيت وفز وياي
الطفل يباوع عليه مستغرب ومبرطم..

ركضت للباب وضليت ادك عليه بخبال
اطلعووووو لللك الخاااين العااار اطلع
ياحيف على اخويه الشمرررني عنددددك امده الساعه السوده الصرت بيهه مرتك ..