مالم يكن في الحسبان''

البارت الخامس عشر

الدكتوره.مبروك ماما راح يجوج توام...
رتال.هاا شنوو توااام شلون يعني باوعت على بطني واني مشدوهه .... ما اعرف شنوو شعوري صار خوف ومسوليه وهم كلهه التمت عليه واني على السديه بعدني...

الدكتوره.اي بنتي توام بس ديري بالج قللي حركه تره نازلين...

رتال.اااشكرا دكتوره مسحت الجل وكمت مصطوره يعني يجوني بعد اثنين اشلون اكدرلهم دراستي وغزوله
اشلون طلعت من الدكتوره لاكاني عمر...

هااا اشلونهه صحت الطفل....
رتال............؟؟!
بنيتي..الوووو اشبييج خيرر....
رتال.هاااهااا...
عمر.شبيج صافنه خير...
رتال.رفعت اديه وااشرتله طلعو اثنين موو واحد...
عمر.فتح عيونه ورفع حاجبه اشلللون يعني اشر بيده تووووم يعني ثنين جهال والثالثه غزوله...!!؟

رتال.نزلت ايدي ودنكت اي توم...
عمر.لااا بشرفج امشي نرجع لدكتوره نتاكد مامعقوله....
رتال.شبيك قابل اجذب عليك والله هيه كالت تووووم...
عمر.اكلج امشي نرجع نتاكد شبيج امشي...
رتال.رجعنه لدكتوره سئاله عمر وكلهه عيدي السونار عادته وتاكد فرح فرحه موو طبيعيه عكسي الخووف متملكني وين ادبرهم هو اني يرادلي تربيه انوب اربي اتلاثه يربي والله ما اكدر اشلوون...

عمر.دكتوره شنو جنسهم....
الدكتوره.واحد ولد والثاني ممبين عند كعدته على المقعد...
عمر.شكراا دكتوره تعبناج وما قصرتي..

الدكتوره.ادللوو...
رتال.طلعنه من الدكتوره وعمر يحجي فرحان واني صافنه بغير عالم يصيرون تلاثه يعني هسه غزوله من اتنام كوه اغفالي كم ساعه بليل واذا متنام اضل ابجي وياهه......

زين من يجون التوم اشلون اتذكرت من كالت هاجر من تزوجين انسي دراستج ومستقبلج هسه ذني اناجلهن بس من اتعب اريد انااام اشلون والله اني ما اكدر اذا ماا انام.....

عمر.رتااال اشبيج شنووو هذا...
رتال.هااا هااا شكوو...

عمر.شبيج بله متستحين تمشين وياي وعينج على الشباااب اني اعلمج بلبيت ونوب احاجيج مجاوبين.....

رتال.درت وجهي للمكان الصافنه بي لكيت الولد يباوعلي ويضحك اصلا مشفته الضاهر من جنت صافنه...
صفنتي عليه واني ماادري..

حبيبي والله ما منتبهه اله اصلا بالي يم التوم وصافنه والله مو يم احد بالي...
ضحك وكال اكلج حرت شسميهم...
رتال.بلعافيه عليك هو هاذ همك شتسمي كول اشلون انربيهم السهر تعبهم الرضاعه ضيمي منو يتحملني من اكعد اعيط وابجي...

عمر.اني اتحملج واتحملهم اشعندي غيركم من اني موجود اسهر عليهم ومن ماموجود امي تسهر وياج ما اخليج وحدج بنيتي....

رتال.انته تتعب وتنااام وتعوفني...
عمر.هااا يعني اني ممساعدج بغزوله احجي بضميرج....

رتال.ههههههه لاا والنعم منك ممقصر....
وصلنه للبيت وبشرهم عمر وهمه اتفاجئو وفرحو حيل خابرت امي وبشرته كامت اتصلي على النبي وباركلي اخواتي بس هاجر جانت نايمه هيه مخلصتهه نوم تشرد من واقعهه سوده عليه.......