مالم يكن في الحسبان''

البارت الثالث والعشرين

مشـــينـه وشوگنـــه بگدنـه

لگيـــنـه الدنيا مــا تنـــحب

حـــزن ودروب ما تنـطـــب

درب مكتــــوب بي نـــبچي

وحزن مـــكتوب بــي نتعب 💔

رتال.نمت بعد تفكير وتعب وصلت بيهه لنتيجه وحده مستحيل الي مثلي اتحب وتعيش غزوله ولينه ويوسف همه حياتي واعيش علمودهم بس..

......
سيف انته اهنااا جان واكف بطريق مفتوح لابس ابيض وشعره رافعه طالع يخبل..
شتسوي اهناا..
سيف.انتي شتسوين اهنا؟!
رتال.مادري..
سيف.رتال انتي اهنااااا...ياشر على كلبه ويكول اهنااا صرتي بعد...

رتال.ههههه بس اني واكفه بلكاع اشلون صرت اهناا..وكف وضل يتقدم عليه جرني وخلاني على صدره ودنك باسني من ركبتي حسيت جسمي قشعر دخل عطره انفاسي غمضت عيني وحضنته حيللل كمش ايدي ومشينه سوه بقينه نمشي بطريق  اهواي وكفنه يم طريق مسدود ردنه نعبر مكدرنه هو عبر واني بقيت اباوعله وهو حاول يجرني مكدر...

رتال.طفرت..بسم الله الرحمان الرحيم.. اباوع الغرفه ضلمه وكلهه نايمه صنطه بس صوت المبرده وضوى جاي من بره...
شنوو هذا الحلم هااي خاف مااريد افكر بي..
شنو من حلم باوعت على ايدي خليتهن على خشمي اشمهن ادور ريحته بيهن بس ملكيتهن..شسويتي بروحج رتال اشلون حبيتي بهل السرعه اشلوون...

كمت من فراشي  فتحت الباب على كيفي وطلعت كلهم نايمين..
رحت للمطبخ طلعت ماي وكعدت اشرب واتذكر الحلم اوووف اشلون حلو حضنه..استغفر الله منين اجاني هذا الحلم يربي اني عايزه هموم ومشاكل...

سمعت الباب مال الشارع انفتح طفرت اباوع من الشباك فتحته على كيف المطبخ اضلم  شفت سيف استغربت اشعده لهسه برى الساعه اتلاثه..

طلع جكاره شغلهه وخله ايده بجيبه الجو جان بارد وايده الثانيه معلكه بركبته انتجه على الباب ويباوع على الحديقه ويدخن..ضيعني كلشي بي ايصفن اباوعله والله نسيت كلشي واني صافنه عليه لا خفت احد يشوفني ولا شي..طلع الجكاره من بين شفايفه وكف عدل بسرعه باوع على شباج المطبخ..

.بسرعه دنكت خفت يشوفني ما اريده ياخذ نضره عني خفت حته امشي خاف يصير صوت ويعرفني اباوع..اشويه صار هدوء ..اكيد دخل ينام..وكفت اريد اسد الشباك..

توني وكفت على كيف جان اشوفه واكف بوجهي طفرت من مكاني وايدي على حلكي خوفني حيل ردت اشرد درت وجهي..

سيف.همس اوكفي رتااال بس احاجيج..
رتال.رووح فدوه لا يكعدوون اهلي فدوه روح اني ما اباوعلك بعد توبه بس روح والله اسفه العفوو فدوه لا تكول الاحد فدوه ...اجيت ابجي من الاحراج..

سيف. شبيج خايفه ترى محد يدري بيج اهنا بس من صوتج راح يعرفون ابتسم وباوع بعيوني بثقه...انتي اتحبيني.؟!....