مالم يكن في الحسبان''

البارت الواحد والعشرين

حسين.ادعوله توته اذا مات اروح بيهه..
رتال.نزلت ادموعي واحس روحي راحت اخوي اتورط منين اجتنه هاي المصيبه يربي..
حسين انشالله مابي شي الله يحفضك ويفرجهه عليك اشوكت تجي..
حسين.ما ادري ما ارجع لما يصحه واتطمن عليه..
رتال.انشالله مابي شي..سديته منه واني روحي رايحه..
زينب. ولج وكفتي كلبي شكوو؟!
رتال.حسين دعمله واحد وهسه بلمستشفى..

زينب.يمممه سوده عليه اشلللون دعمه غير ينتبه اشسوه بروحه يااارب فرجهه..على صوتنه التموو اخواني وكلهه درت بس امي جانت طالعه
كعدنه كلنه ندعيله والولد راحوله للمستشفى واحنه حتى غده متغدينه اذا صار بلولد شي اخوي يروح بيهه
حسوني ابو كلب الطيب...

هاجر.ياربي اذا صار انسجن حسين ودرت امي تروح بيهه والله اشلوون بينه الهي خلصنه وكومه بسلامه يااارب..
رتال.كولن يا الله بلكي الله يطلع منهه سلامات..
رفل.انشالله يخلص منين اجتنه هاي البلوه يااربي..

اشويه ودخلت امي تباوع بلوجوه شصاير يمه شكوو..
زينه.خاله ماااكو شي بس خطيه هذااا..
امي.شكووو لا تكعدين اتمتمتين شصاااير واحد من ولدي بي شيي..

هاجر.لاا يمه مابيهم كلهم زينين بس حسين ااا...

امي.ولجن احجن موتني شجاااجن راح يوكف كلبي شصااير..
امنيه .يمه حسين دعمله واحد وهسه بلمستشفى...

امي. شلوون يبوووووووي سوده بوجهي رااح ابني يمممه الحكينيي..صوفر وجهه وشفتهه بيضت وكعت كلوبنه كلنه خزرنه امنيه اشلون صدمتهه وركضنه جبنه ماي نغسللهه وهيه ترجف كلنه نبجي خايفين وندك على الولد ماكو..

امي.يمممه الولد راااح ربييي احفضه الي الهييي كل يووم واحد صاريله شيي حمل منوو اشيله ياهوو منهم ربي بجاه حركت كلبي هااي رده لي..
رتال.يمه لا يصير بيج شي على كيفج فدوه...
امي.ربي اني لا اسالك رد القضاء ولكن اسالك الطف فيهه ياااارب..

هاجر.يمه انشالله مابي شي الولد بلكي الله يطلع ابن اوادم وما يشتكي فدوه لا يصير بيج شي..

امي.شلوون اسكت ولج يمه ربيت وكبرت وتعبت تالي تاخذه السجون ولج يمه اموووت..
زينب.لا يمه يرجع خلي املج بربج لا تخيبين الضن بلكي الولد مابي شي هسه همه يجون ويطمنونه ..

للعصر اجو حسن وزيد تعبانين ومهمومين..

هاجر.هاا بشررو الولد اشلونه..

حسن. نزيف داخلي ورضوض بجسمه
وكفو النزيف الحمد الله بس بعده مصاحي..

امي.يااارب اتكومه سالم ربي لا تحرمني من احد منهم رررربي..

هاجر.اهله شسووو..

زيد.ماكو احد من اهله بس هو محد اجه ومنعرفله احد حتى تلفون ماكو عنده..

امي.سوده عليه يمه حسين شسويت اهله اكيد بالهم يمه ومحد يندله مكان
اشلوون بيهم...

حسين.يمه انشالله ماكو شي بس كون يصحه ونتاكد مابي شي..