تزوجتها_مراهقه

السادس عشر

#تزوجتها_مراهقه

《16》

قروب روايات العنود Beba Pink

رجعت جيداء لشقتها وهي بتخش للشقه .. قابلتها سوسن و هي نازله من شقتها الجديده .. جيداء لفتتها سوسن حستها متغيره و محنيه حنه عرايسيه .. نزلت سوسن و وقفت قدامها ..

سوسن : مافيش مبروك ع الزواج ؟؟
جيداء شبحتلها من فوق لعند لوطه و قامت حاجبها و فتحت شقتها و خشت وسكرت الباب .. بينما سوسن قعدت تضحك بصوت عالي
سوسن : عبيطه ههههههههه
و خشت للاصانصير ..

و جيداء سمعت صوت ضحكة سوسن العاليه و كلمة عبيطه اللي جت في ودنها ..
جيداء : هادي التافهه شنو يضحك فيها .. و شنو قصدها بكلمة عبيطه ..
شويه و سمعت صوت سالم جاي لجيهتها من الصاله ..
جيداء : امتى روحت الحمدلله ع السلامه ..
سالم قالب وجهه : الله يسلمك ..

قرب سالم من الباب يبي يطلع بس وقفه سؤال جيداء..
جيداء : وين طالع .. مزال ماشوفتك ..
سالم بنبره حاده : شنو بتشوفي فياا.. اختراع ولا مخلوق غريب ..

طلع سالم من غير حتى ما يسمع ردها و نزل لوطه لانه سوسن تراجي فيه .. بس هالمره ركب معاها في السياره قدام الناس .. كانو اللي في الشارع كلهم مستغربين كيف الشيخ سالم يركب مع المرا اهيا و هي سمعتها مش كويسه .. و اساسا كيف يركب مع مرا غريبه عليه في سياره وحده وهوا معروف بي سمعته و سمعة عيلته الطيبه قدام الناس ...

ركب معاها و هوا يضحك.. حبه و اعجابه بي سوسن عمو عيونه و خلوه يتجرأ يخلع قناع التدين شوي شوي و يطلع على حقيقته مش زي ماهو اموضح للناس ..
.....................................
جود مقعمزه ع الكرسي قدام المرايا و قدامها مكياجها و تشبحله و محتاره كيف تحط المكياج .. لانها بتمشي لحوش امالي مراد ... خش مراد القاها مقعمزه و مزال ما جهزت روحها ... وقف وراها و قعد يحرك في شعرها بين اصابعه ..

مراد : خيرها اميرتي ..
جود تشبح للمرايا : نعرفش انمكيج ...
مراد : و علاش تمكيجي ..كحله و روج يمشو الامور ..
جود رفعت راسها ليه ..
جود : لاا اني عروس ضروري نحط مكياج عرايسي 🥺

مراد ماقدرش يقاوم ملامحها و هي زعلانه ، نزل راسه ليها و باسها على خشمها ..
مراد : باهي كلمي جيداء تجي تمكيجك ..
جود : جيداء ماتعرف شي عن المكياج ..🥺
مراد : و المشكله اخت ماعندي .. ولا سلفه عندك .. شنو الحل توا ..
جود بصوت زعلان : اش عارفه😢 .. ما نبيش نمشي من غير مكياج ..
مراد : ضروري تملعقي يعني ..
جود تنرفزت: مرااااد ..
مراد : ههههه باهي باهي .. توا نتصل بواحد من صحابي المتزوجين اكيد زوجاتهم يعرفو وحده تجيك للحوش تمكيجك ..

جود وقفت فرحانه وباساته على خده : خيتيسلمه ياربي ..
مراد : هههههه .. اخرتك يامراد قعدت تدور في المزينات ..
جود قربت وجهها لوجهه و قرصاته من خدوده : حياااتي انت من عندي غيرك اني ..
مراد قربها ليه اكتر: نقولك حاجه خلينا نفوتو الطلعه و نقعدو في الحوش افضل ..
جود بعدت شوي : ههههه لالااا عيب يراجو فياا..
مراد غمزلها : باهي و اني ..😉
جود غمزتله: مروحتلك 😉
مراد : هههههه باهي توا نتصل و نجيبلك مزينه لعندك..