#تزوجتها_مراهقه
《18》
قروب روايات العنود Beba Pink
التمو الجارات في شقة وداد .. وصلت سوسن و هي بكامل اناقتها .. يشبحو فيها الضيوف و يتهامزو عليها .. و يتذكرو في جيداء لما لزتها .. كانت سوسن مقعمزه و مره مره تجي كلمه في ودنها .. تبتسم و تتلفت للباب تراجي في جيداء امتى توصل ..
لحظات و خشت جيداء .. سلمت ع النسوان و اول ما وصلت في سوسن .. شبحتلها من فوق للوطه و تخطتها مابت تسلم عليها .. و سلمت على الباقيات ..
بس سوسن وقفت و ابتسامه خبيثه على وجهها ..
سوسن : معقوله ضرررتي ماتبيش تسلم عليااا ..
لحظة صمت و هدوووء حلت على على مكان ..
جيداء تلفتت في سوسن تستوعب في كلامها اللي مزال مافهماته لانه زواج سالم من سوسن شي ماخطرش على بالها بككل ..
نظرات عدم الفهم و الاستغراب كانت في عيون جيداء ..و نظرات الخبث و الانتصار كانت في عيون سوسن ..
جيداء : انتي شنو تقولي ؟
سوسن : معقوله لحد توا مافهمتيش من تلميحاتي .. لحد توا ما استوعبتيش من تصرفات سالم ومعاملته ليك ..
جيداء قربت منها و جسمها كله يرعش : ششنو تقولي .. سالم شنو ..
سوسن :ماهو لانك عبيطه و درويشه .. سالم تزوجني عليك يا مضحكه ..
جيداء تشبحلها و ترعش و مش مصدقه كلامها و مش مصدقه انه سالم يديرها ..
جيداء بصوت مرعوش : سس سالم اللي ززيك ما يشبحلهمش سس سالم ..
قاطعتها سوسن : اللي زيي رقت عليك زي ما يرقى الزيت ع الميه .. اللي زيي فضلها عليك و جابها عليك ضره ..
جيداء مزال مكدبه مزال مش مستوعبه حست روحها و كأنها بتطيح من مكان عالي ..
طلعت سوسن تليفونها و اتصلت على سالم و حطت على مكبر الصوت ..
سالم : ايوا حبيبتي ..
سوسن : حبيبي استاحشتك .. تعالى لشقتنا .. جيداء قاعده في العزومه .. هيااا حبيبي
سالم : دقييقه و انطير لعندك حياتي ..
سكرت سوسن ..و جيداء .. خانتها صحتها و ماقدرتش حتى انها تلبس قناع القوه قدامهم .. اغمى عليها ومعاد وعت لشي 💔
اتلمو عليها الجارات و مابوش يتصلو ب سالم .. خدو تليفونها و اتصلو ب بوها و جت زينب معاه .. رفعوها للمستشفى .. و الدكتور قاللهم انه السكر ارتفع عندها و خشت في غيبوبه ..
................................
كانت جود مقعمزه ع التلفزيون تتفرج على غامبول .. جاها مراد قعمز جنبها ..
مراد : حبيبي شنو يدير ..
جود : نتفرج على غامبول ..
مراد : هادي الرسوم المعاقه ..
جود : خيرها ؟؟ .. حلوه و تهبل ..
مراد : امالا كان تشوفي الرسوم على ايامي شنو تقولي .. روبن هود و هزيم الرعد .. شكلهم زي المخلوقات الطبيعيه ..مش زي توا ماتعرفيش شنو فصيلتهم ..
جود حطت يدها في نصها : مانسمحلك تتكلم عن غامبولي حبيبي ايوااه ..
مراد قرب منها : شنوو ..
جود مبتسمه : غامبولي حبيبي ..
مراد : جووووود 🔥
جود : نعم ..😌
