نظره واحده للحب لا تكفي

الجزء الثاني

الاب...
رحنه وراه للمكافحه وخلينه ٣ محامين الهه بس كلشي مفاد لان مجان اكو اي دليل ضدهم والقاضي وياهم احنه موقفنه ضعيف بلقضيه

ومرت الايام سوده من دون ابني والمشكله انه هو بريئ وما مسوي شي

بيوم ٢٠١٤/١١/١٤  جان يوم المحاكمه مالته  وانحكم ابني ١٥ سنه ظلم

اختنكت واحس الدنيا صارت سوده بعيوني يا ربي ليش شمسوي اني بحياتي والله عاقبني باعز ما املك بابني

وشكل عندي ضغط قوي بقه فتره صاعد بس ما بيدي اي شي عليه غيرر

حسبي الله ونعم الوكيل على كل ظالم

الام... نصدمت صدمت عمري هذا وليدي وقطعه من كلبي الي ياذي ياذيتي والي يحبه يحبني يا الهي ارحمني وارحم هلولد المسكين

وارحم شيبتي وشيبت ابووه يا رب طلعه سالم غانم وكحل عيوني بشوفته

دخيلك يا ابو فاضل هاي شده ومحد يحله غيرك  وضليت مده اني مثل الفاقده بس ابجي واندعي وحتى مرات انسى نفسي وانام على سجاده الصلاه

وبقت حالتي من سيء الى اسوء بس الشي الي جان مهون عليه انه هو قريب عليه شوكت ما اشتاقله واحن لشوفته اروحلهه للسجن جنت كل اسبوعين اروح للسجن حتى اشوفه

الاب... بعد ما رضينه بالامر الواقع كمت ادفع فلوس للضباط في سبيل يضل قريب عليهم ومحد ياذي وجنت كل اسبوعين اروحله للزياره واخذ المره وخواته وياي من يوم الراح لليوم واني حياتي سوده مصخمه

يا رب نجي هو وكل مظلوم

حسبي الله ونعم الوكيل

اكرم... بعد ما نحبست ورضيت با لامر الواقع مرت كم شهر والوضع عادي كما هو اهلي يجوني كل اسبوعين من اشوفهم ولمن يطلعون همه عيونهم مغوركه بلدموع
ما اعرف حظي قسمتي حظ اهلي وبابا جان ينطي رشوه للظباط في سبيل يبقوني قريب منهم الا ان بيوم من الايام اجت اوامر انه اني لازم انتقل لغير سجن وخيروني يا سجن الي احب انتقله

اني جنت سامع ومتاكد ١٠٠٪ انه سجن العماره احسن شي ع مستوى العراق دلال واكل احسن اكل وحتى اجهزه موبايل موجوده وبكثره عدهم هناك

ساره... من راح اكرم وبعدين نقلوه لغير سجن بقينه نروحله كل ١٥ يوم ونسوك اشكال والوان  بحيث احنه كل اسبوعين ٢٥٠ بس مسواك اكرم وحتى يبقى مرتاح ومحد ياذي غير الفلوس الي تبقى بجيبه

اشوف بابا وماما يوم عن يوم يذبلون من الهم والقهر والاذيه هذا الشي اخذ منهم هواي طاقه وتعب بس ما نكول غير

حسبي الله ونعم الوكيل

وجانوو الكل يحبه ويحترمه وما عنده اذيهه ع احد والكل يكله سيد مع انه احنه مو ساده