نظره واحده للحب لا تكفي

الجزء الخامس

ساره..

بعد ما عرفن خواتي كامن يلومون بيه لان رجعت علاقتي بيوبنفس الوقت يهدون بيه

بس كلبي ناغزني ابد ممرتاحه ومفجوره بلبجي

ثاني يووم وره ما راحن خواتي اتصلت عليه ماكو محد يرد مره واثنين وثلاثه ماكو وزاد خوفي وقلقي عليه

ووره شويه رجع اتصل عليه بس الصووت غريب مو صوت امجد كتله منوو

كال...

اني اخوو امجد مسوووي حادث من البارحه وهسه هو بصاله العمليات

كمت ابجي واتوسل بي ينطيني امجد بس اسمع صوته

كال..

ماشي بس يطلع اتصلل عليج وعد مني

ووراه انتضرت ساعتين ورجع اتصل كوووه يحجي كلي

امجد...

لا تخافين عليه حبيبيتي ما بيه شي  لا تبجين بجيجج ياذيني بلزايد  انتي بس ادعيلي واني ما بيه غير العافيه

ساره

اني من كلي هيج انهاريت من البجي

مررت فتره اعتبرره اسوء فتره بحياتي كلهه بجي وسهرر ودموعي وما عندي كل شهيه للاكل ولا للشرب ولا لاي شي تعبت حيل تعبت

شويه شويه رجعت صحته كمنه نتواصل اني وياا يوميه خلال هااي الفتره كاام حتى يجيني للبيت وره ما ينامون اهلي

جان يكلي  بفتره الي تعاوفنه بيه جنت اجي اوكف يم بابكم اشوفج من بعيد واروح بين فتره وفتره

من رجعت علاقتنه بقينه فتره يوميه نتشاوف ياما يجينه للبيت ياما اطلع وياا نفتر

ومره من المرات خليت مشهي وي الاكل حتى اهلي ينامون من وكت وهو يجيني للبيت ونضل وكت اكثرر

طبعاا اخوتي ما موجودين بلبيت بلحشد واهلي اذا ناموو ميكعدون بسهوله

امجد...

يمكن احسن شي سويته بحياتي انه تعرفت ع ساره وحبيته من كل وكلبي وادري بيه هي هم تحبني من كلبه فد يوم من الايام جنه طالعين اني وصديقي بسياره وسوينه حادث والحمد لله عدت سلامات

وعلاقتي هواي تحسنت بساره بحيث ميمر يوم اذا ما اشوفه بي مجنت اتجراء اطلب منه شي يا دوب الزم ايده بس منتضر لمن تصيرر حلالي ذاك الوكت كلشي اريد اسوي

يا رب يجمع كل حبيبين

ومرررت الايام والاشهررر واجت الامتحانات الوزاريه وجاان امتحاااني بغير منطقه مووو نفس منطقتي جنت اروح وي صديقاتي وامجدد يرجعني

جنت ادخل للامتحان ب٨ وب٩ اسلم الدفترر واطلع حتلووو ما اجاوب الكه امجد منتضرني نروح نفترر ونتمشي يوم مطعم يوم مول