نظره واحده للحب لا تكفي

الجزء الخامس عشر

سااره....

شبكت امة وابجي هي كالت اروح احجي لاخوتة 4 اشهر زين رحمة لاتبجين بسرعة يكظن راحت هي حجت لاحمد

وهو بسرعة عاط بيها احمد يا 4 اشهر ابنج سنة نحكم وفلوسة اكلوها المحامين

وهي كام تبجي وتلطم ودعي عليه لان جذبت عليها بس فهمتها امجد خاف عليها وكلي كولي هيج

امجد....

رحت للمحكمه كلت بلكت تصير منا منا وتدبر واطلع بلسلامه

رحت للمحكمه اني واخويه حليم ما خليت لا امي ولا ساره يجوون خفت عليهم

متنراد المحاكم بس شسوي الي من ايده الله يزيده

ساره...

خابروني اهلي كالو زوجج انسجن بعد شكو باقية بيتج ارجعي يمنا اهناك ناس غربة وتتولاج اني من حركة كلبي من ماهر مارحت الهم

كتلهم ابقة بيتي معززة مكرمة ولا اذل نفسي لاحد لان قبل لاينسجن امجد جنت عنداهلي

وجاي نتغدة اكرم وماهر يحجون على الفلوس والمناصب والي تبيع نفسها والعاهرات فدخلت وياهم بالنقاش جان ماهر بسرعة يصير عصبي وغلط عليه اني هم رجعت غلطت عليه

انجب لك شنو اني ك... وتكلي هيج هو كام سحلني من شعري رفستة بطنة اني وهو نام عليه كسرني تكسر كوة سحلة اكرم اخذة حبسة بالغرفة

وظل ماهر يصيح الك.. مرة ابو الحبوب المكبسلجي روحي للخيسة مالتج روحي لميت ملابسي وردت اخابر حليم احمد يجون ياخذوني بس اكرم ماقبل

وهم قفل عليه باب الغرفة بقينة مانحجي اني ماهر وهاي صار شهر على الحادثة فحلفت ما اروح لاهلي بعد

المهم بقيت بيتي اول 3 ايام لا اكل ولا اشرب وحتى يم عيالي ما اطلع حابسة نفسي بالغرفة وابجي

عمتي ظلت تلح تعالي يمنة تعالي نخاف عليج وحدج وانتي مريضة لايصير شئ ونبتلي فكمت يومية العصرية اروح يمهم

اشوف اهلة كلهم محد مهتم لسجنة بس امة تبجي بعد سبوع من سجنة كعدت اذكر شسوة بية شلون دمرني وحطمني هو سبب بكلشي وصلت الة اني فقررة انساه ما اذكرة ابد

امجد...

كضيت اتعس ايام حياتي واني مسجوون اووف يا ربي الحريه

جانت الزياره والاتصالات كل اثنين وخميس

مرت ايامي عاديه وكل الايام متشابهه ورتين والضباط ميرحمون بواحد

ساره...

وفعلآ بديت اتغاضة كلشي وما اذكرة واشغل اغاني واركص وحدي
وادخن جكاير هو جان عندة جكاير اهواي بالبيت