نظره واحده للحب لا تكفي

الجزء الثالث

ساره...
خالي ابن خالت امي يصير شيخهم وامير القبيله  يعني بعد ما اكدر احجي وياهه خفت

كتله اعتذر منك ما اكدر بعد احجي وياك

امجد...
لا عفيه ليش والله حبيتج ما اضحك عليج وعد مني نتزوج بس نتعرف اكثر

ما عندي اي غايه وياج والله صدكيني

ساره...
عطت بي وكتله شحبيت بيه هو انته توك عرفتني شحبيت مني هاا مصار نص دقايق من حاجيتك

امجد...

راح اعرفج اكثر عني وعد

كم يوم وادزلج خط مشترك حتى نحجي براحتنه  بدون تكاليف مال رصيد

ساره...

كتله اووك

وبقينه نتراسل ٤ ايام  كلش حبيته عجبتني شخصيته ورزانته  وشخصيته المرحه والمحبه  وبخلال هاي الايام كتله عن اسمي الحقيقي وكتله سبب رفضي الهه جان كال بسيطه اصلا طلعنه كرايب

طبعاا بهاي الفتره صرت ما اكعد وي اهلي هواي اغلب الوكت منعزله وكاعده وحدي فشكوو اهلي عندي شي لان متغيره بقو يراقبوني

طبعاا اني مجان عندي جهاز بس هذا الجهاز مال اكرم اخووويه

ووره ٥ ايام اجه امجد للبيت مالتنه حتى يذبلي الخط (سيم كارت) من فوك  الباب ويروح  كتله اوكف لا تروح رحت جبتله قران زغير ووياه حرز التاج مديت ايدي وانطيتهياه طبعاا جانت الدنيه ب٦ الصبح ورمضان فلكل نايم  

كال اني راح التحق ب١٢ الضهر اتوكل ادعيلي

امجد..
اول مره الكي هذا الاهتمام من اي شخص اعرفه عمري وحياتي محد مهتم بيه هلكد وحسيت بخوفه عليه من انطتني القران وحرز التاج يا ربي شنو هاي من بنيه عسل وربي

ضليت اتخابر وياهه يوميه وحيل طيبه و حبابه حسيت نفسي ملكت الدنيه كلهه بيه ما اعرف شلون اوصف احساسي لان من علامات التوفيق الرباني انه ينطيك شخص نيته صافيه وما عنده خباثه والي بكلبه ع لسانه
...

الام...

يلا خلي ننضف البيت ما بقه شي للعيد بس يومين تعالو بنات ساعدوني ولزمت الغرف الفوك والغراض كلهه صفيته وجان الكهه جهاز اكرم ومفتوح فتحته وشفت هاي المغضوبه ساره تحجي وي ولد حبي وعمري وحياتي فكلت لازم اربيه وصحت لاخوه الجبير محمود هي ما ادري وين جانت

محمود... محمود...

محمود..

ها يمه شكو شبيج تصيحين صوتج طالع شكو شصار ليش هيج

الام...

شوف هاي اختك الي ما مربايه تحجي وي واحد الا تطيح حظه ليوم هاي وحده عار وراح تخلي راسنه كلنه بلطين اذا نسكت عنه