نظره واحده للحب لا تكفي

الجزء الرابع عشر

ساره

بعد كم يوم اجني صديقاتي يتغدن عندي امجد شفتة جاب سمج والفواكه والحلويات ومهتم كلش خفت منة تغدن وراحن

بعد يوم خابرتني وحدة منهن كالت سارة اعذرينة بعد مندخل بيتج زوجج تحارش بينة ومنكدر نحجي كمت ابجي والطم فشلني وي الناس كلها

كم يوم شكيت الازهار من علاقتة بنرجس كالت اني اصرف هي خابرت بنت عمتي الجبيرة عاتبتها بنت عمتي خابرتني بسرعة سب وغلط وفشاير وووو

انتي تكودين لرجلج اني كمت ابجي وتخربطت امجد يمي اخذ التلفون تعاركو هو وياها يكلها اختج ذبت روحها عليه

وهي تكلها انتة المهم خلصت عركتهم اخذني للمستشفى تعبت من هل وضع ومرات اتعارك كلش ومرات اسايرة حبيبي وعمري وكلبي واللبس وادلع

ومن اطلع البس ارقى شئ ومكياج في سبيل محد يحس تعبانة المهم فتحت مجرة مخلي هو بيها اغراضها وامستمسكاتة

امجد....

يوميه مشكله ويوميه عركه وكلساع شغله اخرر شي سالفه نرجس

هي الي غوتني وذبت نفسه عليه وكالت ساره متفيدك واشكال والوان وطلعوو ساره الي غلطانه طبعاا اني مسكتت ورديت الكلمه بعشره

ووراه بفتره اجت ساره تعاركت وياي جنت اشيل خرز واحراز مال محبه

جانت يمنه وحده رحتله سوتلي حتى ترجعلي ساره وغصبن ما عليهم اتزوجه

ساره....

مره ارحت  للإمام علي واني ازور واندعي
تعبت من الوضع امة يوم والثاني هادة عليه وتتعارك وياي

وهو بعد انكس بالبيت التحق للجيش مثل كل مرة انضف البيت واعزل كلشي وابدل يجي بابا ياخذني لاهلي

رحت الهم ثاني يوم حضرت جنطة بابا واغراضة ودعناه سافر للهند اخذ مرضى ممتعودين نكعد بالبيت مانطلع ابد

كلت لامي ضوجة خلي نزور الامام علي عليه السلام رحنة من الكراج عبرية بس اني وياها ب8 الصبح زرنة وصلينة صلاة الظهر جماعة

وطلعنة تغدينة بالمطعم ورجعنة للصحن للعصر نطلع للسوك ومناك نرجع فكاعدة

ابجي بالصحن وحيل مقهورة على وضعي لا اني للسما ولا اني للكاع محد يعرف شبية حتى احلام مو مثل قبل من اشكيلها شئ واطلب نصيحتها تظل تتنمر وتحجي كلج طاقة سلبية شكد نكدية

  بالرغم اني لليوم ما بينت حزني لاحد ابدل واكشخ واضحك بس مابين حزني وضعفي وناس تشمت هو هذا الي رادته وعارضت الكل عليه

المهم اجت مرية حلوة عمرها بالاربعينات هيج كالت تفرج لاتضوجين انتي مو سارة بنت فلانة كتلهة اي خالة اهلا تفضلي كالت شلونج كتلها الحمد لله معرفتج بلا زعرآ بيج