نظره واحده للحب لا تكفي

الجزء الرابع

ساره...

مرت سنه ونص ع سالفتي وي امجد واني بهاي الفتره ابد ما نسيته يوميه اطلع الورقه الي بيه رقمه الي انطنياهه اباوعله وارجعه ضامته بكلبي اصلا ورقمه حافظته انسى كلشي بحياتي الا هو ابد ما انساه

طبعاا هسه احنه ب٢٠١٦ وجانت الدنيه شته والهوه يكص كص كد ما بارد

احلام اختي انخطبت  داجهز لعرسها فردنه نطلع للسوك حتى تكمل شغلاته واجت ازهار ويانه

المهَم اول ما وصلنه للسوك جان اشوف واحد كاعد بباب المحل وياهه صاحبه يعامل ابو المحل ع الاسعار وركزت عليه جان اشوفه امجد

حسيت كلبي يريد ينشلع من مكانه كد ما بدهه يدك قوي يا ربي دخيلك صبرني صح جنت ادعي ليل ونهار اشوفه بس هيج راح انفضح خواتي راح يعرفن هذا امجد

وضليت ادعي يا رب استره وياي

حينما نشتاق نشعر أن الكون على ملئه ما هو إلاّ فراغ قاتل، وروحك حينها تكون في جمع آخر ودمعة تسيل، وشمعة تنطفي، والعمر دونك يختفي، ومن دونك قلبي ينتهي فعندما نشتاق لشخص ما، نتمنى لو كانت كل الوجوه من حولنا تحمل ملامحه وإذا لم تجمعنا الأيام جمعتنا الذكريات، وإذا القلب لم يراك، فالعين لن تنساك وسأظل أحبك، ولو طال انتظاري، فإن لم تكن قدري، فأنت اختياري

عيوني فضحتني بس ودي ابجي تمعنت بي جان لابس تراك ازرك هو شافني وصاح سيد اني مشتاق كلش اني حصرتني العبره وخفت خاف خواتي يحسن عليه وترجع المشاكل

امجد...
طول هاي السنه ونص يوميه تجي ع بالي عمري ما تعلقت ببنيه كد ما اتعلقت بيه

هو اني شفته واحس روحي ردتلي وجان اصيح بصوت عالي سيد مشاق

هو اني بس حجيت هيج غيرت طريقه وراحت دارت وجهه عني عبالك مطايقتني بس اني تبعته وضليت امشي وراهه الا ان تاهت عليه 

جنت اتمنى لو ارجع وياهه لو اسمع صوته لو احظى بيه اصير اسعد رجل بلعالم

ساره..

مرت اربع شهور ودخلنه ب٢٠١٧  جان زواج احلام
طبعاا من يوم الي شفته لليوم ياكل ويشرب وياي زين مني ما اغلط باسمه بلبيت

جنت متردده انه اتصل عليه كلش تالي قررت اتصل واستغليت انه الكل ملتهي بزواج وامي وخواتي ملتهيات وي احلام والخطار

ردت بس طفيف امل اضل بي او بس اسمع صوته حتى ارتاح متت من الشوك ذبحني

اتصلت دك دك شالهه

امجد...

هواي حاولت انساه بس ما اكدر ما اتخيل حياتي بدونه هي الي تصير مرتي وام جهالي جاانت هي مرتي باحلامي الورديه لان اذا اصحه ع الواقع وما الكاهه ما اتحمل مرارته