Biography

4- لغز رحيل السندريلا *الجزء الأول*

- ياعم دى انتحرت عشان وزنها
= لا لا دى صحبتها قتلتها عشان الفلوس
- لا دى المخابرات هى اللى قتلتها يا بابا

بس بس بس ، هو قمااار ، انتو هتتخانقوا ولا ايه .. انا هقولكوا ايه اللى حصل وانتو تحكموا ونشوف كلام مين اللى صح ، اوك؟؟
يلاا بيناااا

سعاد حسنى ، أخت القمر زى ماكانوا بيقولوا عليها. سندريلا الشاشة 💙
كل دى أسامى اتسمت بيها الضيفة بتاعتنا النهارده. بس عمرك فكرت هو ايه اللى حصل ليها ؟ وايه اللى يخلى نجمة جميلة فى أوج شهرتها ترمى نفسها من الدور السادس وتنتحر ؟؟
طب ماتيجى ندردش شويه فى الحكاية دى وبالمرة تعرف كام معلومة عنها ؟

..
..
..

فى 26 يناير 1946 فى حى بولاق اتولدت سعاد محمد كمال حسنى البابا من ام مصرية واب شامى من اصول كردية.

  بس فى مصادر تانية بتقول انها اتولدت فى الشام وجت على مصر وهى عندها سنتين 😑؟؟

ولا كأنى سمعت حاجه تعالوا نكمل 😆

سعاد كان عندها 16 أخ وأخت وأشهر أخواتها من الأب الفنانة نجاة الصغيرة.

ضيفتنا بقا بدأت الفن وهى عندها 3 سنين فى برنامج للأطفال اسمه بابا شارو .. ايه متعرفوش بابا شارو ؟
بتاع يلا حالا بالا فالا حيوا ابو الفصاد تن تن .. ايوة هو دا بابا شارو😣

أول أدوارها الرسمية كان باللغة العربية الفصحى فى دور أوفيليا فى مسرحية هاملت لشكسبير
وبعد كدا عملت حسن ونعيمة وكان عندها 16 سنة

تاريخها كان حافل بالأفلام وعددهم 91 فيلم طبعا لو زودنا فيلم أفغانستان لماذا اللى هى مثلته بس اتمنع من العرض لأسباب سياسية ومصر مبتحبش الشوشرة ☺

وعندها مسلسل واحد و 8 مسلسلات إذاعية.

..
..
..
تعرف سعاد اتجوزت كام مرة ؟؟

5 مرات

منهم مرة متحددتش غير بعد ماماتت ، اول مرة واللى متحددتش دى كانت اتجوزت عبدالحليم حافظ بعقد عرفي لمدة 6 سنين والعقد دا مخرجش للنور الا بعد وفاتها وخرج على ايد اخت سعاد *جانجان*

والمرة التانية كانت اتجوزت صلاح كريم و دا وقت تمثيلها فيلم المغامرون الثلاثة واتجوزوا سنة وانفصلوا

المرة التالتة كان أثناء تصوير فيلم نادية ، اتجوزت على بدرخان وكان بمثابة الاب والاخ والصديق ليها زى ماكانت بتقول بس انفصلوا بعد 11 سنة جواز.