Biography

10- أمينة المفتى

الحوار النهارده طوييييل ليفل التنين المجنح بس انا قررت انى اكتبه فى بارت وااحد بس

يلا اشكرونى ؟؟ اتس اوكاى يجماعة من غير ماتصقفولى

قبل أى حاجه فى تلت معلومات لازم تعرفهم عن أمينة المفتي

أول حاجه هى كانت جميلة جدا وجامدة جمودية الجمدنة ، و دا خلاها تنافس على لقب أشهر جاسوسة فى العالم ، دا يعلمنا ان الانسان مبيخدش كل حاجه فى الدنيا بس للأسف المصادر مرضيتش تديني صورة ليها عشان السرية و عشان حاجه كمان هنعرفها تحت.

تانى حاجه ان هى كانت كاتبة مذاكرتها ودا نستفيد منه اننا منكتبش مذاكرتنا لأن بعد مانموت بتقع فى أيد اللى يسوى واللى ميسواش ويقعدوا يعملوا بارتات وحاجه آخر مسخرة وقلة قيمة.

تالت حاجه ءءء مش فكراها ودا نستفيد منه انى لازم أجيب دواء لتنشيط الذاكرة او حاجه

أمينة المفتى اتولدت فى عمان الأردن وكانت من أصول شركسية.

أنا معرفش يعنى ايه أصول شركسية فاللى يعرف يقولى لأنى كنت فاكرة ان شركسية دى حلويات زى السمسمية كدا😂

كانت بنت ناس اوى وابوها كانت تاجر مجوهرات ومامتها عاملة دراسات عليا وبتتكلم أربع لغات وعمها كان لواء فى الجيش وهى كانت آخر العنقود والدلوعة بتاعة البيت وكان فى الوقت دا طالع موضة ان ولاد الناس يكملوا تعليمهم الجامعي برا

فقالت لابوها..بابا ممكن أروح فيينا أكمل تعليمي..قالها طبعا يا حبيبة بابا انا عمرى منعت عنك حاجه؟؟

فعلا سافرت وقعدت فى سكن الطالبات وكانت شريكتها فى الاوضة اسمها جولى باتريك.

للحقيقة البنت جولى دى كانت فى قمة الاحترام والأدب وكانت دايما تحذرها وتقولها .. أمينة اوعى تعملى علاقة مع أى راجل

قالتها أومال اعمل ايه؟ قالتلها تعالى اعملى علاقة معايا انا

وعلمتها الشذوذ الجنسي والتدخين والمخدرات وكانت بتطلب زى ماتطلب.

وقالتلها طالما كل دا in public و no Feelings ..So What؟؟

وفعلا دخلت فى علاقة غير شرعية مع جولى باتريك.

قوم لوووط

وفى الوقت دا حبب إلى قلب أمينة كل حاجه غير شرعية.

بعد أربع سنين أخدت بكالريوس طب نفس وبعدين رجعت الأردن وهناك لقت كل حاجه كانت شرعية اوى وازاااى انتو عايشين كدا.