Biography

3- ملكة الدم +15

حفيدة دراكولا .. عمرك سمعت عنها ؟
مسمعتش ؟؟
طب تعالى اقولك اناا بقا

أولا كدا قبل ما تقرأ ، الجزء دا فى كلام عنيف شويه وأساليب تعذيب عمرها ماتخطر على بالك فأنا هعملها بخط غامق عشان اللى بيخاف ميقرهاش اوك ؟؟

تخيل معايا كدا أنك فى القرن ال16 وواقف أنت وصاحبك بدردشوا و بتتكلموا عن أشرس وأعنف واحدة فى التاريخ أو فى الوقت دا .

كونتيسة الدم أو مصاصة الدماء ، أشتهرت انها مصاصة دماء فعلا وعملت حاجات محدش يتفوق عليها غير جدها دراكولا.

إليزابيث باثورى ، اتولدت سنة 1560 وكانت بتتميز بجمال وثروة وتعليم ممتاز ومكانة إجتماعية رفيعة زى عيلتها.

عيلة باثورى اللى حكمت ترانسيلفيانيا كإمارة مستقلة فى مملكة المجر

العيلة دى كان ليها سمعة سبقاها الحقيقة ، بسبب سلسلة الأعمال المنحرفة اللى كانوا بيقوموا بيها بداية من مؤسس العيلة الحاج دراكولا.
وعم إليزابيث اللى كان بيقول على نفسه أنه عبد الشيطان المطيع.
وعمة إليزابيث *كلارا* اللى كانت مثلية الجنس وبتتفنن بتعذيب الخدم.
وأخ إليزابيث *ستيفان* اللى كان مدمن خمر وماريجوانا
وأبوها وأمها اللى كان معروف عنهم أنهم مجانين فهما كانوا بيبقوا عاديين بس فجأة تلاقيهم بيضحكوا أو بيبكوا بدون سبب ودا غالبا لوجود خلل ما فى الدماغ.
يعنى بسم الله ماشاء الله عيلة تشرف أى مجرم بصراحة.

ويقال أنها شافت أبوها بيقتل طفل مولود وكمان شافت المزارعين بيغتصبوا أخواتها قدام عينها وهى عندها 9 سنين بسبب ثورة كانوا عملوها وأقتحموا القصر ، وربما الطفولة القاسية دى هى اللى أدت للسلوك المنحرف العنيف لها.

ضيفتنا النهارده وهى عندها 11 سنة اتخطبت لواحد اسمه فيرنتس نادوشدى وكان من عيلة أستقراطية تانية من المجر ، لكن بعد سنتين أنجبت طفل من عشيق من طبقة أدني
*دا كله ومكنتش لسه وصلت لل13 سنة ، ايه الجحود دا يابت*

الأخبار دى لما وصلت لخطيبها ، خطف الراجل دا و قام بإخصائه 😢 وبعدها رماه لكلاب الحراسة المتوحشة اللى قطعته حتت ، أما الطفل اللى كان بنت أخفى السر دا عن الناس

إليزابيث اتجوزت من نادوشدى وهى عندها 14 سنة وعاشوا سوا فى قلعة من قلاع نادوشدى فى المجر.

جوزها دا كان أول واحد يعلمها أساليب التعذيب قبل القتل وكان بيعلمها عملى مش نظرى ، فكان بيخليها تقطع أطراف وأوصال وروؤس الأسرى الأتراك.

نادوشدى كان بيلاحظ استمتاعها وابتكارها لأساليب جديدة فى التعذيب ، ولما سافر بعيد عنها بسبب ظروف عمله
لقت نفسها بتميل للفتيات وبتجد فيهم شهوة عن الرجال فكانت بتمارس الجنس مع الخادمات الصغيرين وبعد كدا بتعذبهم وتقطع لحمهم و أحيانا تحن عليهم وتدفنهم وأحيانا بتبعت اللحم لمطبخ القصر يطبخوه ويوزعوه على حراس بوابة القصر والمزارعين والفراشين بتوع القصر.