أنت تقدر تعيش يا حلو ؟ أنتى تقدرى تعيشي ؟ مفيش حد يقدر يعيش من غير جواز خالص ، أنا نفسي مقدرش أعيش من غير جواز 😂 هنبقي زى الديناصورات هننقرض مينفعش
أنت متقدرش بس فى غيرك يقدر ، هى مين ؟ تعالى أقولك...
إليزابيث الأولى ، كانت ملكة بريطانيا اللى رفضت الجواز طوال حياتها وأمرت أن بعد موتها محدش يشوف جسمها وأوصت بكدا
شفت بقا أن فى ناس تقدر *رفعة حاجب*
إليزابيث كانت ابنه الملك هنرى الثامن اتولدت سنة 1533 واستلمت عرش بريطانيا سنة 1559 يعنى كان عندها 26 سنة بالتمام والكمال ياللى قاعد بتهرش فى رأسك
فترة الحكم بتاعتها بقا كانت مزدهرة وفى غاية الغنى والارتياح للشعب ، هى اللى أخرجت الغزو الفرنسى والاسبانى من دولتها ، وكان عندها علاقات دبلوماسية مع عدد كبير جدااا من الدول منها الدولة العثمانية سيبكوا بقا من كلام التاريخ والجغرافيا دا وتعالى أقولك حياة إليزابيث كملكة ، شئ عادى أن الشعب يعرف كل حاجه عنها ونامت الساعة كام والكلام دا .. لا لا الكلام دا مكنش بيحصل خاالص
حياتها الشخصية كانت لغز لحد النهارده ، كتير جدا من الحكام والأمراء الوسيمون القمرات من أوروبا اتقدموا لخطبتها بس هى رفضتهم كلهم دون مبرر وكانت أحيانا بتخرس كلامهم من قبل ما يتكلموا وبتحرجهم بإجاباتها اللاذعة لما بيجيبوا سيرة الجواز رغم أنها لطيفة جدااا والعالم كله شهد على كدا الشعب أطلق عليها لقب "الملكة العذراء"
المؤرخون مبيسبوش حد فى حاله أبدا يا جماعة ، فمنهم استغربوا من فكرة أن فى ملكة بترفض أنها تتجوز وبيأكدوا أن هناك أسباب خفية ورا الرفض دا . وبعض المؤرخين قالوا إن إليزابيث قررت نكران نفسها ونكران الذات فهى بتضحى بسعادتها من أجل سعادة شعبها ومصلحة الأمة بس اللى خلاهم يستغربوا أكتر إن إليزابيث وهى بتموت أصدرت فرمان ملكى بيمنع أنهم يعطروا جثمانها بعد الموت وألا يكشف جسدها قبل دخول القبر زى ما العادات و التقاليد ما بتقول وكمان يكتب على قبرها "هنا ترقد الملكة العذراء" بعد موتها ووصيتها الغريبة ، الناس قعدوا يسألوا إن كانت أنثى أم ذكر ؟ علماء الطب فسروا حالتها بقا ، وقالوا أنها ممكن تكون أتولدت أنثي ولما وصلت لسن البلوغ ظهرت عليها علامات البلوغ الذكورية والحالة دى تعتبر نادرة جدااااااا بس الأغرب بقا من كل دا ، أنك لما تبحث عن صور للملكة تلاقي صور ليها فى غاية الأنوثة والجمال
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وتلاقي صور بردو بس بملامح ذكورية جداا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و دى غاية عجيبة جداااا أنت رأيك ايه ؟ أنثي ولا ذكر ؟
