♡< حب _ عبر _ الانتارنيت > ♡

الحلقة 5

في بلاصة اخرى :
......: يما يما اااا احلام
احلام: واش ازهري وايامي واش
......:وينو تريكو نتاع الريال
احلام : ( ربعت يديها وسكتت تشوف فيه وترمش بزربة): وانا وين علابالي تريكويا ولا تريكوك شوف نتا وين حشيتو تبان مازلت ترضع حتى نحوسلك على حوايجك راك كبرت نتاجك بحفادهم ونتا هنا يما يما وينو تريكويا ( وتعاند فيه )
.....: خلاص اسيدي ماهدرناش كليتيني وبلعتيني بصح وينو كان محطوط في خزانتي يما علابالك شحال عزيز عليا
احلام : زينو حوس عليه ماعندي مانديرلك حوايجك ونتا ماشي منظم
......: لا حول ولا قوة الا بالله العلي العظيم اسكتو شوي نوضتو العبد من الرقاد
زينو : نجمو خويا ماشفتش تريكويا نتاع الريال
نجمو : تريكويا ولا تريكوك
احلام : قلتلو نفس الشي مي كأني ماقلتش
زينو : اوووف العبد يسقسي ويندم
احلام: راك تندب ماشي تسقسي الساعة هادي خو
.......: خالي خالي ثووف ( شوف )
زينو : واش محمد
الموح : تليكوك ( تريكوك )
دار زينو يلقا تريكوه مقطع وبالجافال مندوب
زينو : لبىىىىىىىىىىى( وهو يعيط )
جات تجري : واش واشبيك تعيط واش صرالك
زينو : وشي هدا نتي نتي لي درتي هكا الليلة تباتي فالجبانة ارواحي هناااااا
لبنى: وسيييم نجمووو بابااااا ماماااا
وطلقت الريح لرجليها وتعيط باش يعاونوها كيعاد غير زينو ماتلعبلوش بحوايجو سيرتو هاد التيشرت خدمهولو صاحبو عزيز عليها توفا بحادث سيارة فنفس اليوم لي مدهولو وزيد خادمو سبيسيال ليه وزيد زينة زبلتها صح
زينو : يعني علااه لبنى تعرفي التريكو هادا نتاعمن نتاع داني صاحبي الله يرحمو علاه عليك واش درتلك
لبنى : كيما نتا كسرتلي مكياجي لي شراتهولي صاحبتي من الغربة كادو في عيد ميلادي من السويد
زينو : هاداك مكياج يقدر يتعوض مي هادا تيشرت مخدوووم مانقدرش نعوضو وزيد مهما كي نعاود نخدمو مايبقاش فيه ذاكرة وريحة داني الله يرحمو علاااااااه
لبنى : ربي يسهل عليك اخي العزيز ديجا مافهمتش علاه راني خايفة منك وانا كبيرة عليك
زينو ( بالقلقة ) : ضرك نجي نكسر ر** فمك حمارة

__________________

نعرفكم على البطل :
زينو هو البطل نتاعنا عمرو 26 سنة زين وكور وديكور زينو زين نتاع الصح ماسماتوش امو هكا في باطل زينو جمال غير طبيعي عندو وهرة وكاريزما وحضور اسمر ومخلط بالبيض عينيه عسلي وحادين شوافر يقطعو هايلين نيف حاد ومعدول مع فم مبطبط وسنين بويض على حياتي وحياة اي واحد فيكم راه يقرا فالكرو ومعدولين مستفين وحدة قدام ختها ياجدك ياه المهم لحية خفيفة مي شابة خرجت معاه طويل يقتل طولو 1.82 عندو واحد الكور يعئد ( تحياتنا لناس سوريا وفلسطين خاوتنا راكم فالقلب احم بيانسور ايا ديديكاس لناس دزاير ودزاير ودزاير وناس باتنة وناس الجي وناس لمسيلة وعين الدفلى وقاع الولايات ايا الشاوية والشاوية والقبايل والتوارق والنوايل ولعرب خاوتنا بيانسور ايا العمري والعمريات وقاع لوهارنة ولمعسكريات ايا الجيجليات وقاع ناس الشرق والغرب والجنوب والشمال والوسط ولي ماجايبينها لامن لامنهيه احم ايا ناس تونس وناس ليبيا وناس الموغريب والموغريب ايا قاع غنو معايا خليوني نتيك توكي مدام زهري نبلوكي تك تك تك تك تك خلوني نرقص نرقص الشيرة ضربتني فالنص خخخخخخ راني هبلت المهم راني درت الديديكاس ولي نسيتو نشالله المرة الجاية نتفكرو وخاوة خاوة وشنو تاني .......مانيش نسمع ...... يعطيكم الصحة مابيناتنا عداوة يااااي ) نرجعو لزينو فالعقلية فوور مي غير مع صاحبو لانتيم تاني جاد 26 سنة هو برك لي يضحك ويقصر معاه الباقي يتعامل معاهم بكل برودة وخاصة لبنات المهم ضحايكي يهبل في كلش ربي يحفظو نخلوه ضرك يهدر
زينو يحكي :
احم سلام اني وي انا زينو نشالله لباس عرفتكم هاديك المهبولة ميمي عليا مي ضرك انا نعرفكم على عايلتي اولنا وكبيرنا بابا ربي يحفظو الحاج علي تاج فوق راسنا 65 سنة من بعد يما احلام 61 سنة لي دو مهابل مي سيريو شوي يما عصبية فوق اللازم اهدر معاها كلمتين تشعل فيك مي شاطرة وكل صبع بعشر صنعات وقصافة من بعد ثمرات حبهم اولنا خونا نجمو 30 قريب 31 سنة مهبول وضحايكي مع الناس كامل ماشي كيفي متزوج ماعندوش بزاف ياربي شهرين ولا عريس جديد خخخخ مرتو مرام 19 سنة صغيرة مسكينة هو قد باباها هههه مي ماندخلش روحي هوما يحبو بعضاهم ربي يهنيهم نشالله بعد خويا تجي الخرية نتاع ختي لبنى 27 سنة صامطة وتستفز بزاف سيرتو انا ديرلي واحد ليجاست نتاع لفروخة طوول وهي نتاجها راهم بحفاد ولادهم متزوجة راجلها وسيم 31 سنة مام هو ضحايكي وقصار مي يتكيف ( يدير الدخان ) وهاد الحاجة ماتعجبنيش خلاص معليه عندهم ولدهم محمد 4 سنين نحبوه كامل ويحبنا مي انا كثر ويقولولي ماشي حنين وصامط وبارد بعدها انا الدلول الزغنطوط هههه عندي جيهة يما احسن يعني خالاتي وخوالي بيسك لولاد كامل نتاجي وقصارين مي لبنات لا اله الا الله محمد رسول الله تشوفهم تكرهم يطيشو رواحهم عليك تقول حاملهم ونتا والو سيرتو رانا بنت خالتي هادي ماشي كامل متربية خرجت مع 5000 طفل بيسك ماعندهاش خاوتها ولاد وباباها ميت الحرية ومها ماعندها ماتقول وحنا ماعندنا مانقولو عندها يماها ويماها مام هي كيفها لا تربية لا والو المهم خلينا منهم حبيت نقوللكم برك تبعو لكرو ماكمش رح تندمو فيها بزاااف حوايج شابين _☆_

__________________________

احم واش رايكم فالبارت .؟!

واش رايكم فزينوشي البطل .؟!

حبيت نقوللكم انو لكرو هدا حقيقية 90 بالمية فيها غي شوي تغيرات والابطال لي بيها حقيقين 100 بالمية يعني كاينين راهم عايشين فالدنيا هادي هههه غير مبدلتلهم الاسم وشوي عمارهم برك برك ♥

جام + كومونت = بارت

# زينو وامينة ♡